富軒

營業中

休息中

家人跟我也很喜歡吃海鮮，但一直腸胃也不多好，所以一定要選擇一些餐廳環境好又衛生的，食材有保證的。大酒樓一直是我們的選擇，正值疫情，價錢更加抵食。蒜蓉開邊蒸澳洲龍蝦 - $288澳洲龍蝦比波士頓龍蝦還要高級，澳洲龍蝦沒有鉗子，殼上長滿了刺。這隻龍蝦非常肉厚鮮甜，肉質更緊實一些，細嫩、滑脆而有彈性，入口更有爽脆感，鮮味又清甜。蒜蓉銀絲蒸日本元貝 - $128日本出產的元貝一定是最優質的，顆圓而整齊，結身有光澤。味道特別鮮甜香濃，口感鮮甜紥實。波浪型的裙邊爽口得來又滑身。蒜蓉粉絲蒸蟶子 - $128蟶子肉厚鮮甜，簡單的蒜蓉調味已能凸顯出蟶子的鮮味與爽滑口感，啖啖肉肉質夠鮮嫩。冰鎮八頭南非鮑 - $98/隻南非鮑魚體型較大，肉厚爽彈，鮮味較重。略帶些微酒香撲鼻，鮑魚口感更細嫩，冰鎮凍食富有清新感。鍋燒啫啫芥蘭 - $108煲仔裏燒到熱辣辣的聲音，帶微辣卻不油膩，只有嫩菜莖特別有爽脆口感。紅豆沙簡單傳統的中式甜品，紅豆煮至起沙，口感好綿軟細膩，帶點微甜而不膩。結帳時還送了張餐飲禮券給我，下次再吃晚飯時，可以送半隻雞，以及以優惠價買藍妹啤酒。

今日約咗兩個老朋友食飯，因為其中一人晏放工，所以就揀咗喺佢公司樓下食，想坐得舒服慢慢傾偈，所以就揀咗食中菜，嚟到位於皇室堡嘅富軒。大家都返工返得咁辛苦，首先就叫個燉湯潤一潤，呢個菜膽雞燉翅用料十足，入面嘅翅都唔少，又夠清潤。店員話而家龍蝦做緊優惠，所以我哋就叫咗上湯西澳龍蝦，再加$30伊麵底，店員果然好推介，龍蝦啖啖肉夠爽口，一斤都夠晒大隻，伊麵底份量十足，仲有西蘭花拌碟，三至四個人都絕對夠食！之後再揀咗啲小菜，朋友話食過呢度嘅脆皮拔絲黑豚肉好好食，個名仲改得好靚，叫做絲絲入扣。果然係做到有拔絲嘅效果，拉得長長，而黑豚肉肉質比一般咕嚕肉嫩滑得多，啖啖肉又冇骨，再夾埋菠蘿或者三色椒一齊食，可以減卻油膩感。呢個鍋燒啫啫芥蘭夠晒鑊氣，味道又唔會過鹹，芥蘭條條爽脆，食到落底都唔會有過多嘅油分。最後仲送埋甜品，我就揀咗綠豆沙，食埋甜品大家都開心又滿足！