Smokey Ice (已搬遷) 新店位置

Smokey Ice店子雖座位不多,幸好剛有一張枱容立小女子與太后.太后先為小女子點了一份牛扒餐,一份吉烈豬扒餐.待應姐姐先遞上一份霧裡看花的牛扒,為何牛扒切件仍豐厚,厚度如7安士的西冷扒,西冷表面鋪上朱古力醬,內裡帶著士多啤梨油脂,此脂有香,板上的蕉條黏上溶掉的雪糕,淡香味怡神.還有半件西多士也不差,因小女子不愛太油膩,而這半件入口有點微笑,中規中矩.至於,那份日左吉豬,非比尋常,內裡的雲尼拿雪糕經油炸仍可保持應有的硬度,有點妙,相信甜品師父花了不少心思去研究這件吉豬,發覺小杯子內的士多啤梨醬加在奇異果上味道不錯,甜酸配搭,似糖果般,回憶不少.此行值得花時間吃掉它.

小弟睇見Facebook有介紹鐵板牛扒雪糕，專程到元朗拜訪兩次，第一次八九點去到之後，佢地話已經賣晒 第二次突登早少少四五點就去到食，好彩去到等左唔洗五分鐘就入得去 一入到去就受到熱情款待，服務員仲突登推介我地食鐵板牛同冰鎮吉豬，咁當然一於聽佢咁講啦。等左一陣就有得食lu，鐵板牛一黎到就已經出晒煙，感覺好jeng，不過一食落就覺得好普通，只係一舊朱古力雪糕再加埋底層士多啤莉雪糕，鐵板功用唔大，個吉豬其實ok，口感幾特別，不過始終同我expect上，普通左d，味道唔差。價錢上就貴左d，六十幾。

網上見到呢間甜品店好有特色, 貴貴地都想試下3點半開店, 3點左右已經有客人拎籌等位,我地3點3去到,已經要等下一輪...結果等左45分鐘唔緊要都係下午茶,唔係好肚餓, 店員做野都好快手好快就上左第一道甜品--炸豬扒, 外熱內冷, 配搭得好好, 生果好酸><鐵板牛扒 -- 第一次當然要食招牌菜, 香蕉, 朱古力雪糕 同多士, 都係好完美ge配搭整體好滿意, 今日大飽口福~