糖室 (已結業)

南山唯一甜品店(?)同冬菇亭實左格格不入，別有一番風味鐵鍋棉花糖吐司創意之作！棉花糖配雪糕 無得輸配搭！不過超甜x100000有少少水果酸酸地都中和唔到... 少食多滋味，同一班人share 就最岩喇玫瑰荔枝冰甜甜地，不過又幾清新挖入面居然有白桃同荔枝雪米糍成件事昇華左好豐富呀！！！唔係淨係冰得個凍字，又唔會食冰食到厭！Good!!!芒果冰有驚喜喎！！開胃又唔會過甜之選👍🏻入面都係有雪糕架後記：夏天最好入室內食，有冷氣舒服d

夜晚九點左右，一班人一早上Openrice 睇到這間個評價不錯，所以到舖食。但舖內沒有位，只好坐到舖外加的枱。醒起Openrice 有食評話茉莉陳皮燉蛋不錯，但發現menu 沒有，只好問一下年輕女侍應。她出到嚟，我問問她有沒有茉莉陳皮燉蛋，佢表現得不耐煩，話講個號碼出嚟，但我哋都係睇食評，那知道個個食物號碼，同埋我哋都係想知到仲有無個款食物。之後那女侍應走返入舖頭內。後來我哋只好叫menu有食物。當示意想落單，那女侍應扮成睇唔到，不願意出嚟落單，擾攘咗一段時間，那女侍應推另一個女侍應出嚟落單，此舉動令人十分反感，好似我哋得罪咗佢咁，我哋都係想睇完Openrice ，想食食評最多人讚食品。怎會知道得到那侍應如此對待。就算餐廳🍴有更好食品，沒有好服務，作為消費者也不想光顧。梳乎厘- 有少少失望，因為一咬落去仲有好多砂糖，但味道都可以。鐵鍋綿花糖吐司🍞- 味道有層次，但略嫌個吐司太硬。但棉花糖、朱古力醬、士多啤梨（唔會太酸）都好夾。玫瑰🌹荔枝冰- 最有驚喜，外面沙冰，食到中間有蒟蒻、雪糕糯米糍、脆米⋯

考完試夜媽媽，諗住同個同學去食糖水慶祝下。南山邨有好味大排檔就不嬲都知，但原來都隱藏左一間幾有格調嘅甜品店，位置就隱蔽左少少，用google map搵左一排先排到，但黎到試過又覺得值得推介。舖面細細，數埋都唔夠十張枱，我地去到時更加係全店唯一一枱客。侍應遞上餐牌，真係估佢唔到有咁多選擇，中式、日式以至近年流行嘅台式吐司都有。今次就揀左食鐵鍋棉花糖吐司。熱辣辣嘅鐵鍋上枱後，棉花糖嘅香甜撲鼻而來，加上入面嘅藍莓、士多啤梨中和一下甜膩感，啱啱好。食到入面就見到吐司，因為鐵鍋嘅保護食到入面都仲係熱嘅，脆卜卜嘅多士仲有淡淡嘅蜜糖香味，夠飽肚，作為一個飯後甜品可能太過膩，但對於未食晚飯嘅我黎講就相當唔錯喇！好多時同朋友喺又一城食完飯都搵唔到甜品店，而家就有多個好選擇。食飽飯，行多兩步去南山邨，再食，咁先至盡興！

來南山邨扮文青拍風格照，順道來吃個甜品開心一下！女孩子對棉花糖的魔力真的無可抗拒，更何況是這一份色彩繽紛的棉花糖吐司？鐵鍋棉花糖吐司 HK$58最想知道的是甜品師傅怎能控制到每一顆棉花糖都烤烘得金黃色？而且呈半溶狀態，外脆內軟！面頭舖上士多啤梨、藍莓粒、粟米片等，再加上糖粉及朱古力醬，更為吸睛！棉花糖底部舖了切成正方形的吐司粒，也烘得香脆可口，配上半溶的棉花糖一口咬下，確實是滋味爆滿的享受！*不過要提提大家：這份棉花糖吐司份量也不少，2人分享最好不過！川貝蓮子海底椰 配 桂花凍 HK$36友人另點了這份傳統滋潤甜品，最特別的是旁邊小碟的桂花凍，有點樣蒟蒻的口感！QQ彈彈的，也富有濃郁的桂花味道！店子有戶外及室內位置，這天坐在戶外的小桌椅，看著隔鄰的客人們玩搖搖椅，旁邊亦又有另一家熱鬧地道的飯店，整個人就放鬆在這悠閒的氣氛中。

吃貨記憶，離不開食。上至介紹，下至餐牌……提起屋邨大排檔的文青系甜品，零碎片段即從腦海拼湊出。一拍即合，立時起行。食前，心內抱怨著山長水遠唔就腳。一食才知，CP值爆燈，不枉此行。鐵鍋棉花糖吐司 ($56)即叫即焗，約6吋的鐵鍋原個上陣。一看得知烤得剛好，要等20分鐘也是值得。必食！鋪滿士多啤梨、藍莓、粟米片，再加球雪糕。繽紛漂亮，未吃先興奮，絕對要相機食先！翻開一看，內藏麵包粒夾層，構成吐司組合。萬惡的棉花糖，外脆內軟，又是玩拉絲的時候～飽肚度十足，甜品當正餐無難度，建議跟愛人、姊妹（2-3個）甜蜜分享。蜂蜜藍莓吐司條 ($38)加碼要多一份吐司，同樣是超水準之作。別小看那奶白色的一球，是白桃雪糕呢！清香特別，直接把一旁較稀的蜂蜜藍莓醬比下去。（利申：小P分明是藍莓控喔……）回到主角吐司條，鬆脆度完勝薯片。烤香後甜香誘人，不用點醬已經超好食。必食+1！宇治抹茶冰 ($42)越凍越想食雪糕、刨冰，當日在河口湖凍病了亦然。見到心愛的抹茶，自然點上一份。滿滿的一碗，堆成小山狀，對得起這價錢有餘。可惜，拌上煉奶、蜂蜜和北海道牛乳後，抹茶味過弱了啦……是照顧了偏好淡茶的口味嗎？挖著挖著，中間找到