119韓國站 (已結業)

～鐵鏟芝士排骨 半份 $148～美味指數：6/10抵食指數：7/10去元朗踩單車，於是就順便試下呢間元朗好hit嘅餐廳～呢間餐廳以消防作主題，裝修都幾有特色～公眾假期十二點去到唔使排隊，仲做左餐廳第一檯客人！芝士真係令人難以抗拒! 芝士排骨幾乎係必點嘅食物～驚喜嘅係半份嘅排骨都算幾多，而且肉亦唔少同煮得夠哂腍，幾抵食！但食果陣芝士同排骨要一齊食其實都幾困難😅d芝士凍左就會同包住嘅排骨分離⋯所以拆左骨再用芝士包住d肉咁食就唔會咁狼狽啦！另外，側邊嘅番薯蓉甜甜地好好味，岩哂鐘意甜嘅Berry!

之前幫朋友影左D結婚相，因為大家都忙 過左幾個月都見唔到面，依家咁難得約到梗係要食返餐勁。我地去大家既中間點"元朗"食最近好受歡迎既119 我地去到門口:「嘩!!洗唔洗多人到咁(己經係平日)」，好彩我地有訂位 。如果咁熱要係門口等，我怕我會熱暈左  。好彩唔洗等好耐我地就有位，入面掛左超多關於消防員既野 消防衫帽、士把拿、鐵鏟等等，未有野食之前都可以欣賞環境。鐵鏟芝士排骨 (半份 $128) : 三種招牌鐵鏟之一，店員上鏟開爐將芝士燒熔，我地睇住D芝士慢慢熔就有D芝士香味發出黎(其實我已經流緊口水)，店員見芝士熔得差唔多就用鉸剪將排骨分5份，再用純熟技巧將芝士包滿排骨(本人包過一次，超核特 )。第一啖咬落去帶有小辛既排骨同香濃芝士完美結合，排骨較淋上面有D辣醬加上芝士之後中和左辣性。所以唔算好辣味道剛剛好 水冷豐梨巴馬火腿 ($58) : 隊長三星推介，將豐水梨浸真露酒再放入雪櫃，表面加上巴拿馬火腿。食落有清甜梨味，不過好似雪得太耐咬落有D涷隊長沙律 ($58) : 一上碟色彩就吸引我眼球，蜜桃既黃、番茄既紅、生菜既綠再加上藍莓醬汁未食都興奮。藍莓醬汁較沙律醬多左D酸味，十分