海港酒家

營業中

休息中

屋企人生日，次次都鍾意食呢間，因為呢間有長腳蟹食之前疫情好平就買多一隻返去。🫣今日都嗌咗隻🦀長腳蟹，白玉冬瓜盅，海港小炒王，🪿招牌燒鵝王半隻，新鮮菠蘿咕嚕肉，晚市孖寶e餐，🦐黃金蟹肉蝦球伊麵，🐟清蒸虎杉仔一條。🪿燒鵝好好食，白玉冬瓜盅都好清甜，🦐蝦球伊麵就不過不失，🐟條魚略嫌蒸得熟咗少少。不過隻🦀長腳蟹就同之前食開嘅好似有少少唔同，今日嗰隻比較似水蟹。。之後同經理講咗，都解決左。。

都係決定俾多次機會海港，生日飯都念念不忘佢哋嘅長腳蟹，好在今次都冇令我失望。今次一早訂定隻五斤左右嘅長腳蟹，四個人食啱啱好，肉質結實鮮甜無比，蟹膏用一個碗承載着，另外喺碟底又有一整盆白色嘅蟹膏又係非常鮮甜。另外每次去海港都必定要嗌嘅就係鹽燒南非鮑魚，肉質彈牙爽口，鹽燒夠晒香口野味，送酒一流👍金瑤扒豆苗就老咗啲，可能未係時候食豆苗，至於個花膠螺頭湯就中規中矩冇乜驚喜。另外見到隔籬枱炸子雞非常靚仔，一望來就知皮脆肉嫩，可惜太飽冇叫到🥹

一年一度嘅母親節，講得切喺限聚令放寬之後慶祝，嗱嗱臨訂枱，邊間有位就訂邊間，於是訂咗喺淘大商場嘅海港酒家。今次有三款母親節指定菜單，難得好耐冇咁齊人相聚過，我哋揀咗最貴嗰一款，$1888/8位。海港嘅燒鵝比較出名，呢半隻都幾香，但係就肥咗少少，食到最後有幾舊都太肥膩食唔到，另外等湯都好足料，又夠火喉，好出味，而重點嘅就係長腳蟹，食之前要花一大輪功夫將佢剪開，都好費力，不過費力得來都係值得嘅，因為真係好鮮味，而且好多肉，食之前點返蒸出來嘅蟹汁，成口充斥着鮮蟹味，值得一試👍🏼個餐冇包到主食，但就有壽包，我哋加咗幾個白飯，連埋茶位加一，最後埋單$2200，母親節來講，算係幾抵食啦