願榮光咖啡館 (已結業)

/𝑵𝒐𝒕 𝑶𝒏𝒆 𝑳𝒆𝒔𝒔 𝑪𝒐𝒇𝒇𝒆𝒆🇭🇰/#sa上環篇 #sacafe篇 ➖➖➖<日式家庭料理x 手沖咖啡專門店> ➖➖➖之前都有飲過佢地嘅手沖咖啡！ 大概係一年前翻新左～ 由以前嘅型格暗黑系變成日光系🥳雖然位置有少少隱蔽 不過當日星期日到訪 依然都幾乎爆滿✨之前有飲過佢地嘅咖啡☕️ 今次就食埋料理🫶🏻➖➖➖1️⃣精緻日式家庭料理 $140 定食都有幾款揀！ 例如: 唐揚雞塊/ 芥末牛柳/ 吉烈豬扒/野菜今次就食左鹽燒鯖魚配柚子梅素麵 另外會配上漬物、手沖茶同櫻花福餅🌸鯖魚調味剛好 唔會過咸 同時亦無腥味～ 都唔會食到細骨✨呢幾日唔係話特別好胃口🤣柚子梅素麵就岩晒我 會食到紫蘇香味 點埋個汁幾開胃當日漬物係枝豆 手沖茶就係玄米茶 櫻花福餅的骰細細粒幾可愛🫶🏻餐具同擺設都盡顯心思😆➖➖➖2️⃣富士山御結🗻$80/pair 有幾款顏色口味～ 最後都係揀番最經典嘅口味同顏色☺️櫻花粉就係肉鬆沙律 寶石藍就係蟹肉蟹籽 入面都幾足料～加左啲沙律醬無咁乾 米飯微暖 煙煙韌韌 唔會好易散 因為即食紫菜都keep 到乾爽👌🏻另外都有其他口味！ ➖➖➖3️⃣醬油烤年糕串 $60最愛嘅揚餅 間唔中都會

今次帶埋男朋友過嚟試，依舊冇令人失望！雖然我哋已經兩點幾先去，但都勁好生意，全場爆滿咁滯，當時得一個員工打全場，所以都等咗好耐先得閒過嚟幫我哋落單🥹不過好生意係好事嚟嘅！首先試咗個小食，醬油烤年糕串，好煙韌好好食～另外個家庭料理真係好精緻，味道恰到好處，芥末牛柳粒好惹味！仲有富士山御結，之前上網睇到藍色同粉紅色就已經即刻bookmark咗，終於食到！好味仲非常打卡able𠻹😋最後係個開心果千層蛋糕，開心果味好濃，為今次用餐畫上完美句號💛ps. 食食吓中途老闆同老闆娘帶埋woahwoah返咗嚟，即刻變成全場焦點🤣

平日睇願榮光嘅Instagram，都知道佢地成日好受政府部門關注。我一年前黎過食嘢，今日第二次黎，食物水準仍然都係咁高。朋友點咗精緻日式家庭料理，主食四選一，揀咗柚子素梅麵，朋友話好清新開胃。配菜五選一揀咗吉列豬扒，豬扒炸得好鬆脆。是日手沖茶係玄米茶，我試咗一口，玄米香味好濃烈。輪到我發辦，我點咗一件開心果千層蛋糕。佢嘅抹茶醬超濃，蛋糕入口即溶，而且真係有「千層」嘅效果。我最鍾意嘅係願榮光嘅完熟白桃乳酸，佢地將完熟白桃擺喺杯面畀人打卡，然後會幫我切開。白桃好甜，又多汁。飲品甘甜，飲到底乳酸味明顯。精緻日式家庭料理 $140開心果千層蛋糕 $80完熟白桃乳酸 $100