想甜嚐甜

營業中

休息中

今天跟朋友食完晚飯後食甜品，朋友係開心果控，所以帶佢黎哩間想甜嚐甜試吓！🔸開心果心太軟配乳酪雪糕心太軟即叫即焗，一切開整個爆醬流心，開心果味很濃郁，食到咁上下會有一點膩，配上乳酪雪糕雖然唔太夾，但可以一解甜膩，也不錯！🔸開心果牛奶冰配巴斯克芝士蛋糕賣相十分打卡，開心果牛奶冰加上煉奶、海鹽芝士奶蓋、開心果碎等，味道香濃，質感綿綿，食完整個透心涼巴斯克芝士蛋糕芝士味很重，很順滑！🔸 挪威的雪山這個也超級打卡！上面是焦糖芝士，味道咸咸甜甜的，火焰雪山裏面是忌廉泡芙和乳酪雪糕，酸酸甜甜的，冰火二重奏，食完心情都會好起來！❤️

食完晚餐之後，總想食點甜甜的作結，經過呢間小有名氣的甜品店就走咗入去。餐牌中竟然有款「開心果心太軟配乳酪雪糕」，開心果甜品算係少見，所以馬上點咗嚟試試。開心果心太軟配乳酪雪糕好似朱古力心太軟咁，一個熱乎乎、淺綠色的開心果心太軟好吸引。用匙羹一切，內裏的開心果醬汁隨即好似瀑布般流出，視覺感100%。雖然我鍾意食開心果，不過我不太鍾意甜品全部都充斥開心果，因為口感容易變膩，好快會食得飽飽滯滯。所以呢款甜品做得比較balance，容易甜膩的開心果配以酸酸甜甜的yogurt雪糕，食完的確無咁heavy。開心果fans值得一試！

想甜嚐甜係一間我好鍾意食嘅甜品 第一次食嘅時候仲讀緊大學 嗰陣喺黃大仙開業無耐 一試愛上♥️眨下眼就咁多年 黃大仙店喺舊年結業了😢窩夫一如既往出色🥰🥰外脆內軟 富蛋香味🧇材料配搭得宜 焦糖香得嚟唔會過甜 乳酪雪糕亦令成件事清爽不少😋極流心 一切開個漿直頭係湧出嚟😹熱辣辣 開心果味超濃 鍾意食nuts嘅朋友超鍾意！不過覺得件事配乳酪雪糕有啲違和 感覺襯牛奶雪糕比較適合🧐呢個就有少少失望了🙍🏻‍♀️不過不失 陣味係ok嘅 配料都好食 不過唔夠凍 大概係室溫 芒果味亦都可以再香濃啲🥭

想做就做，想甜嚐甜。喺menu見到呢句真係好唏噓，生活很苦，間唔中真係需要吸收啲糖分，呢間良心店嘅甜品都唔係一般貨色，睇得出有認真設計，個心太軟真係幾高質，可惜黃大仙店近日結業，希望大家多多懲罰西環同大角咀店。🍽開心果心太軟配乳酪雪糕 ($62)呢度嘅心太軟有好多特別口味，早排有芫荽味添。心太軟即叫即焗，等候時間較長，但一切開見到咁流心就覺得值得。開心果味濃郁唔人工，非常出色，菠蘿乳酪雪糕則可一解甜膩，同開心果幾夾。🍽 紫 芭菲  ($48)本身想食紫薯燉蛋，但畀芭菲嘅賣相吸引左，芭菲鋪滿紫薯粒，幾鍾意佢紫薯無將壓成蓉，保留返原有質感。紫薯醬甜度就高少少，感覺加左花蜜，底層嘅粟米片同玄米粒依然脆身。唯一可挑剔嘅係當日乳酪雪糕只有菠蘿味，菠蘿雪糕味道清新，甜度偏低，可惜同紫薯唔算好夾。🍽 椰芋 ($40)一碗有齊芋圓、地瓜圓、紫薯圓、丸子、西米、紅豆同海底椰，非常足料，三色圓幾彈牙，味道就唔算好突出，椰汁唔會太稀太杰。🍵玄•抹茶 ($32)面頭嘅鮮奶泡幾綿密，睇顔色仲以為抹茶做主角，點知玄米味好突出，杯底有玄米胚芽、小丸子同紅豆蓉，整體唔錯，店員好好幫我地盡量少甜。

入得嚟想甜嚐甜，梗係要嗌返佢嘅招牌甜品——開心果心太軟😀 除此之外，我仲好期待食佢嘅柑桔味乳酪雪糕，點知佢得返原味，但都無損我嘅興緻😛 心太軟雖然的的色色，但入面嘅開心果醬超多，絕對做到爆醬嘅效果🤪 開心果味幾濃郁，食耐咗可能會覺得太甜，但係配埋好fresh嘅乳酪雪糕就啱啱好👍🏻另外，仲嗌多咗個黑草，呢個真係十級抵食，皆因佢啲料超多🤩 有三色芋圓、丸子、珍珠、西米、黑糖條、仙草，另外加咗黑糖醬同花奶😋 成碗嘢都係果啲煙煙韌韌嘅野，岩哂我！不過我覺得佢嘅芋圓有啲太硬，可以再腍返少少咁多🤏 而令我幾驚喜嘅係黑糖條，爽爽哋幾好食！😆總括而言，️呢間人氣甜品舖嘅甜品唔單止打卡一流😍 味道仲幾唔錯！最印象深刻嘅真係個開心果心太軟，出面無咩幾可可以食到🙈 仲要佢係深黃嘅小店，絕對要好好支持下😌💪🏻