影片
營業時間
今日營業
15:30 - 23:30
星期一至日
15:30 - 23:30
*最後落單時間: 23:00
以上資料只供參考, 請與餐廳確認詳情
食甜品其實係為咗開心，因為甜野會刺激腦部分泌多巴胺，令人開心返！但呢間舖真係好成功，一張小家到震既告示，每人要叫一份，仲要45分鍾起身，令我決定幾好食都唔會有下次，因為食完幾好味都唔開心！我兩大兩小，即管試下叫三個甜品，其中一個仲特登叫份大D貴D既，點知個哥仔真係要求我每人要叫一份，我同家人都真心O咀，唔係幾多錢，而係唔想浪費，唯有改叫D細份D既野！再者間舖細，D位迫，坐耐D都覺得辛苦，45分鐘都真係有D多！不過個心太軟真心好食而且算平，不過我點都唔會再去試😂
繼續閱讀
本人是大角嘴分店的忠實fans，兩個月前, 第一次光顧堅尼地城分店後，當時沒有寫食評。因為我對這間甜品店還有希望，我相信 店員會樂意聽取顧客的意見前幾天我和妻子第二次光顧堅尼地城分店，我們點了兩個甜品其中一個是 「火焰忌廉泡芙雪山」一入口 整個口感很怪 有燒焦的味道我們詢問了其中一位店員 她說甜品的外層是不能吃的 她建議我們只吃甜品的內層但當我們吃甜品的內層時 也有被燒焦過盛的味道 我們明白甜品製作時，需要被燒焦 但好像燒到過火了 整個甜品完全沒有甜味 只有燒焦的味道 ***照片是我們吃剩的部份 *** 我們已向職員跟進 我們向店員說 其實我們曾經在大角咀分店吃這個甜品 很好吃的 完全可以入口 甜品的內層口感也層次分明 職員態度並沒有很誠懇真的希望他們會改善因為他們其他甜品其實是不錯的
繼續閱讀
想甜嚐甜有各種口味嘅心太軟，但味道、口感都一般，而且店員安排得差。事因我哋入座5分鐘後，有團體(至少25人)入座。我估計有事先通知店員（因為店員呢5分鐘都有安排緊枱凳），結果我同朋友就坐咗喺近中間嘅位置，旁邊不停有人出入走嚟走去，感覺好唔自在。如果店員事前同我哋講一聲有團體聚會，或者我哋會轉食外賣。*奶醬心配乳酪雪糕 $64一刀切開，花生醬流心，非常甜膩。蛋糕係花生醬味，煉奶味淡啲，口感好似泥膠，感覺好差。乳酪雪糕微酸，口感似雪葩，論口感、質感，同心太軟都好唔夾。開心果心配乳酪雪糕 $68開心果醬味道超級濃，冇奶醬咁甜膩，蛋糕嘅開心果味比想像中淡，口感都係一般，有啲似食麵包，配乳酪雪糕都唔夾。
繼續閱讀
聽過朋友介紹呢間甜品店可惜港島太遠，一直冇機會試今次終於過嚟港島 決定去試吓佢作為一個開心果大粉絲梗係叫佢哋招牌嘅開心果心太軟製作時間需要大概20分鐘呢度大部份都係兩人枱每人最低消費係一個甜品開心果心太軟外脆內軟入邊嘅開心果流心超級濃郁上邊仲有鹹香嘅奶蓋側邊有好多開心果碎碎配埋佢包埋嘅乳酪雪糕一凍一熱咁食真係好過癮如果大家嚟食呢間嘅話非常推薦叫呢個甜品另外我哋叫咗芒果芋圓芋圓非常有咬口食到甜品唔會太甜 甜度適中食晒兩個甜品，超級滿足啊
繼續閱讀
呢間又係想試好耐嘅甜品店一直都未試，咁啱喺附近食完晚飯就同朋友食埋個甜品甜品選擇都幾多，試咗佢兩款人氣嘅心太軟抹茶嘅味道好濃郁唔算話超甜，不過個人覺得乳酪味嘅雪糕唔係好夾開心果味有埋啲脆脆，加埋一齊好好食不過就偏甜咗少少佢嘅多咗茶焦糖燉蛋麻麻哋個人覺得啲焦糖蓋過咗啲茶味，而且偏流質另外試咗佢3款糖水楊枝甘露普普通通，椰芋就正常發揮唔使特登去食椰汁黑糯米幾推介，啲黑糯米好有咬口整體個人覺得一般，未去到話特登要食同埋佢冇得share，因為有minimum charge，每人至少要叫一款甜品食過一次就算Been wanting to try the dessert from this shopThey provide various dessertsWe ordered 2 molten lava cakesThe matcha one was very flavourful and it came with a yogurt ice creamThe pistachio one was a little it sweet for me but it tasted good with the rice pops Not a huge fan of the Earl grey crème brûlée as it quite liquid and the caramel taste was too overpowering As for the sweet soups, the mango and taro one were fair and the black sticky rice one was delicious as it was very chewy which I likedThis restaurant is not a must try in my opinion as they have minimum charge which every customer has to order at least one dessert
繼續閱讀