阿翁廚房 (已結業)

朋友之前響北角食過阿翁，掛住佢既上海菜，知道搬左去筲箕灣，所以特意去回味吓。看見餐牌，好多選擇，指定要叫的當然係阿翁上湯小籠包$38, 還有我喜愛自己包啲餡食既菜，見到有鐵板蔥爆牛肉配個饅頭二窩頭$98，見佢啡色就問老闆娘，她細心介紹是全麥雜糧的饅頭，再叫了蔥油伴海蜇$48，川辣口水雞$68，酥炸雞扒$20同回鍋肉炒年糕$52。老闆娘好客，見佢細心款待客人，有傾計有介紹，感覺溫馨。先上冷盤蔥油伴海蜇$48，粗條海蜇沾滿蔥油，夠香，爽口。川辣口水雞$68，另一冷盤，配了胡麻醬，雞肉夠實肉，面有啲麻辣油，惹味，雞皮唔算肥，薄薄的爽口，再來期待的阿翁上湯小籠包，驚喜有5隻仲好大隻，$38真係好抵食，皮夠薄咬下，上湯咇出，肉味鮮甜，點了黑醋，有薑絲帶有淡淡薑味, 令口感冇咁膩口。鐵板蔥爆牛肉配個二窩頭饅頭$98，全麥雜糧的饅頭熱㷫㷫夠軟熟，反轉有凹窩，可放牛肉同大蔥，以鐵板上可保持牛肉夠熱，好稔身的牛肉夠滑。小食叫了酥炸雞扒$20，唔會太油膩，鬆化脆漿，大大塊切好一件件容易食，還配了沙爹辣汁蘸起雞扒一齊食好夾。主食叫了回鍋肉炒年糕$52，回鍋肉的材料包括一片片薄腩肉, 豆乾, 椰菜等配料，年糕

係一條平靜既後行入面，你又點會估到，有一間上海菜呢。一入到去已經聞到好濃烈嘅味道，係咩味道就係人情味。店員好親切會同你每樣介紹，而且入得黎食嘢嘅全部都係有講有笑。最特別嘅係每一隻餃子每一隻小籠包都係老闆娘親手自己包嘅。而且環境闊落，燈光用咗暖黃色令人有種溫暖嘅感覺。首先嚟嘅係花雕醉雞，依個係冷盤，花雕酒味入晒雞肉入邊，好入味而且雞肉一啲都唔老好爽口。四川擔擔麵必食之選。香味濃烈而且有少少辣令人開胃 。另外仲有紅油抄手及小籠包，先講抄手，咬落去唔會覺得10分油又唔會太辣。而小籠包皮薄餡靚，夾起上嚟又唔會好易穿而令到啲湯倒瀉晒，10分好味。我最後甜品仲有一個高力豆沙，本人第一次食，有少少似冬甩嘅感覺扮有紅豆餡認真唔錯。

街坊價、街坊服務、街坊味道！好親切呀，一定會再黎呢度！講緊既係邊度？就係阿翁廚房啦！舖頭位於筲箕灣既一條小巷，鄰近港鐵筲箕灣站，方便易達上海野又點可以唔食小籠包呢？我地一叫就叫左八只，抵啲嘛，哈哈上湯小籠包小籠包好肥大，漲卜卜夾起好贅手，好多湯汁係入面！餡料好足，味道剛好，皮薄，一咬開啲汁流晒出黎，正！鮮肉鍋貼另一樣上海代表作就係窩貼啦！一樣係皮薄餡靚！透出入面粉粉地色既豬肉。個皮煎到好脆，唔算好油。餡除豬肉外，仲有菜，味道唔錯！四色拌盤-五香牛展較薄身，入味，五香味唔會太重。-蔥油拌海蜇同平時食開既多左重蔥香味，亦有油香味，海蜇好爽口。-香菜拌木耳木耳爽口，唔算辣，有少少麻。-上海燻魚好特別，唔識形容個味道，食落甜甜地，咸咸地，個醬油好香，有食新年食物既感覺！幾好食！燻魚九黃炒鱔魚好夠鑊氣！熱辣辣，好香！黃鱔肉係一舊舊，唔會好似其他地方食既得一條條絲甘少，啖啖肉！炒得好均勻，夠味道！送飯一流！豆沙鍋餅即叫即做！好脆口！餅皮唔會好厚，夾住甜甜既豆沙蓉！正！如開始所說，幾中意呢間餐廳，抵食又有水準！好多食物都係餐廳自己調校同包，如生煎包、窩貼、小籠包等。支持！

筲箕灣真的很多食店。住在這區的朋友帶我到這店吃晚飯，地點看似隠蔽，但其實行少少梯級左轉就別有洞天。朋友愛飲酸辣湯，我們二人就點了個小的，估不到小的也是一大鍋！結果每人飲了三大碗，勁抵！湯的酸與辣比例很好，料也很多！推介！每次食上海嘢都會點小籠包，這裡的小籠包可點五隻或八隻。小籠包皮薄，入面充滿肉汁，而且小籠包比平時食到的size 較大。愛吃香口嘢的我點了脆皮素鵝，炸了的腐皮勁脆，餡料以冬菇為主，很好味。紅油抄手不太辣，那些汁還有淡淡的甜味，我覺得比小籠包還要好味！！每餐都要食菜的朋友就點了娃娃菜炒什菌，很大碟，預了要打包。要吃點主食的我們點了的回鍋肉炒粗麵，麵質很彈，又有回鍋肉的肉和豆腐乾等，超大碟，很抵食，我們每人食了一大碗後還食剩很多，當然要打包！我愛吃酒釀桂花湯水，這兒的酒釀丸子要點一鍋，我們二人無可能食得唒，改點了一碗酒釀桂花湯丸，一碗六粒，芝麻餡料！為一餐劃了完美的句號。餐廳的面積其實不細，幾好坐，是一間用心製作的食店，食物的份量勁大，很抵食！

小弟一直都喜歡食上海菜，有緣經一位「港島人」介紹下去探訪「阿翁」！「阿翁」深居簡出，在筲箕灣道樂融軒前出斜上樓梯轉左的小路裏，我Google map完，都要搵左一陣！自己食親上海菜，都會點擔擔麵、小籠包、鍋貼，今次都唔例外。麵條硬度適中，配料豬肉碎，花生加埋濃湯一齊食，又唔係好辣，味道一流！每次小籠包一上台，都想襯熱食，又怕被包裏既熱湯整親咀。今次都唔例外，又辣親咀了！至於個包皮厚度適中，裏面d饀係豬肉，好鬼滑，最好味都係d湯，超級甜！鍋貼煎得好香口，少少燶，剛剛好，簡單菜色，一流水準！雞絲粉皮一直以來都係我最愛嘅菜式，雞絲同麻醬永遠都係一個絕配，粉皮質地剛剛好，衣一款前菜真係無得輸！最後整多碟乾煸四季豆。炒得火喉十足，十分新鮮，咬下質感爽脆，十分惹味，份量好多下，食唔停口。食物好多親手做，好考功夫，值得支持！

自從搬咗去西灣河之後，筲箕灣突然變得好近，搭叮叮10分鐘就到啦！亦都因為咁，我哋美食地圖就擴展到去平時比較少去嘅港島東筲箕灣，今日我哋又去咗試天悅廣場附近嘅阿翁廚房，試下呢間街坊上海小店。手拍小青瓜小青瓜新鮮爽脆，入口辣辣地，非常醒胃。阿翁上湯小籠包小籠包即叫即蒸，好大隻。雖然嗰皮唔係好薄，但勝在裏面好多湯汁，好足料。上海湯粗原本想食上海粗炒，不過因為A姐唔想咁油膩，所以我哋揀咗上海湯粗。湯底香濃，而且十分足料，唔錯。上海回鍋肉細個嗰陣，屋企人每次食上海嘢都會叫回鍋肉。呢到嘅回鍋肉炒得好有鍋氣，非常入味，豬腩肉肥瘦啱啱好，加埋豆乾同椰菜，正！