香香宮煮 (金輝大廈)

營業中

休息中

🥢火鍋湯底～ 雍穆公主•花膠雞湯鍋！係餐廳嘅招牌湯底之一，滿滿膠質嘅雞湯底，有好多厚身花膠，另外仲有半份三黃雞，雞肉超嫩滑香口。🐮主食～ 艾莎公主 •牛肉寶盒！打開木盒，乾冰嘅凍煙令人充滿期待，靚之餘仲可以保存肉質鮮嫩！有七款唔同嘅牛肉，包括頂級雪花肥牛、手切牛崩沙、手切本地牛肉、新鮮牛展、牛肉粒、牛舌仲有好特別嘅牛黃喉。🐷伊比利亞橡果豬難得豬肉片都見到有咁細緻嘅油花，肥瘦均勻，肉質自帶甜味，入口先係湯底味，之後就有豬肉肉汁滲透，非常油潤嘅口感。👑香香宮煮響鈴拼盤即叫即整嘅響鈴拼盤有兩款口味，非常鬆脆，入口有層次，我最鍾意鹹蛋黃響鈴，熱辣辣加上鹹蛋黃香氣，顏色金黃，鹹香鬆脆，食唔停口。🦀手打蟹籽蝦丸真材實料，蝦丸咬開見到雪白嘅鮮蝦，彈牙又爽脆鮮甜。🦐前菜小食～ 陳年花雕醉海蝦，本身好鍾意花雕嘅香氣，同海蝦非常夾，特別係花雕令蝦嘅鮮味同甜味更出，而且凍食令蝦肉更彈牙。🎍飲品方面～ 唔想飲酒精飲品，一定要試吓自家製竹蔗茅根，以復古陶瓷壺承載，非常保溫，飲到最後都keep到好冰凍清甜。

一直都想去呢間中國宮廷風火鍋打卡，今次幫朋友慶生終於有機會啦！除咗餐廳裝修華麗之外，餐具同爐具都同樣別緻，仲有宮廷服飾提供，成個感覺真係十足十置身於古代咁～✨雍穆公主•花膠雞湯鍋(半隻)花膠雞湯鍋選用咗三黃雞同埋厚身花膠一齊熬製，三黃雞肉質細膩，花膠軟嫩爽滑！湯底醇厚鮮美，真係忍唔住飲多幾碗～✨艾莎公主牛肉寶盒牛肉寶盒相當豐富，有手切牛崩沙、手切本地牛肉、新鮮牛展、頂級雪花肥牛、牛黃喉、牛肉粒、牛舌花等等，一次過可以食晒多種唔同部位，每款都牛香充溢～✨手打蟹籽墨魚丸4粒)墨魚丸爽口彈牙，表面仲有啲蟹籽做點綴～✨伊比利亞橡果豬油花紋路清晰，肉質極度細膩軟嫩，有一種芳香濃郁嘅肉香味～✨香香宮煮響鈴拼盤有普通響鈴同埋即炸黃金響鈴，即炸黃金響鈴外層好香鹹蛋黃嘅香味～✨美濃水蓮水蓮呢種菜平時比較少見，口感爽脆得來又吸收到湯底嘅精華～✨竹蔗茅根一渣打邊爐飲返杯竹蔗茅根清下熱氣就啱晒啦，連個壺都相當之別緻～

天氣開始轉涼，特登去咗一間宮廷風火鍋店。一行入店内就好似置身於宮殿，最特別係有一個皇帝寶座打卡位，旁邊仲有宫廷衣服比客人換上，一個與眾不同既用餐體驗。雍穆公主•花膠雞湯鍋今次揀咗養生湯底，湯底用左三黄雞每日新鮮敖製，保證左湯既鮮美程度，雞湯滋味濃郁，配上厚身既花膠，花膠吸收哂雞湯既精華，美味又有嚼勁，雞湯鍋有半隻雞嘅份量，口感嫩滑。花花公主牛魔王拼盤(細) 一次過試晒7款唔同既牛部位，每款都非常新鮮，頂級安格斯牛肉肉質鮮美，手切本地牛肉肉汁充滿口腔，新鮮牛展帶有一點嚼勁，頂級雪花肥牛肉質細嫩，脂肪分佈均勻，牛黃喉口感彈牙，牛肉粒牛味濃郁，牛舌花爽口。伊比利亞橡果豬豬肉脂肪分怖均勻，豬肉中脂肪分怖均勻，油花如大理石紋般，肉味芳香。手打蟹子鮮蝦丸（四粒）咬落口非常彈牙，蟹子和鮮蝦既組合增添豐富口感，充滿着鮮甜既味道。香香宮煮響鈴拼盤響鈴係即炸，用左特選腐皮，炸過後變得金黃酥脆，拼盤有齊原味即炸響鈴同埋即炸黄金炒響鈴，黄金響鈴充滿着濃郁既鹹香味道。自家製足料竹蔗茅根打邊爐配竹蔗茅根一流，微甜，飲落口非常清新。