嚐仙

營業中

休息中

嘗仙曾經也是一間大排長龍的甜品店舖，我曾有－段時間經常去食，現在人氣大不如前被同時賣芋圓的鮮XX搶了大部分客戶。今日來到尖沙咀加拿分道，入向小貓三四隻不多人，店舖細細間，座位細細空間滿迫夾。我點了雙芋仙草奶凍 ＄47說真的…論材料豐富嘗仙比不上鮮XX豐盛，但論好食度大家真的差不多。我個人更偏向嘗仙的雙芋鮮草奶涷，賣相好吸引，材料好豐富，雙芋有芋泥，好煙韌的芋圓，好清涼消暑的仙草，我最欣賞芋泯特別好味道，口感軟糯。

嚐仙相信好多香港人都食過 同埋會好鍾意食👅今次就試吓尖沙咀分店~受歡迎自然多人食㗎喇 所以都坐到好迫好迫✨雙芋仙草奶凍 $45 | 3.5/5有好豐富嘅topic😋一次過滿足晒五個願望！甜度啱啱好❤️全部材料都好天然 唔會話好甜好有味 亦唔會有浸好假嘅味~~芋圓口感煙靭 完全唔覺得好粉👅✨黑糖神仙奶 $29 | 3/5聽落去個名好神奇 但係飲落去冇咩特別🤣裏面有仙草同埋少少黑糖味道 之後就鮮奶🐷不過不失

今次試尖沙咀分店，平日夜晚8點零去到唔洗排隊直入坐低。知道呢間嘢主打芋泥芋圓糖水，唔洗點諗都同朋友推介食芋泥芋圓，只係配搭上要花啲心機睇餐牌，五花八門，睇你想食乜嘢！上次食旺角分店，係前枱嘅店員都唔會點理你，好被動地自己入去坐，再出黎點嘢食，今次嗌咗 ✅雙芋仙草奶凍 $45 同埋 ✅五式豆花 (熱) $58，三個人share分量剛剛好，因為每份都幾大盤！雙芋仙草奶凍已經係第二次食，食之前淋啲凍奶，同碗糖水好夾，勁多配料，除咗招牌雙色芋圓，仲有珍珠、仙草、紅豆，中間仲有一球芋泥，好吸引！底下仲有黑糖冰，味道OK，溝返淡，令到成碗野唔會太膩，自己揀中意嘅配料再慢慢嘆！😋然後五式豆花揀咗熱食，但上菜時溫度不太熱，呢樣可能要改善下。自選五款配料揀咗芋泥、芋圓、地瓜泥、小丸子、芝麻湯圓，係晒下面，比豆腐花遮住咗。兩者比較，我中意食呢款多啲！😎

之前一直沒留意過嚐仙，因為好像另一家甜品店的名聲較大，查看之下才知道嚐仙是台灣過江龍店，手工芋泥與芋圓是其招牌貨！今次都是因為妹妹外賣糖水回來，才認識嚐仙這店。雙芋仙草奶凍，外賣的賣相當然不及堂食，所以只能細嚐其味。打開盒蓋見到有芋泥﹑芋圓及珍珠，珍珠煙韌，三色芋圓的份量足夠，口感煙韌，味道夠香！芋圓有芋頭味，地瓜圓﹑紫薯圓也略帶蕃薯紫薯香。芋泥質感細滑，芋頭味香濃～～～底下還有紅豆及仙草，仙草滑溜而紅豆綿密香甜。奶味不會過重，恰到好處，整碗甜品的甜度適中。果然是手工芋泥與芋圓的專賣店，兩者到達水準，吃罷令人滿足！

「雙芋仙草奶凍」$45，賣相好精緻。芋圓有3個顏色，芋味好香，口感好，比鮮芋仙芋圓好食。芋泥大大舊，慢慢刨幾開心 😂 整體甜度適中.食過3次，水準穩定。晚上排隊都唔會太犀利，推薦～

大家如果去開尖沙咀都知夜晚要坐低食碗糖水真係好難🥲周圍都勁多人, 尤其係鮮芋仙, 基本上每次都話堂食截咗單🥲 因為食唔到鮮芋仙, 經過見到呢間嚐仙, 一於入嚟試吓見佢都幾多選擇:嗰日想食熱野所以叫咗招牌豆花 ($48)面頭有一球芋泥, 同埋豆腐花入面都好多材料, 有紅豆, 芋圓, 珍珠, 非常豐富💓我覺得唔會太甜, 口感豐富, 幾滿足唔錯男朋友叫咗雙芋仙草奶凍 ($45)個賣相吸引好多😍 但係其實啲材料都差唔多, 我個碗同佢嘅分別就係佢嗰碗係凍嘅, 同埋豆腐花變咗仙草, 其他配料完全一樣, 不過佢嗰碗糖水就真係甜好多, 我就比較鍾意食自己嗰碗☺️同埋佢有一樽仔鮮奶油, 我以為係鮮奶, 試咗少少, 估唔到係咸嘅😳 雖然同想像中有出入, 但係出奇地覺得好味💓💓 最後我加咗好多鮮奶油去自己個碗度🤣🤣都幾夾✨整體來講我覺得唔錯, 我食之前都有睇吓其他食評, 見到大家嘅評語好極端, 有啲話好好味, 有啲話超難食🧐 所以食之前都唔知會好唔好食, 不過我嗰日嘅體驗唔錯, 我覺得可以再去👍🏻

晚上唔想食飯，想食甜品，仲要想食芋圓，揀了嚐仙，假日仲要夏日之下更加多人幫襯，排隊大約排半個鐘先有位，果然好受歡迎。小小的店子，環境都幾狹窄坐得迫，甜品及飲品都有不少選擇，不過來得呢到都想食雙芋。雙芋仙草奶凍，$45，第一次幫襯，試下招牌雙芋，有齊手工芋泥及芋圓，賣相似雪糕的芋泥，入口綿密有芋香味，紫色、黃色及橙色的芋圓，分別是芋頭及雙色地瓜而成，口感煙韌，甜度恰好。仙草滑溜又冰涼，仲有紅豆及珍珠，口感豐富，有一杯鮮奶油伴食增添味道呢。招牌燒仙草(芋泥、芋圓、珍珠、紅豆)，$48，小機的。食物味道不俗，下次有機再戰。

📣芋圓控注意❗️|台灣過江龍質感手工雙芋仙草奶凍🍠😋🍠🍠 雙芋仙草奶凍 ($45)配料有三色芋圓，芋泥，紅豆，珍珠，仙草，比例平均，打底為黑糖冰，個人認為珍珠略多，而仙草可以多啲做打底😆😝芋圓煙靭有嚼勁，咬落帶有原料味道😋芋泥非常實正，未算好濕潤綿滑，不過撈埋仙草汁就平衡翻口感😙仙草滑溜彈牙，富仙草味😋紅豆粒粒分明，軟腍甜蜜，加埋其他配料食啱啱好☺️極度建議落奶精，雖然係artificial 但真係令成個口感昇華🤣 温度雖凍但唔會超冰涼，適合唔係好食得凍嘢嘅朋友😉🍽 整體來講主角芋圓幾有水一，可以一試，但份量唔多，性價比唔算高🥺門面空間有限，座位略為逼📍嚐仙尖沙咀金馬倫道19 A號地舖

夏天最啱就食涼爽冰凍嘅甜品 💓今次推介尖沙咀嘅台式甜品店 😊🔸️嚐仙店舖座位唔算多所以要堂食嘅朋友 就需要稍等一陣la～⭐ 雙芋仙草奶凍 ＄45紅豆味濃沃 加埋牛奶好夾 芋泥唔會太甜 👍可惜美中不足係芋圓冇咩味道 🙈整體嚟講夏天食好適合 有80％台灣的感覺😜推薦指數：⭐⭐⭐⭐⭐ 杏仁布甸1號 ＄49鍾意食杏仁嘅朋友可以試一試 🌟布甸嘅杏仁味濃郁可惜果肉部分太甜🙈推薦指數：⭐⭐價格：⭐⭐⭐⭐環境：⭐⭐⭐味道：⭐⭐⭐衛生：⭐⭐⭐⭐整體：⭐⭐⭐⭐嚐仙尖沙咀金馬倫道19A號地舖

食完立食壽司之後行前2步, 見到有芋圓食😱其實已經好飽架啦, 但身為芋圓控既我一見到又忍唔住想入去食....佢呢度最低消費係每人要叫一樣嘢所以今次我叫咗雙芋仙草奶凍同埋熱嘅薑汁豆腐花佢啲芋圓好煙靭好好味, 芋泥都好香🤤但係仙草好一pat pat可能係我食唔慣(食慣細個一粒粒既涼粉....)但我覺得overall係好味既!個薑汁豆腐花飲品都好特別但好似係限定嘢唔知而家仲有冇lu!

天氣開始熱 無時無刻都想食凍冰冰嘅甜品咁岩見到呢間專賣手工芋泥芋圓嘅台式甜品舖即刻九秒九衝入去解暑💦🔖 雙芋鮮草奶凍即有招牌芋泥、三色芋圓、珍珠、紅豆、仙草芋泥綿密帶有芋香 整到似雪糕球咁 食落幾得意三色芋圓略嫌較硬唔夠煙韌珍珠紅豆還好 唔會太甜 正正常常仙草太稀似水 就算用匙羹都成日溜翻出嚟😂底層係用黑糖整成嘅碎冰 但未食到底已溶咗大半結果全部都係水 有啲無奈¯\_(ツ)_/¯整體嚟講最有特色就係可以自己倒奶個PART

#灰到尖沙咀 #灰到食甜品某日夜晚同朋友食完晚飯之後諗住去鮮芋仙食芋圓，但實在太多人有排等，我哋最後去左隔一條街嘅嚐仙食~-🔻雙芋仙草奶凍 (芋圓，芋泥，紅豆，珍珠) $45睇個名以為有奶凍，但其實只係有一小杯椰奶可以俾你淋落去食，我自己覺得加椰奶味道會豐富啲。珍珠同三色圓都好煙韌，不過後者除左芋圓外都無應有嘅味道。紅豆煮得幾腍；仙草味道偏淡；芋泥無加糖，不過唔算幼滑，仲有細塊芋頭塊。同埋碗下面其實有一大舊冰(?)，所以份量唔係咁多。-👅食後感：味道普通；座位較窄，坐得比較辛苦。-👀個人喜愛度：6/10-🚩嚐仙尖沙咀金馬倫道19A號地舖-#美食 #香港美食 #hk #hkfood #foodie #hkfoodie #甜品 #디저트 #dessert #taroball #仙草 #地瓜圓 #芋圓

同好朋友食完SUSHIRO, 行咗陣尖沙咀, 見到嚐仙冇平時咁多人排隊就決定試下。雖然唔多人排隊但都排咗20MINS。排到下張到我地嘅時候, 店員就會叫我地揀嘢食同俾咗錢先, 有位嘅時候就會上埋。同好朋友分別揀咗雙芋仙草奶凍同埋雙芋豆花。 之前同類型店淨係食過鮮芋仙, 所以都會expect會係差唔多嘅size同味道。食物一上枱, 第一感覺係好細碗。食過鮮芋仙+張相令我有錯覺, 第一下真係有少少shocked。不過碗入面有好多嘢, 相有嘅野佢都有, 冇呃人lol。食完後, 我個人覺得另一間係好食d, 至少仙草我鍾意嗰間多啲。 不過好唔好味好主觀~ 唔駛等太耐嘅話，我覺得可以一試。

🇭🇰嚐仙 夏日炎炎 消暑清爽 仙草甜品🍧🍧雙芋仙草奶凍（💰$45)少冰由三色芋圓 紅豆 珍珠 仙草 芋泥仲有清甜既仙草糖水配搭而成配一小杯奶精🥛岩哂鐘意有奶香同creamy既朋友芋泥 無特別調過味道 加上清甜消暑仙草糖水配合得剛好 芋泥唔會太乾👌🏻👌🏻三色芋圓&珍珠都十分Q彈不是解凍後又林又散的貨色 煙韌的經過整理的紅豆蓉 比較挺身唔會又散起沙的狀態 甜度剛剛好🥰仙草就體不過不失 整體配搭份量平衡材料的細節做得好 清甜消暑 唔死甜 不錯啊👍🏻

尖沙咀食甜品既地方唔多呢一間台中過江龍 竟然有好少甜品店有既燒仙草😻💕.🌀招牌燒仙草一上枱淨係見到“黑媽媽” 既仙草🙈.其實下面有好多配料 包括芋圓 珍珠 紅豆 芋泥手工芋圓非常煙韌🌟 而且好大粒 不過芋頭味唔濃其他配料份量都幾多 好大球芋泥而燒仙草太稀 唔夠濃稠 所以麻麻地不過食落暖笠笠 再凍❄️d食就啱曬🌀 雙芋仙草奶凍配料同燒仙草一模一樣不過朋友食完覺得幾唔錯 而且賣相好靚.不過店舖太細 每枱基本冇相隔既空間坐得好密😫 環境麻麻 要好快食完 因為好多人等位