NENE CHICKEN (朗豪坊)

營業中

休息中

平日去行朗豪坊見到啲餐廳都唔使點等位見好耐冇食過韓國嘢見到又唔使等位就行咗入去食好耐冇食過嘅炸雞先講環境入到去有啲長排嘅櫈要同人share真係唔係幾方便 反而個環境幾光猛令食客入到去都會覺得好精神落order嘅時候其實都有啲失望因為平日有幾種口味嘅炸雞都冇貨變咗同男朋友想食嘅口味都嗌唔到至於上菜速度以平日夜晚來講我覺得係偏慢嘅因為隔離張枱遲過我哋入嚟但係佢哋嗌嘅嘢仲早上過我哋張枱雙重滋味炸雞 無骨 蒜香醬油 + 避風塘 - 因為有幾隻炸雞味都冇貨，所以叫咗呢兩隻味，整體嚟講都幾大嚿，一碟大概有12舊左右，上菜嚟到嘅時候，我覺得啲雞唔係好夠熱但係皮都仲係脆而且裏面亦都多肉汁幾Juicy芝士炒年糕伴拉麵 - 對比起韓國正式嘅餐廳嚟講，今次呢個拉麵算係比較淡味嘅一種，芝士味比辣醬味更加出-對於鍾意食辣同埋濃味嘅客人，呢個就未必最適合芒果乳酪- 都幾好飲，佢都平衡到芒果嘅甜味同乳酪嘅酸味，兩個人share一杯都夠飲

NENE CHICKEN是韓國首屈一指的連鎖炸雞店之一，除了在當地擁有過千間門市外，分店更遍及加拿大、澳洲、新加坡、馬來西亞、日本、台灣等世界各地，自2016年登陸香港後至今人氣仍有增無減。最近推出三款全新炒年糕系列菜式，包括火辣炒年糕炸雞 ($128)、香蒜橄欖油蝦炒年糕意粉 ($118) 及玫瑰醬寬粉炒年糕 ($108)。玫瑰醬寬粉炒年糕當中的「玫瑰醬」其實是以韓式辣醬、番茄醬及忌廉調配而成，早年已經在韓國一炮而紅，酸甜微辣味道溫潤豐厚，加上煙肉、脆皮芝士腸及洋蔥等一同炒製，寬粉與炒年糕同樣煙韌入味。招牌炸雞有蒜香醬油、大蔥、芝辣初雪等逾十款口味，更可選擇有骨全雞或無骨雞件；雙重滋味炸雞 ($178) 可以自由配搭兩款口味，炸雞皮薄酥脆並保留肉汁。隊長辣炸雞外面灑滿辣椒粉，辣味溫和；白郡主則加上洋蔥圈及忌廉芝士醬，酸甜清爽，美中不足的是醬料份量太少而且分佈不均。鮑魚海鮮辣豆腐鍋 ($126) 真材實料用上三隻鮑魚，另外更有大蝦、蜆、青口等，可惜只屬一般急凍海鮮並不算鮮甜，湯底偏鹹而辣味相反卻微不足道。金大人串燒拼盤 ($182) 包括糯米釀雞翼、串燒雞翼、炸雞、炸魷魚、炸蝦餅及薯條

🇭🇰NeNe Chicken·玫瑰醬寬粉炒年糕$108我一開始就係比佢呢個吸引住😍😍佢一上檯真係超級香 超開胃 佢其實就係類似辣辣地既番茄忌廉醬咁 但係佢完全唔會漏 我自己好中意🤤之後佢入面既香腸 年糕同寬粉都入曬味 而且煙煙韌韌口感好好😍😍不過佢個寬粉係厚身少少個種黎既 我男朋友就覺得太煙韌🤣·雙重滋味炸雞(有骨全雞)$177 l 鮑魚海鮮辣豆腐鍋$126我地本身想試秘風糖味架 但係佢賣曬 所以最後就嗌左韓式甜辣同蒜香醬油😎我自己中意佢個韓式甜辣多D 佢食落多汁D 惹味D😈之後佢個鮑魚海鮮鍋入面都幾多海鮮既 個鮑魚雖然細隻D 但係質感唔錯 反而個青口就偏粉少少🤭不過佢呢個鍋都幾辣 尤其係佢舊豆腐索曬汁🌶️🤣🤣·#rbyeat#rby韓國菜#rby旺角 #rby葵涌 #rby將軍澳 #rby青衣 #rby大埔 #rby元朗 ·📍旺角亞皆老街8號朗豪坊11樓30號舖📍葵芳興芳路223號新都會廣場L1層185號舖📍將軍澳重華路8號東港城2樓225號舖📍青衣青敬路33號青衣城2期2樓226號舖📍大埔安邦路9號大埔超級城B區2樓287-295號舖📍元朗元龍街9號形點一期1樓1026號舖

嘩！平日都勁多人排隊呀 😱 好彩有得用 Gulu app 一早攞定飛咋！呢到啲嘢食份量都幾大份 🙈 叫多啲人一齊黎先可以食到多啲唔同味道呀～雙重滋味炸雞 📍$188我地揀咗蒜香醬油&蒜醬伴脆薯條2款味道，醬油味個款味道較濃，所以會建議食咗另外個款先。炸雞外脆內軟，而且仲可以選擇無骨，好方便 👍🏻 脆薯條上面嘅芝士真係多到一個點 🧀🧀 好邪惡芝士蛋伴烤牛肉炒飯 📍$102芝士蛋鋪滿哂成個碟呀 😍 連啲飯上面都有架，一啲都唔會馬虎，加埋牛肉同牛肉汁，都幾大份玫瑰醬寛粉炒年糕 📍$108初初見到玫瑰醬真係唔係好知係咩…但又有啲好奇，所以結果都決定一試！估唔到佢竟然變咗成餐飯嘅亮點 💫 個味道甜甜地咁，好唔漏，加埋煙韌嘅年糕同唔同嘅蔬菜，幾好食呀～ 個人覺得呢個真係值得一試，其他韓式餐廳未必有呢隻味愛文芒果乳酪特飲 📍$48韓國嘢多數都帶有少少辣，叫返杯酸酸甜甜嘅凍飲就岩岩好，而且夏天係芒果嘅季節，所以特別香甜Detox Blue Lemon Tea 📍$38藍色嘅檸檬茶係幾靚嘅，飲落就同平時無乜太大分別，少少偏酸，不過就正正中和返韓國嘢嘅膩

好久沒吃過炸雞，和舊同事聚會訴苦當然要大吃大喝才過癮😂這間韓國菜食物選擇超級多，想吃輕盈可以，要邪惡到盡頭都沒有問題！不過平日晚上都頗多人，建議先預約比較好。勁量級雞蛋卷 (明太子)本來以為雞蛋卷是小食，勁量級是餡料勁量，結果是份量整個變成兩倍！😂 這條雞蛋卷適合4人以上分甘同味，上面有滿滿的明太子增加風味和鮮味，裏面有濃濃的拉芝，雞蛋夠水份，點茄汁和蛋黃醬味道更豐富😍牛油果豆腐沙律師傅很有趣，説覺得自己牛油果不夠好看想幫我們再做，其實已經很好了😂這款沙律蛋白質超豐富，用湯匙攪拌以後牛油果變成醬料，清新的豆腐和沙律菜中有牛油果的豐腴咁，加上份量很大，抵吃。玫瑰醬寬粉炒年糕對於不太能吃辣的人來說，這款炒年糕剛剛好，傳統的辣醬中加了番茄忌廉醬讓辣度大大降低，同時提升奶油味和甜味，感覺更加柔和💕年糕很煙靭，我最喜歡是裡面特別切紋理的香腸，鹹味和口感都和玫瑰醬超夾！雙重滋味炸雞最開心是可以吃無骨炸雞，雞件一口一件的感覺太滿足！炸衣夠脆不掛油也沒有麵粉的味道，建議熱的時候儘快吃，這樣才能感受雞肉的嫩滑和外層的鬆脆！原味雞件可以點特製醬汁提升風味，至於韓式甜辣醬炸雞味道已經夠飽滿，吃到滿口醬汁的時

好耐未食過韓國炸雞喇！有日朋友推介我食Nene既初雪炸雞， 今次當然係為左佢以黎啦平日夜晚黎到，客人都唔少，不過剛好有位唔洗等仲見到都有唔少人都點左初雪炸雞！不過我就想試多隻味，所以叫左雙拼！岩哂我可以一次過滿足兩個願望雙重滋味炸雞… 叫左必食既初雪炸雞+咖哩炸雞，初雪炸雞用左大量芝士粉包裹住！食落係香濃既芝士味，咸中帶少少甜味。仲有厚身炸到脆卜卜既真薯片而咖哩炸雞就有大量既咖哩粉包裹住，咖哩味真味好濃厚！重口味人士必點！黎到冇理由淨係食雞既~ 見到menu最近有新野食，我又想食年糕，所以就叫左依個有年糕既寬粉喇！玫瑰醬寛粉炸年糕... 一黎到比個size 嚇親好彩只係直徑大，其實好個底好淺，微微辣同酸甜味既玫瑰醬，味道幾正喎！除左有我至愛既煙韌年糕同寬粉之外，仲有腸仔、煙肉同西蘭花添可能最近有消費券，我同朋友仲叫多左個小食不過個份量都唔少呢。明洞小食派對... 依個真係好似開party咁有好多款小食有炸粉絲餃子、炸年糕、炸紫菜卷、炸壽司飯、芝士年糕魚糕，3,4個入share就最岩喇！青蘋果薄荷茶&士多啤梨乳酪特飲… 食左咁多熱氣野，食番依d清甜解渴既野飲就最岩喇

由劉在石做代言人嘅韓國炸雞店，自從進駐香港之後，好多分店都係九龍新界🥺今次特登慕名出到旺角朗豪坊，就係為咗一試味道🤤一去到非常多人排隊，攞位都等咗差不多45分鐘，發現可以用the gulu排隊，但好彩朗豪坊都有野可以行吓，所以等待時間都唔係特別漫長😚佢哋個餐牌都有好多選擇！雙重滋味炸雞$178可以喺餐牌任選兩款炸雞，亦都可以選擇有骨或者無骨，如果無骨要貴$20。雞肉鮮嫩多汁🤤配埋好正宗嘅韓國醬真係一流！炸雞份量都十分之多，2位女士絕對食唔晒🤣個人覺得可以唔好點蒜醬半脆薯條，有d怪怪地味道🤭魚糕串清湯 $98用料都十分豐富😚本人最鍾意食魚糕，呢個湯嘅魚糕有入比味，而且好咬口👍🏻其他配料都好好食，唯一太誇張係，我同個friend飲完呢個之後就飽左🤣個炸雞有超過七成都打包拎走左🤤

今日終於試到想食好耐既NeNe Chicken~之前一路都想黎試下但怕長龍就一直都冇黎~今日醒目諗住3點呢個鐘數應該冇咩人就揀呢個時候黎食啦!點知一黎到入面已經坐左8成人，可能個個都好似我咁諗~諗住早d食唔駛排隊~睇下個MENU真係樣樣都勁吸引!最後揀左雙重滋味炸雞，可以自選兩款口味既炸雞~一次試唔同口味!今次我就揀左蒜醬伴脆薯條炸雞同秘風糖炸雞!我覺得我揀蒜醬伴脆薯條炸雞係非常聰明!因為一碟入面又有薯條又有炸雞食~感覺好抵囉~揀冇骨雞肉要加10蚊，但想要啖啖肉既我地就揀左冇骨啦!等左一陣就上檯喇~個賣相係超!級!吸!引!!一碟炸雞兩種口味，一邊係被滿湖既白色醬汁淋面既炸雞同薯條，一邊係好香炸蒜同乾辣椒味既炸雞~兩邊既雞雞都令人流哂口水!即刻試下蒜醬伴脆薯條炸雞先，薯條炸雞熱辣辣唔在講，個蒜醬真係為佢地加左唔少分!好香蒜頭味，少少咸咸地，點炸雞定薯條食都好夾!雞肉炸完但入面都保持嫩滑!正~秘風糖炸雞味道都好得意，佢係甜味既避風塘形式既炸雞~味道好特別，既有避風塘既香口，又有糖既甜味，推介呢個口味!!食咁多炸雞都有D口渴，睇完個drink list本身想叫粉紅色既Detox Lemon

下雨天去左朗豪坊覓食！剛去完韓國，好掛住韓國美食，中午係另一店子食左餐韓餐不對辨的，唯有下午茶揀過間炸雞店再試下！炸雞店不用等位已可馬上入座，座位也不少，環境寬敞光猛，我們點了雙重滋味炸雞$178（有骨全雞的：招牌炸雞+韓式甜辣炸雞)等左20分鐘，炸雞到了，嘩！超大碟啊！每款雞各有8件雞左右。先試原味招牌炸雞，由於係啱啱炸起，真係又熱又香脆，肉又嫩，連雞胸也不嚡啊！覺得同韓國的沒兩樣哦！韓式甜辣炸雞個醬都好開胃，但由於太多醬汁，所以外皮無咁脆，但都是一樣肉嫩！如想食啖啖肉的，可㨂無骨雞件，只係$188呢間炸雞真係唔錯，大家不妨一試！睇下！雞脾肉真係又嫩又多汁架！點埋蜜糖芥末醬仲有提鮮作用添食左咁多炸雞，食番D餐廳提供的甜酸蘿蔔及泡菜，解膩一下

上個月去了個3日2夜首爾trip，無奈團友不肯陪我吃炸雞，所以回港後超想吃。 每次經過NE NE都見到很多人在等位，看照片和menu也覺得很吸引。 終於找了個伴可以去解解單思之苦了。  我們是星期二晚去吃的，沒想到星期二也有進食時限，限時90分鐘。 我們已訂了枱，不用等便可入座。 我們被安排坐高枱吧椅，算是較舒適的位置，其他很多枱都是靠得很貼，空間比較少的。我們只有兩個女生，點了香辣海螺伴冷麪和主角雙重滋味炸雞。 先說炸雞，朋友本想點有骨的雞件，但因其中一款大蔥炸雞只有無骨的，便想著一半有骨一半無骨也可， 另一半點的是原味有骨炸雞。 上桌時，我們見其他枱都有醃蘿蔔和一個盛骨的桶及手套，便讓服務員也給我們。 怎料，當我們吃時才知道原來兩款雞他也給了我們無骨的。  不要緊，我也覺得很好吃，但朋友說有骨的才更好吃。再嚐了香辣海螺冷麪，我在首爾時吃的海螺冷麪是有湯和不辣的，但這裡的沒有湯，是兩種不同風味。 海螺還是首爾的較好吃，較有口感，但還是不錯。 喜歡它裡面還有些梨子肉，令冷麪多點爽口及清甜感。 

近排朋友圈興食韓食，又興玩食雞。今晚難得戰友吾洗OT，當然要約食飯。為左方便大家，所以揀左呢間係旺角港鐵站附近既朗豪坊既炸雞店。先黎當然要食炸雞。揀左碟雙併無骨，賣相好吸引，同menu幅相9成似。雞上面d醬汁夠多，杰度適中，特別係個甜辣醬，好滋味；白郡主炸雞d洋蔥微酸，好開胃。無骨雞件吾洗lur骨，好方便，啖啖肉，有肉汁。蛋卷上面舖左好多蟹子，增加左口感。裡面既明太子份量不少，咸度岩岩岩好，吾會搶走哂d蛋味。食件炸雞，再食d泡菜同蘿蔔，凍凍地，感覺無咁熱氣。最後飲埋杯燈泡柚子梳打，滿足哂。呢個夏日限定二至人餐幾吸引，有蝦、龍蝦、雞柳、芝士通心粉、黑松露蘑菇雞蛋卷同沙冰。可惜戰友吾食蝦，下次搵其他fd黎希望仲係度。估吾到Pizza有生日心形版Menu圖文並茂，而且理想同現實合符期望，吾怕揀吾落手。

依日同朋友係旺角行完街想搵啲野食朋友話之前食過依個NENE CHICKEN 唔錯而且位置勁方便, 係朗豪坊入面, 所以我地就去左食啦~😻黎既時候係平日既八點~ 唔洗等位就直接有得入啦👍店裡面入都幾多下 不過店員做野都好爽手 好快就有人過黎幫我地餐牌既第一要就係依個~~ 勁吸引呀不過我地得兩個女仔真係食唔曬所以最尾都係放棄左佢~😭😭一路睇先發現依到有勁多唔同款既炸雞~真係全部都好吸引呀!!🤤最尾我地都只係嗌左一個雙重滋味炸雞😆因為見到人地枱個啲實在太大碟啦~ 真係好驚食唔曬我地叫左一邊係韓式甜辣炸雞, 而另一個係白郡主炸雞🤤初頭都唔係好明白郡主究竟係啲咩黎店員解釋係類似YOGURT咁既味再加啲洋蔥係上面~講左甜辣炸雞先啦~ 睇落去好咕嚕肉咁🤣但食落唔會太辣, 岩曬一大班人但唔係個個都食到辣既朋友👍之後就係個白雪雪既白郡主炸雞🍗一黎到既時候諗, 死啦啲汁咁既色一定好漏啦但食落又唔係, 而且YOGURT汁酸酸地咁好好食😋加上餐廳一啲都唔吝嗇, 係超級多既~ 一路食一路點啲汁真係好正呀😻最尾碟炸雞其實大碟到我地兩人人加埋都係食唔曬🤣但依到既炸雞真係非常不錯~ 下次一定會帶一班朋友黎一齊嗌多啲同

劉在錫代言韓式炸雞店係香港開分店已經一段時間, 係外界聽過唔少人話呢間炸雞只係明星效應, 以貴價食坊間三個英文字母既集團式炸雞質素, 所以一直未有食過NeNe Chicken。今晚去朗豪坊shopping, 朋友心血來潮想食炸雞, 所以沒有計劃下就順道入去試一下, 用舌尖駁一駁。店內裝修簡潔, 服務亦很招呼周到, 先送上前菜, 還很友善解答我menu上唔清晰既地方。呢度有多款特式炸雞, 有有骨同無骨之分, 更可選擇雙併。另外更揀左一款新推出既併盤金大人。【雙重滋味炸雞】HK$173我地揀左雙併 招牌炸雞+初雪炸雞, 炸雞表面沒有一點油膩感, 入口非常香脆, 雖然肉質不太有juicy肉汁, 但鬆脆外表都搶得唔少分數, 初雪炸雞表面更平均佈滿芝士粉, 芝士味很突出, 甜甜的有點鹹香, 很邪惡~【金大人】HK$189 (中size)中SIZE為二人份量, 有一裝滿芝士既脆麵包, 有多款無骨釀雞翼同幾件無骨炸雞伴碟。可因應個人喜好點包內既芝士, 芝士很杰, 呢款雞翼一咬之下很有驚喜, 入面原來釀左甜甜既菠蘿粒, 另一款釀雞翼為烤釀雞翼, 表面有甜甜地燒汁, 入面釀左略帶煙韌既糯米。香口之餘更豐

近幾年都是吹韓風，香港無處不是韓國化妝品、韓服、韓食、韓劇，講開韓食今晚為了位年青朋友去左試韓式炸雞。這間 NeNe 在公司附近，店舖不大所以檯與檯之間都非常狹窄，沒有空間感連交談都最好細細聲，無法啦！香港租金貴寸金尺土！雙重炸雞，可選擇兩款口味，由於即點即做時間要耐小小，上檯皮脆香口，可惜沒有肉嫩這可是與香港冰鮮雞有關，好彩韓國廚師烹調醬汁搭夠！魚糕不似在韓國食到的口感，這裡似香港炸魚肉多，湯底清甜帶小辣。明太子迷你蛋卷，份量大碟，口感複雜，厚厚雞蛋包著一層芝士，中間是咸香明太子，再加上木魚絲，口感同味覺都相當複雜。特色飲品

今晚同朋友係朗豪搵個地方食飯同聚舊, 先發現原來多左好多新餐廳, 因為平時實在好少行 行到一間食韓式炸雞既, 我本身無咩興趣, 我曾經係香港食過韓式炸雞, 覺得味道似咕嚕雞球, 無乜特別, 但朋友話我食既唔正宗, 於是捉左我入去入面都幾多人, 好彩直入都有位一坐低, 侍應就擺低兩款小食俾我地, 粟米粒&酸蘿白, 配搭唔夠正宗, 不過味道都OK朋友話要由佢發辦啦, 要叫雙重滋味炸雞, 可以任揀兩款 味道, 可以俾我揀味, 我揀左甜辣 &蒜香, 而且有得揀無骨, 只係比有骨既貴少少我地另外加左個雞蛋卷, 本身有勁量級&迷你版, 由於我地見隔離枱既炸雞幾大份, 驚食唔哂, 所以我地只係揀左迷你版炸雞好快黎到, 份量好多, 都有十幾件賣相幾好, 仲放左D 杏仁片係上面先食甜辣味, 味道原來唔係我預計既咕嚕醬味, 帶輕微既辣, 甜甜地, 幾好食, 朋友話呢隻味先係正宗雞件肉質幾嫩, 炸粉唔厚, 雖然外層有醬汁, 但炸皮依然保持少少香脆, 係味道同口感方面都打破我之前對炸雞既唔好印象 而另一款炸雞係蒜香味, 我仲以為會放好多炸蒜係面個種, 原來係無既, 但聞得到好濃郁既蒜味, 蒜味滲入哂件雞到,