Dodam Chicken (利舞臺廣場)

營業中

休息中

久違了的飯局，舊同事回流一段時間，好快又要飛返去，趁大家仲係香港即聚下來懷念過去，就腳之下到銅記食飯，揀了呢間韓國過江龍Dodam Chicken，炸雞好似幾正，一於試下，因為happy friday必多人book定位好點，thanks友人book位。餐牌，食物上都幾多選擇，見到有個人氣雙重芝士麵包辣烤雞，必食呢。酸蘿蔔，開胃。YUJA(柚子)，$128，少許酒味，清新之感。雙重芝士麵包辣烤雞，$218，賣相有霸氣夠吸引，而且份量十足，麵包內承載澎湃的芝士，芝士味道濃郁，伴上鬆軟的麵包食好美味~雞肉份量多好惹味呢。白雪芝士雞，$202，大量芝士份，芝士味濃郁，偏甜甜地，雞香口惹味。照燒汁焗魷魚，$175，味道鮮甜，口感脆嫩，幾好味呢。食物味道不俗，環境坐得舒適有氣氛。4人一聚，即想起以前lunch時同大家的點點滴滴(因為真係好多年同事)，而加不論同事、朋友及親戚大家各散東西，生活忙碌地點遙遠好難聚，真係要珍惜相處的日子(我諗唔只我一個，好多香港人都經歷梗了)，好彩WHP都可聯繫下wwwwwwww。沙不怕風吹 在某天定會凝聚。

同大食朋友健完身，就黎到呢間位於銅鑼灣嘅Dodam Chicken食下午茶。呢間餐廳開喺18樓，窗邊景觀唔錯，但因為我地黎到嘅時候，窗邊位已經坐滿同被人卜左，所以冇得坐。呢度嘅菜單設計幾好，主打菜式都有圖示。1. 韓式炒牛肉粗粉絲第一樣點左個粉麵，粉絲炒得煙靭爽口，有少少甜味；牛肉薄切，口感有d似肥牛，份量適中，可能因為大家都肚餓，所以上枱唔夠3分鐘就已經清晒。2. 韓式海鮮煎餅煎餅香噴噴，餡料好豐富，有蝦、菜甫、蚵仔，配埋個酸酸辣辣嘅醬汁，食落好似台灣蚵仔煎，不過呢碟唔會太鹹，好食好多。3. 雙重芝士麵包辣烤雞呢道芝士烤雞可以話係今日嘅主角，滿滿嘅芝士鋪滿成碟烤雞；中間嘅麵包仲裝有熱辣辣嘅芝士醬；烤雞底下仲有又甜又辣嘅醬汁，拮起一件已經黏滿芝士同甜辣醬嘅烤雞，再浸入麵包芝士醬，咬啖又嫩又滑嘅烤雞肉，芝士同辣醬搞埋一齊，口感豐富又滿足！埋單每人180蚊含加一，雖然貴左少少，但食物質素同個環境絕對值呢個價錢，不論係咪對韓式食品情有獨鍾，都非常推介大家黎食！

Caca今晚同朋友仔一齊去到銅鑼灣利舞台尋找韓國🇰🇷美食，呢間專門食🐔嘅韓式餐廳，有齊烤🐔、焗🐔、炸🐔、芝士🐔等，淨係點餐都好掙扎呀🙉好在有好nice嘅韓國oppa店長推介，我地就揀左呢幾款喇～～👧🏻Caca今次食乜野？🥗招牌沙律，粟米、甜豆、菠蘿、沙律菜，杏仁片、提子乾、芝士等等材料，食落超開胃！🥢雙重芝士麵包辣烤雞，中間芝士麵包，旁邊芝士拉絲，無骨雞肉嫩滑，仲有芝士魚卷，口感超豐富，芝士之外仍然是芝士😻🥢香辣脆雞半份，甜中帶微辣，令人最懷念就係呢種韓式醬汁味道喇！🍸Apple cider

⌇d o d a m c h i c k e n“ 🧀 ” 芝士年糕拉麵 ( $ 1 5 8 )“ 🍗 “ 雙重芝士麵包辣烤雞 ( $ 1 9 8 )“ 🍹 “ Terra Omg - Yogurt + Blood Orange + Mango ( $ 8 8 )芝士控必去既韓國餐廳 芝士炸雞 芝士年糕 每一款有芝士既野食都想叫晒尼試啊 烤雞同辣年糕拉麵既辣度岩岩好 加埋香濃既芝士真係超級邪惡 真係食到停吾到口 公仔麵同年糕都煮得好煙韌 軟硬適中 份量都非常夠 大滿足呵呵!Dodam Chicken🐥銅鑼灣波斯富街99號利舞臺廣場18樓A號舖🍞#foodraah_cwb

黎到銅鑼灣，講起野食第一時間諗起呢間dodam chicken，係我食過最好食既韓或芝士炸雞烤雞！時間早早都已經坐滿左半間餐廳。呢到有pizza有烤/炸雞食，不過最出色最好食都係佢個麵包雞！上次同朋友食過麵包炸雞，今次一於就試下烤雞！呢個係B9餐雙重芝士麵包辣烤雞，中間係cream cheese，被麵包包圍住，外面係烤雞、雜菜同年糕，配上韓式辣醬，成個造型好似火山咁，好得意！先講烤雞，面頭有芝士覆蓋，下面有韓式辣醬，食落先有辣醬既甜，後有芝士既咸味，多重口感，好正！食得多就開始feel到啲辣味出黎。中間cream cheese先係最正！濃郁既芝士味，咸度岩岩好，又唔會好膩，點雞食又好，配麵包食又好，一樣好食到停唔到口！呢個係P4黑松露磨菇pizza，pizza係薄餅底，好脆，上面亦有好多芝士，好有口感。不過最突出都係個黑松露味，先唔講松露落重本，唔係一粒粒碎咁灑落去，而係一堆堆咁落，就連見唔到有松露既位都食得到有松露味，成塊pizza唔會話有某啲位無餡或者無味，所有野都evenly distributed，食落啖都咁正！2個菜，2個人食都已經極飽！埋單都係300幾，抵到喊！推廌一定要

食韓式炸雞怕會太熱氣？不如學妹豬仔咁去呢間韓式餐廳食烤雞啦😆～.🔸 (HK$195)烤雞本身已經滿佈咗好多芝士🧀，賣相好吸引，打卡唔錯📸～食之前再沾一沾麵包入面嘅芝士，令更多芝士沾上烤雞度，做到拉絲效果，十分邪惡！最後食埋載住芝士嘅麵包，超惹味😍！.🔸 (HK$78)另外點咗一份 。係粗身嘅薯條🍟，令人驚喜嘅係薯條竟然有兩種，除咗常見嘅馬鈴薯🥔薯條之外，仲有番薯🍠薯條。值得一提～薯條同黑松露醬份量勁多，感覺好抵食😆。.🔸 (HK$178)湯底頗辣🌶，而且幾足料，包括：即食麵、午餐肉、腸仔、芝士、韓式年糕、泡菜、其他配菜。味道不過不失。同朋友食完之後唔夠喉😝，額外問店員追加一個即食麵同加湯(HK$20)，非常滿足。.🔸 (HK$228)可以自由喺5款口味嘅焗烤雞入面選擇兩種口味，啱曬想一次食唔同口味嘅人🤤！呢次就揀咗、，包括有：雞翼、雞槌、雞胸。外皮微脆，內裡雞肉香嫩😋。上菜時會俾埋膠手套，方便客人用手揸住滋味咁食，服務貼心❤️。

同細妹2個行街去到銅鑼灣，即刻去試下最近好紅嘅韓式炸雞！今次係我哋第二次黎食了，上次食過原味炸雞印象幾好，就決定encore星期五等左唔算好耐就座，但落左單成半粒鐘都未上菜⋯催下佢先發現原來漏左單⋯但佢地侍應嘅服務態度其實都算唔錯，幫我地落單嘅哥哥專登走黎同我地道歉，最後仲比左9折我地～（但我地原本食完飯有野做就遲到了）等左好耐終於上菜啦！第一樣我地就叫左雙重芝士麵包辣烤雞（$195）我地2姐妹本身都好鍾意食麵包，所以呢個招牌完全係我地嘅菜！啲烤雞冇炸雞咁乾同熱氣、仲有超濃嘅拉絲芝士醬！好邪惡之餘份量仲好大！CP值高！第二樣就叫左香脆雞翼薯角（$88）因為個雙重芝士麵包辣烤雞好大份，我地就剩係叫多個小食，呢個併盤有齊炸雞翼同炸薯角，一次過滿足2個願望不過就有少炒dry，要叫杯野飲下！2個人叫2份已經食到捧住個肚走啦～如果唔係漏左單就滿分啦！