Orange Elephant Thai Restaurant (利奧坊) (已結業)

大角咀真係有好多泰國餐廳嘅選擇，今次揀左Orange Elephant，餐廳由博文街搬咗去利奧坊，地方寬敞舒適，燈罩非常特別，用藤做成扇形。生蝦刺身 6隻生蝦好大隻，入口非常爽口，上面有生蒜頭同埋辣椒粒，可以沾秘製青色泰式辣汁，口感豐富。雜錦串燒有豬、牛、雞各2串，上枱熱辣辣，肉質鮮嫩，沙嗲醬汁滑順，有花生嘅香味，唔會太辣。原個菠蘿海鮮焗飯用菠蘿殻做器皿，好有特色，材料豐富，有青口、魷魚、蝦，仲有酸酸甜甜嘅菠蘿粒，香氣十足。芒果冰特飲特別之處係每一啖飲到沙冰之外，仲有大大粒芒果粒，非常香甜。番石榴冰同樣亦高質，口感冰凍滑溜透心涼, 解渴之選。

之前成日喺lunch hour都有食過呢間餐廳嘅lunch set。喺大角咀附近返工嘅人，應該都唔陌生。因為佢係由博文街搬過嚟。搬咗新鋪之後成個鋪位仲好有泰式風格。入座見到晚市堂食八折，舖頭亦都有免費Wi-Fi服務，落單用QR code網頁，要另收+1服務費。都算係幾抵嘅一餐。一入座即刻點返一杯mango mania($36)。真材實料粒粒芒果肉都飲得出食得到。泰式燒雞半隻（$128），乾身脆皮又香口，咬落去卜卜脆，食落口軟冧冧。Juicy得黎，有泰式辣醬加持，少少辣又酸甜，口感層次更加豐富。西蘭花炒鮮魷（$78），食得出嘅鑊氣，除咗西蘭花同魷魚仲有紅蘿蔔。鮮魷爽滑彈牙，西蘭花同紅蘿蔔火候十足。雜錦串燒（$89），有豬、牛同埋雞。串燒仲附送沙嗲醬入口更野味。肉量厚身又大件，聞落去陣陣都係炭香味。芒果椰汁糯米飯（$68），成隻芒果上枱，兩個飯團大嚿得黎仲有少少熱，上面有椰汁飄香。食嗰陣將椰汁淋上芒果。連埋啖飯一齊食，又熱又凍既口感相當有趣。呢個甜品係呢晚最有驚喜既一道菜。

可能住大角咀嘅人對呢間餐廳都唔陌生因為佢係由博文街搬過嚟食食吓都滿座 相信都好多熟客仔雜錦串燒 $89 🙆🏿‍♀️分別有豬牛雞各2串我哋2個人啱啱好3款都燒得好香 而且醃得啱啱好 唔會好鹹再點埋沙嗲醬真係不得了其中我哋覺得最好食係豬肉亦估唔到牛肉咁軟腍椰汁青咖喱牛腩煲 $92 💁🏿‍♀️隻色真係好青bb LOL食落好香椰味 小妹覺得唔辣質地係比較浠嗰款 老少咸宜牛腩比較厚實 有咬口 瘦肉居多比較健康配菜係豆角 有啲蔬菜點綴 加分原個菠蘿海鮮焗飯 $108 🙆🏿‍♀️大推！賣相已經💯而且好足料 入面嘅海鮮除咗有蝦之外仲有魷魚 炸魚 青口等等仲要嚿嚿都大大粒 大大隻 大大嚿當然仲有唔少得嘅腰果 肉鬆 提子乾 菠蘿肉🍍調味啱啱好之餘 啲飯粒都炒到粒粒分明龍眼冰 $32 🙆🏿‍♀️推！友人叫嘅呢個龍眼冰好鮮甜我哋都覺得呢到比較濃味唔會淡茂茂 同出面一樣嘅係有2粒龍眼芒果冰特飲 $36 🙆🏿‍♀️推！佢係用外賣膠杯裝完全爆棚 感覺好抵入面有少量芒果肉芒果味亦好出 如果夏天飲一定更消暑✅ 加一服務費✅ QR code點餐✅ 晚市堂食8折；9點後入座7折

大角咀搵野食，見到利奥坊都幾靚幾舒服，揀左泰國嘢Orange Elephant裝修簡單舒服，係傾心事好地方依到話大唔大，話細唔細，枱與枱間嘅距離適中，有咩就隨心一邊食一邊同朋友傾餐牌可以話諗得到既泰國嘢都有，串燒、小食、咖哩、明爐魚、海鮮…..好多圖好吸引，非常選擇困難每日仲有不同既$1選擇，性價比嚇親你先上泰式蝦球炒金邊粉，係睇得出既大碟賣相幾唔錯，亦幾香，蝦球相當大粒彈牙，好爽口，一食就知鮮蝦唔洗驚食食吓痴牙啦，金邊粉飽肚之餘味道恰道好處，口感都幾好，配埋青檸汁，更加開胃泰式明爐烏頭魚，$1，無錯係$1！！！嚇親，原價$179，而變左$1完全無細條左，實在抵到無言明爐魚賣相當然震撼，大大條，充滿香料、菇同肉碎，魚肉好多，啖啖肉，都算幾嫩滑酸菜+酸梅溶入湯底 滲透到魚肉，鍾意食酸會好啱串燒雜錦，豬牛雞各兩串，上枱已傳出燒烤味，即刻試食，先食豬肉，相當入味，鍾意重口味既啱晒沙爹醬少少甜有啲花生味，一定要點埋雞肉既肉質會更嫩滑，我自己鍾意食雞既就覺得味道幾好，又滑又夠味牛肉都唔錯，係最夾沙爹汁既，串燒都好大份食完重味野飲返下泰式特飲，石榴冰，係一般沙冰黎既，唔算太甜，石榴味幾重，食完咸同