錫池 (已結業)

同事升職請食飯, 安排左去呢間食日本野, 店內面積唔算太大, 設有一間房間, 好彩可安排入房坐, 就算關了間都聽到出面食客交談聲!午餐定食有15款比你選擇, 有生熟食物提供, 有同事之前試過雜錦刺身 ($290), 見佢今次再食, 一於死跟! 哈............整個定食包埋沙律, 主菜, 白飯, 麵豉湯, 漬物, 是日甜品及咖啡/茶 沙律有3款選擇 : 煙三文魚, 凱撒, 巴馬火腿, 我所選係煙三文魚 : 爽脆既沙律菜, 幾片煙三文魚, 淋上醬汁再灑上芝士粉及脆口多士粒, 略嫌醬汁重味左少少!刺身出場啦, 無論賣相或份量都相當有睇頭, 魚生包括油金魚, 鱆紅魚, 三文魚, 吞拿魚, 赤貝, 牡丹蝦及海膽少許! 刺身口感幾好, 食得出鮮味, 其實只食刺身都好飽下! 白飯仲可以加添!是日甜品係芝麻/綠茶雪糕, 不作他想點左綠茶, 雪糕質感係幼滑既, 但綠茶味偏淡, 點到即止, 作為過下口癮係OK既! 侍應不時入內加茶, 服務態度OK!

椐說這店口碑甚佳，特來一試，比較難找，致電查詢時職員親身出來迎接，服務態度和招呼都一流，坐下看一下餐牌，原來除了套餐外，其餘品種不多，主要刺身和壽司及丼為主。最終我們要了兩客據稱是懷石的套餐。雜錦刺身，基本上全部料都新鮮，但貨式就是一般普通貨式，無特別。火炙吞拿壽司，吞拿由火炙過，表面見半點香，入口油脂滿溢，食後魚油回甘留於口內歷久不散，是除咗親身到日本外，嘗到最美味的吞拿。車蝦鐵板燒，新鮮彈牙，師父掌握火喉到家，全隻蝦都剛剛熟，蘸上葡萄醋食，更感鮮甜，真是極品。雪魚卷，以煙閱包著雪魚再加上沙律味，原本味道不錯，可惜用筷子一動，內裏魚肉就散出來，要用刀叉切開煙肉自己重新包合入口，魚肉是嫩滑的，但煙肉未夠香，這樣一個菜式，在懷石料理中算是失敗。燉蛋，在燉蛋內放入一小件龍蝦，蛋入口算是嫩滑，但味道卻是偏咸。鐵板和牛卷，用薄和牛卷著香蔥等以鐵板燒方式做，蔥香反而覺和牛過了火，竟然有半點鞋的口感，真有點失望。紫蘇葉炒麵，麵質較淋，入口夠滑，返而有點糊，味道清香偏淡，也算可以。蜜瓜，非常清甜又淋得來有半點爽，是剛剛熟透的感覺，很好。整體來說，算是一餐味道不算差而服務上佳的晚餐，但以千多元—位而稱