一喜日本料理

營業中

休息中

母親節家庭聚餐，揀左呢間居酒屋，因為見佢沒限時還枱，環境又幾舒服，而且位置方便。去到店員都幾nice，地方都幾乾淨，啲枱都唔會太密，唔錯。5個人食，所以試左好多野，續一講。首先係梅刺身拼盤，有10款刺身，好新鮮，而且刺身片都厚身，份量足。同時散叫左啲壽司，average 都唔錯。再叫左個牛油角軟殼蟹卷，呢嗰就普通，軟殼蟹比較細沒咩肉。之後有兩個鍋物，先係清酒煮大蜆紙火鍋，清清地，啲蜆都幾多幾好肉。仲有個牛肉紙火鍋，都係比較清，但牛肉就一般同比較薄。炸物我地試左雜錦天婦羅，炸漿做都唔錯，份量都ok。跟住係燒牛舌串，偏薄身，質感都唔錯，調味比較濃。燒物仲叫左鹽燒三文魚頭連鮫，好大份，燒得唔錯，幾滑幾香，係調味比較濃。之後係日式燒茄子，呢嗰幾特別。唔係一般用醬汁燒嗰種，而係完全沒落調味黎燒，按自己需要沾醬汁食。咁樣更加食到茄子既鮮甜，加上茄子好軟滑，好食~最後仲叫左嗰明太子燒飯團，就普普通通，燒得唔夠脆。

星期一又再重新出發，朋友決定去尖沙咀食晚飯，鍾情日式餐廳的我，今晚來到尖沙咀的一喜日式料理。餐廳佈置甚具和風格局，櫥窗擺設、牆身壁畫、木牌、日式清酒，洋溢和式氣氛。豆腐野菜沙律 $78前菜揀咗豆腐野菜沙律，新鮮野菜份量十足，豆腐滑不溜口，加埋木魚碎蓋面，配上日式胡麻醬，清新開胃。雜錦天婦羅 $88天婦羅麵衣厚薄適中，炸得非常脆口，可食到南瓜、茄子、香菇及大蝦的鮮甜味，配上少量嘅蘿蔔蓉，亦有助減低油膩感。雞軟骨串 $28、雞腎串 $28、日本青椒串燒$28 串燒揀咗鹽燒雞腎及雞軟骨，燒得啱啱好，唔會太乾身，食落亦有咬口。值得一提係青椒串燒，配上特別調製嘅醬汁，中間甜甜的和軟綿綿口感一流。必食刺身拼盤 — 松 (8種盛合せ) $538大愛日本料理的其中一個原因係日本菜賣相永遠無得輸。拼盤非常精緻，屬高質食材而且份量十足！拼盤有帆立貝、三文魚、鮪魚、劍魚腩、油甘魚、北寄貝、八爪魚及甜蝦。魚類刺身肥美肉厚，油脂分佈均勻。 當中帆立貝刺身，柱頭肉厚身圓大，鮮甜而柔軟，絕對值得推薦。海鮮紙火鍋 $108色彩繽紛的海鮮紙火鍋入面有鮮蝦、魷魚、青口、豆腐、金菇及冬菇作配料，仲有粉絲吸收清甜嘅湯底，好豐

今日和朋友往尖沙咀一喜日本料理, 我們點了A5和牛串, 銀鱈魚西京燒、雞皮串、帆立貝串、牛柳串、雜錦天婦羅、冷蕎麥面、海膽炒飯、鹿兒島黑豚肉鍋、綠茶紅荳冰和蜜桃梳打。A5和牛串食落入口即熔, 油脂分怖均勻, 有油花, 入口甘香；銀鱈魚西京燒肉質滑和鮮甜, 而且食落不會太乾, 十分鮮甜美味；雞皮串食落香脆好味, 有油花, 佐酒一流；帆立貝串上桌時熱辣辣, 肉質新鮮鮮甜, 配上燒烤醬汁食落惹味；牛柳串入口鮮甜, 咬落去不會有筋, 入口軟綿醒胃；雜錦天婦羅粉漿薄薄食落香脆,, 尤其是天婦羅蝦食落香脆惹味；冷蕎麥面面食落爽口軟綿, 醬汁鮮甜美味；海膽炒飯賣相一流, 炒飯炒得甘香而不油膩, 飯好軟綿甘香, 海膽份量十足, 食落鮮甜沒有苦味；鹿兒島黑豚肉鍋湯底味香濃, 鹿兒島黑豚肉入口即熔, 食落爽口, 有油花,配菜新鮮美味；最後綠茶紅荳冰綠茶味香濃, 紅荳好腍好重紅荳味, 飲落甜度適中, 「綠茶控」必試。餐廳座位舒適寬敞,, 適合三五知己朋友聚會, 餐廳食物好味有特色, 尤其串燒和天婦羅很有水準和很高質素, 美味高質日本料理, 朋友今餐食得很滿意和滿足,值得再來。