快樂餅店 (已搬遷) 新店位置

出街食飯時，再經過快樂餅店，由於聽回朋友的意見，雞批最好食，當然要買來試。//事隔一會，去到下午茶時間，當然就可以靜雞雞 食雞批。//真的沒有介紹錯，批皮十分脆，凍左都仲有好香的牛油味。//雞批十分有內涵和足料，有雞肉外，還有一些煙肉火腿和洋蔥和白汁，簡單而好味。//靜雞雞 快樂食雞批，正!

之前有同事買過番公司同另一個同事farewell...試咗個雞批好好食。星期五係最後一次喺admiraty 番工。放工之後行咗過去買。從佢個名聽起黎，都估到係舊式餅店。店子小小，但就有好多麵包、批、蛋糕之類。買咗2個雞批、1個蝴蝶餅同1個椰撻。買咁多都只係$16.5。好抵食！番到屋企，急不及待，嗱嗱聲搣咗半塊蝴蝶餅。同其他食家所言一樣，唔係新鮮出爐，已經唔脆。但除咗淋咗少少之外，其實味道好好。牛油味好濃，表層有砂糖，甜度適中，味道是很好的。如果係新鮮出爐，肯定美味多了。雞批真係極正！比金鳳還好吃多倍！賣相很好，金黃色格格批皮。批皮牛油味香濃，鬆脆，即使叮過再食都仲係咁正。而且批皮好厚，好有口感！餡料很多，很豐富，有火腿、雞粒同洋蔥。椰撻我只嚐了一口，也不錯。阿媽讚好食，話唔係太甜。