大班樓 (已搬遷) 新店位置

超過半年無登入OpenRice，今次寫返係因為覺得呢間都幾值得我去紀錄下。而我老友一路都致力於發掘新餐廳，佢話大班樓有上過「舌尖上的中國」，終之都搵咗個weekend過嚟試返個味。雞油花雕蒸花蟹，入嚟必食，蟹為時價。作為招牌菜式，口味的確可圈可點。首先隻花蟹足晒兩，够大隻，可以保證到啖啖肉。花雕酒味濃而不醉人，搭配新鮮扎實的蟹肉，好正。而個精華都係個湯汁入邊，雞油香，酒甘甜，撈埋陳村粉一流。隻花蟹够新鮮够靚，所以個売好硬，雖然有輔助工具食蟹，都係會食到成手汁，頗為費事又不太雅。嫌麻煩可以叫waiters幫手，不過都係自己親手拆蟹先有飲食的樂趣。九層塔辣椒膏炒蜆，睇個樣就知呢味屬於fusion，老友鍾意而我個人就覺得麻麻。話係辣椒膏其實就無咩辣味，而係滿滿的茄膏酸味，成道菜味道溝亂，茄膏蓋過晒九層塔的香同蜆肉嘅鮮甜，失去咗食材原有的味道。除咗蜆肉飽滿我都讚不出第二隻字。龍井菊花燻乳鴿，一開始我嫌皮太腍，口感介乎於鹵味同炸之間。鴿肉呈粉紅色，可見燻的時間火候啱好，而且龍井菊花可減去不少煙燻味，愈食愈有味。瑤柱鹹魚醬炒時菜，份量迷你咗d，芥蘭去咗皮好係好嫩好鮮脆！平時自己煮根本唔會咁精細，食

唔經唔覺都食左大班樓好幾年，由佢唔係米芝蓮食到佢係米芝蓮再食到佢又唔係米芝蓮，又再，原來佢舊年又入番米芝蓮。龍井菊花煙燻乳鴿，呢個乳鴿最正嘅就係煙燻味極濃，配有淡淡嘅龍井同埋菊花香，味道係就係幾好喇，不過鴿肉偏鞋。酥炸蟹肉香菇盒每個$55，呢個係今次既新嘗試，不過徹底失敗，首先係溫度微暖，炸嘢唔夠熱係死罪，入面搵唔到幾多蟹肉，個炸漿嘅比例亦都太多。雞油花雕蒸花蟹配陳村粉，幾乎每次必嗌嘅菜式，陳村粉索曬雞油花雕同蟹既鮮味，其實大家都淨係為咗佢個陳村粉㗎咋，不過當然，佢個蟹都係靚嘅。十八味豉油雞，第一次帶婆婆嚟食佢對呢個雞讚不絕口，佢話除咗好味之外，主要原因係上檯嘅時候啲雞都仲係辣口嘅，不過今次只係淨返微溫，味道亦都大失水準，無以前咁好食喇。話梅肉桂糖醋排骨每支$60，鍾意佢啲排骨輕輕走過油，糖醋汁嘅味道亦都拿捏得啱啱好，不過唔覺意睇番其他 blogger 嘅食評，原來2012年嘅時候佢只係賣30蚊一支，四年後既今日足足加左一個 double，我明白四年係一個唔短嘅時間，不過60蚊一支骨又未免太過喇。九層塔辣椒膏炒蜆，呢味炒蜆都係幾乎每次必嗌，九層塔再加上辣椒膏嘅香味，配搭創新，出面真係食