寶哥火鍋味館 (已結業)

這火鍋店在友儕間有很高評價就趁著今晚與朋友飯敍於此步上二樓就有店員親切招待選了二三八一位的火鍋放題飲品全包湯底選了雞煲店員説吃罷後可加添湯於內作火鍋雞煲可選大中小辣三種程度雞肉肉質很嫩滑味道惹味之後奉上的刺生有六款之多牛肉包括有貴價的封門柳還有一碟海鮮及自家制三寶丸封門柳很軟腍牛肉味極重海鮮有蝦鮑魚蟶子大蜆各等二件雖然份量不多但勝在新鮮其他火鍋料種類多可自由選擇包括白鱔脆肉鯇牛舌黑毛豬安格斯牛肉等其中白鱔和蝦丸最值得推薦配料中以京都豆腐比較特別質感非常滑溜豆味極重點了一個回合已經很飽了還有大量其他配料還未吃到呢

一去到原來我地先發現有團購，大家去之前唔好好似我地咁蠢😂，然後簡佐B套餐$238（6款刺身拼盤、5款時令海鮮、手打手寶丸、和牛刺身、封門牛柳），當然仲有n款火鍋配料可以任食，有汽水同竹庶茅根係出面任拎！.有十多款湯底可以簡，我地簡佐雞煲，都幾夠味不過略嫌普通，店員見我地遲遲未食晒怕我地燶底，都有幫我地夾起啲雞先再加湯。.啲配料都幾新鮮同黎得幾快，同埋份量都合理，二人唔會話比太多，我地食佐陣先發現點解未有拼盤，問完之後原來漏佐比，店員都有即刻幫我地凖備返。5款時令海鮮：帆立貝、鮑魚、聖子、魚、蝦6款刺身拼盤：吞拿魚、魷魚、八爪魚、甜蝦、希靈魚、北寄貝（大致上都幾鮮甜新鮮）封門牛柳：好味道，比起其他同舖特別，真係啖啖牛味😍和牛刺身：我有就咁生食一小啖，都係覺得熟食好味啲，真係入口即溶😍（個職員見我悼一悼嚇佐跳 提醒我係刺身黎😂）特級美國肥牛：就連肥牛都好味，唔會似某啲舖頭咁得肥肉黑豚肉：略嫌有啲un同大件.仲要好似無特別限時，店員都好親切，整體上都幾滿意，對牛有要求既不妨黎試下，價錢都算合理，不過我就建議大家可以試下其他特別啲既湯底。

今日黎呢度打邊爐同埋食雞煲, 我地揀左一隻新鮮雞小辣,其實平時食開中辣既我, 因為今日要就人, 都預左食得唔過癮架喇...個雞煲味道唔似我平時食開嗰D, 之前食過好多都偏甜, 但呢道又唔會喎!!反而更o岩我口味, 唔屬於麻辣既辣, 沒有花椒八角既味道, 有少少似o者o者雞煲既感覺, 都幾惹味, 如果再辣d會更好, 我下次一定要試中辣...由於好多人一齊食, 叫左好多打邊爐配料, 有幾樣真係好出色, 魚肚--- 用魚肚打邊爐今次係第一次, 真係唔係度度有魚肚呢個選擇,                魚肚好大塊好厚, 索唒d湯, 淋淋地似食豬皮既感覺, 但當然比豬皮更勝一籌啦牛柳粒--- 有少少肥膏, 但反而更淋更香   墨魚滑--- 好彈牙, 墨魚夠新鮮, 又足料好食蝦子麵--- 又係從未試過既邊爐配料, 但佢形容係招牌蝦子麵, 所以我就揀左,                    又真係幾好食喎, 彈牙之餘又有蝦既香味田雞--- 好大隻, 黎到仲郁架, 雖然有少少驚嚇, 但咁先夠新鮮,                食落d肉質真係超結實動彈呀環境企理舒適, 打邊爐配料又多選擇, 配料質