真味鮮廚 (已結業)

如果你想一次過試完刺身,火鍋及雞煲,可以來這家店。性價比高;材料新鮮。今天下班,同事介紹便來大吃一餐。我們3人都點了龍蝦海鮮盤火鍋。有龍蝦雞煲及安格斯肥牛。雞煲先到,金黃色的,夠味道,如果辣少少會更好。雞件夠滑,簡直色香味俱全。刺身有三文魚,吞拿魚,虎蝦,帶子,鮑魚,樣樣新鮮,帶子潔白大粒清甜;吞拿魚,魚味濃, 鮑魚大隻,味道清甜,有嚼口,虎蝦,蝦味濃郁,彈牙;主菜火鍋,我們點了一個胡椒排骨湯底,趁未放其他菜料進的湯底,我們先放龍蝦,龍蝦灼熟後,潔白色,肉算多,啖啖肉,蝦味濃郁;而聖子,長長的較為爽口;元貝有3隻手指的大小,咬下去口感彈牙,十分鮮味;吃完海鮮後,輕輕一口湯,整個湯底的海鮮味都十分濃郁;原以為胡椒味太濃掩蓋湯底,試後發覺海鮮味更為濃郁。安格斯肥牛一大盤,鮮紅色的肉,雪花紋肥瘦均勻,每一口牛肉汁豐富,吃完不膩。我們額外點了一客美國雪花肥牛及鵝腸,鵝腸份量多,十分爽口,富有腸味。一次過可以試完雞煲火鍋刺身,我......只有在這家店試過。

有一個朋友約我食飯，話觀塘有個港式任食邊爐，又有雞煲，仲送龍蝦海鮮，安格斯肥牛同刺身拼盤，所以就去試一試佢1730已經開始頭輪唔限時，但2030 後入座有8折 所以我地食第二輪有自助醬料吧，同水吧，啤酒汽水任飲有肉蟹或者係龍蝦海鮮拼盤送我地食龍蝦，不過不失刺身都係普通，唯獨有磯煮鮑魚，呢個係幾好嘅先上雞煲，姐姐話唔夠食可再加唔洗錢，啲雞偏淡，都算唔錯安格斯肥牛，肉質好滑，牛味就一般，份量都偏少（個人覺得）其他食材都係不過不失，但一班朋友，麻甩佬嚟食都唔錯嘅，吹水都可以坐好內，佢份哂B，C，D區 食到11，12點都無問題

今次醒目一早BOOK定枱,之前見人地介紹過, 想試好耐!!果然無令我地失望!!好耐未試過食得咁有層次!!首先坐低左, 出面D酒水任飲!!之後黎左第一樣野食,刺身拼盤喺中式食肆黎講,佢一D都無比下去,甚至比好多日式放題好味!!而且份量都多, 好夠食!!(一次性, 不是任食)之後黎左個雞煲, 好惹味!!而且係任食既, 如果你係大胃王,可以無限添加, 雞煲調味好入味!!不過真係要狂攪拌, 因為好易濃底!!如果唔係就要整熱之後熄一熄爐!!呢個牛肉都係一次性, 唔係任叫!!雖然解凍方面做得唔太好,但係好有牛味, 好軟滑!!如果都係任食就好喇...海鮮拼盤, 好多款, 而且質素都中上!!最正係每人半隻龍蝦, SIZES都算大!!其他仲有蟶子, 帶子, 花尾躉肉都好出色!!基本上每圍都係食呢個餐!!海鮮質素高於我預期!!最後就係呢D任食配菜配料!!其實佢任食隻牛都唔太差!!其他配料都好出色, 絕對唔HEA底!!但係真係食唔到太多,食左以上既野之後, 到任食配料!!真係叫唔到食唔到太多!!大家唔好浪費食物喇...!!