立体派拉麵 (威靈頓街)

營業中

休息中

一向同老細都好鍾意食日本拉麵，所以都會週圍搵好食拉麵店。今日過嚟landmark出席試酒活動，嚟得中環，梗係去搵立體派食返碗美味拉麵啦～不出所料，真係要排隊…🫣😓因為佢冇得訂座，咁就乖乖地排啦…大概20分鐘就有得入座！念念不忘嘅係佢嘅九味醬油拉麵，因為嗰件豬腩肉實在十分吸引🥰🥰👍🏻而且個鰹魚湯底好濃郁，麵身又夠彈牙，上面仲有好多蔥絲，十分惹味（當然食完嘅口氣係另一回事🤭😝）。佢新出咗一個濃郁味噌雞白湯沾麵，老細最鍾意食沾麵，一定要試下～上菜個樣好吸引，沾麵個味噌汁非常濃郁啲雞白肉沾完熱辣辣嘅湯汁，好好味，好似食緊蒜泥白肉咁嘅feel。朋友試咗雞白湯拉麵，都話個湯底好正～份量又十分足夠，再叫多幾個小食，真係飽到上心口！！🥰🥰👍🏻

立體派又係一間過江龍嘅拉麵店💁🏻‍♀️夜晚去食嘅話經OpenRice訂仲有八折如果係平時lunch time去食就要早少少去排隊啦今次我哋兩個人就叫咗兩碗拉麵再加一份小食. 🎈雞軟骨餃子($48)比起一般餃子煎得比較油🤭但係佢嘅餃子餡有d脆脆地既雞軟骨 口感比較豐富但就煎得太油膩 碟底都係油 一般日式餃子都會配上日式嘅餃子汁 而呢一度嘅就係配沙律醬 冇去除到呢一款煎餃嘅油膩感 相對來講有少少敷衍評分: 6/10.🎈海體醬油湯拉麵($88)拉麵湯底有d鰹魚味 甜甜地 整體偏淡但相反腩肉叉燒就幾好食 又淋又入味👍雖然冇入口即溶嘅感覺 但係連埋肥豬肉一齊食係恰到好處至於個拉麵就比較普通 不過不失評分: 7.5/10.🎈林隆臣拉麵($118)一上碟就見到隻碗非常之大😂😂仲有兩隻煮得啱啱好嘅糖心蛋👍一碗麵三塊叉燒 偏肥有油脂香但略嫌燒得唔夠 迫唔哂d焦香味出黎相比起一樣係過江龍嘅座銀呢一間嘅湯底就比較清淡 但就會多咗一種淡淡的黑胡椒味相對來講我會比較鍾意座銀嘅白湯湯底評分: 7.5/10.🎈總括而言拉麵湯底兩個都比較普通 比較印象深刻嘅係舊肥豬肉 非常之香同埋軟熟👍只係餃子就真係相對較差 評分:

拉麵一直都係自己或者身邊好多人既至愛，趁今期立体派無咁多人排隊，當然要立即試下啦！今次試左佢個海體醬油湯拉麵。之前聽人講佢個醬油湯底唔係用單一種醬油整成，而係用多種既醬油混合而成。一入飲口，非常香甜甘口，唔會有口渴既感覺，果然係唔同d既！麵條非常彈牙，好好食！另外佢舊肉係分開上，但都真係好好食！佢既肥瘦適中，入口即溶，仲要d肉係一絲絲咁咬開，簡直係非常驚艷！佢舊肉應該係用醬油沈過，成件事真係非常入味！