太元樓

營業中

休息中

兩點幾才搵食，唔想食茶餐廳，今次試吓呢度 有呢個下午茶餐，唔想食咁多，可以㨂輕食。三個人叫左兩個麵餐，一個輕食。雞絲粉皮，麻醬同花生醬比例恰到好處，輕食關係，份量唔會好多。菜肉包，正正常常咁，正常食品唔應該會有太大驚喜鍋貼，底煎得好脆，皮小厚，總括唔差小籠包，皮薄好味，入面好juicy 嫩雞煨麵，湯好味，麵好滑，整體好好，有令人想一食就成碗倒落肚嘅感覺五香牛展麵，牛展同麵分開上，麵滑湯清，牛展夠淋不過唔係好入味。埋單無加一，有招呼，環境唔太差，食物即煮好夠熱。I like it

每逢老闆請食飯，猴子第一時間就諗起太元樓，因為佢係附近餐廳當中較「企理肆正」嘅一間，當然價錢亦會貴少少，但既然係老闆請客，食得平就即係唔畀面，你哋話係咪先？另外要講講嘅係，由於高興得滯，今餐嘅嘢食係叫多咗要打包，另外有啲菜式可能唔記得影相而冇介紹到，所以「人均消費」嗰欄只可以作為粗略參考。上海粗炒：先介紹呢碟老細至愛嘅上海炒粗麵。啲麵食起上嚟的確夠滑夠彈牙，而且油膩感低。咕嚕肉：係啖啖肉少肥肉，唔似其他茶餐廳咁溝好多粉，燈籠椒同洋蔥都好爽。雞絲粉皮：花生醬係猴子至愛，撈埋落雞絲係估唔到咁好味。妙齡乳鴿：乳鴿猴子麻麻，所以冇食，不過見老闆娘食到好開心。蔥爆牛肉：原本應該值得一讚，不過猴子食到其中一塊勁厚兼韌，要扣啲分。脆皮素鵝：其實食落同腐皮卷冇太大分別，味道OK。掠拌小青瓜：幾開胃，食完其他嘢之後食一粒青瓜，即刻又回復肚餓再食過。紅棗心太軟：老闆娘話女人啱食，猴子唔係女人，而且覺得太甜。五香醬牛展：夠香夠滑夠惹味，要推介。小籠包：裡面嘅湯汁真係精華，要細心品嚐，不過小心燙口。腌篤鮮：湯底夠晒清甜，個胃有空位嘅話要飲多啖。京城蔥油餅：呢個煮得麻麻，啲蔥油唔係太出色。鍋貼：鍋貼個底有啲硬，

今天忙裡偷閒，搭幾個站黎到北角太元樓食飯～睇門口格局好有派頭😆入面裝修得體 坐得舒服～坐低先來兩隻乳鴿 上碟熱辣辣😍咬落去肉嫩口又多汁 大大隻 夠惹味😋（聽聞之前好快賣晒，好彩今次食到😆）最愛吃的小籠包 皮夠薄 摺夠多 入面足湯足料 小心燙口😆雞絲粉皮 份量充足 麻醬夠 粉皮夠彈牙 入口好香口好爽滑～高湯浸豆苗 豆苗新鮮～上湯浸簡簡單單夠清淡 突出新鮮食材 夠健康～醬炒大蝦年糕 夠晒大碟 甜甜地 年糕夠彈牙唔會炒到好乾 正～搭多兩個站可以用平民d既價錢食到好野（中午黎果陣張單無加一😍😍 唔知晚上係咪都咁抵🤔） 又無核心商業區咁逼～抵食😋

本身想食添好運見隔離有新餐廳門面幾靚 乳鴿都只係$28覺得不妨一試內部都好光猛四正約長輩或請客食飯皆宜菜式有齊京滬菜基本款之餘亦有啲係比較考究 例如樟茶鴨 百寶鴨同北京填鴨同埋有啲未聽過未食過嘅 例如 漁夫竹籃蝦 賽螃蟹春卷 西湖藕韵 同黃金棗蓉咁第一次食試啲基本嘢先啦雞絲粉皮粉皮好爽口 青瓜居然冇草青味 仲幾清甜多汁小籠包皮薄多摺餡多汁湯汁熱之後就試咗個樟茶鴨肥美 醬汁味之中有少少茶香同煙燻味配搭饅頭非常出色鬆軟香糯最後食多個酒釀桂花丸子呢間嘅酒味比起其他餐廳嘅稍重啲連帶桂花香都出啲非常清甜食咗咁多嘢都只不過係二百幾蚊Service亦好好食唔哂打包呀姐亦幫我細心pack好用袋裝起下次可以再進階試一啲平時少見嘅菜色