霸王山莊

營業中

休息中

敏仔最愛就係食片皮鴨啦！最近返學都無咩功課，即刻帶左敏仔去食尖沙咀既《霸王山莊》食餐好既✌🏻✨霸王風沙雞（半隻）$198外皮超香脆，配埋啖啖雞肉，岩岩好👍北京烤鴨（半隻）$238 有全鴨皮拼半肉半皮，鴨皮充滿油香，好有風味，但美中不足係餅皮有d 痴住張紙，除此之外味道係好食既。雞絲粉皮$92 麻醬雞絲配嫩滑粉皮，作為前菜好開胃。雪菜杭椒泡魚塊 $123呢道菜係辣辣地既，有雪菜既咸香，配埋青色辣椒既香氣，令到魚塊昇華🌶霸王小籠包（四隻）$55 爆哂汁既小籠包，正呀，比平時既更多湯汁。蟹粉芙蓉拌麵$198呢碟邪惡既化身我只敢食細碗，蟹粉配埋蟹醋可以令蟹粉既味道更出，而麵質係軟滑既上海麵。法國香梨冰茶$45有d 梳打既香甜梨味茶，好解渴。熱情果百香果特飲$45 酸酸甜甜好開胃，敏仔好快清哂🤣食評總結：我細細個已經黎食ga na, 而家再黎食水準都保持到，沒有華麗的擺盤，但每款食物味道都好食，係同屋企人食飯既好好選擇👍

前排搶到旅遊發展局啲優惠，其中一個係「霸王山莊」。北京烤鴨二人套餐（$98，原價$498）雞絲粉皮，雞絲（份量唔多，但其實冇乜所謂），青瓜絲，粉皮（彈牙唔糊口），粗粒花生醬，味道合格，但如果再凍少少就更好。宋嫂鮮魚羹（2碗），好耐冇食過呢款嘢，已經唔記得應該係咩味。呢碗似冇色冇蛇嘅蛇羹，有2小片魚絲，少量木耳絲，大量荀絲，些少蛋花，味道普通。北京烤鴨（半隻），份量比預期中多，總共有12片+6舊，鴨是暖的，鴨皮微脆，略偏咸，鴨肉稍嚡。餅皮偏細塊，但煙韌唔乾身有彈性。烤鴨醬偏甜。乾貝蛋白炒飯，用珍珠米（個人唔太喜歡中菜用珍珠米），丁丁油，尚算乾身，味道普通。霸王小籠包（2件），新鮮熱辣，皮唔算薄，有湯汁，還可以。整體味道&質素都合格，而且服務都唔錯。但真心講，要用$498食呢個餐，應該不會考慮。現在以$98 + $28（$14位茶錢）+ $52.6（加一收費，以原價計$49.8+$2.8）= $178.5，咁就可以接受。

由於早排係旅發局搶到霸王山莊2人套餐$98優惠，於是book左今日2點去試食，因為未曾食過呢間餐廳。中午呢個時段去到都冇咩人，所以好快安排左坐位。我地show左個旅發局個夏日賞優惠劵出來，個侍應見到都冇再問我地食咩，自動波去安排套餐，然後佢問我地要飲咩茶，我地就叫左壺普洱茶。之後1分鐘都唔夠，好快上左茶同野食。首先第一碟菜是「雞絲粉皮」有雞絲青瓜絲粉皮，面頭仲有啲白芝麻，食落口好多花生醬同埋花生粒，幾好食😋第二碟是「乾貝蛋白炒飯」食落去感覺有啲硬，原來是乾貝影響，味道適中，飯不會太干，綠色那些應該是四季豆同蔥，爽口，但整體炒飯感覺一般。第三碟是「宋嫂鮮魚羹」食落口好似食緊碗仔翅😆料就充足既，食到有少少醋味，應該是加了醋，不過好食既。第四碟是「北京烤鴨半隻」睇見流口水🤤冇數過幾多塊，但都多的，見每片麵皮都有一張圓紙隔住，麵皮暖暖地都夠薄，將一塊烤鴨放係麵皮上再加上青瓜和京蔥，再加少少甜醬係面，然後包住食，正😋不過烤鴨不夠熱，不夠脆。第五碟是「霸王小籠包」打開是冒氣的，一口放進去多汁，不過皮可以再薄啲😇食落口又不是太熱，可以再熱啲，豬肉料充足。整體來講間餐廳環境不錯，侍應有禮貌。

🍪【#尖沙咀】霸王山莊 Kings' Lodge💥即叫即燒片皮鴨 慢工不出細貨💥.🍪 同朋友聚舊相約去尖沙咀食中菜，太遲book位所以另外兩間有得食片皮鴨嘅餐廳都滿座🥲於是去霸王山莊，點知中伏😵。✧ Most restaurants offering Peking Duck were full on Friday night, so my friends and I visited Kings’ Lodge…having an unsatisfactory dinner.🤯 ~~~~~~~~~~~~~~~~~~~~~~~~~~~~~~🍽 雞絲粉皮 Shredded Chicken with Bean Sheets $82 (3/5)✧ 好一般.🍽 三色拼盤倉魚排骨 Cold Platter (3 sorts: Chicken, fish and pork) $168 (1/5)✧ 呢樣凍盤嚟，冇一樣嘢特別出色😰，又貴又唔抵😭.🍽 北京烤鴨 (一食) Signature Peking Roast Duck $418 (2/5)✧ 令人失望嘅片皮鴨😫！鴨肉質唔夠滑，層皮唔夠脆，唔油潤多汁，

抵食2人片皮鴨套餐片皮鴨 例牌份量只有8片，但我問過侍應姐姐，佢話半隻其實都係得12片，而且套餐價錢抵食好多，所以最後揀左套餐，片皮鴨上枱既時候唔係好熱，但皮都仲脆口，亦唔會太油膩，整體感覺OK黑醋小排骨這個反而有少少驚喜，酸度剛剛好又唔會好油膩！其他餸菜都不過不失，2個女仔食的話，份量有啲多，現時做緊信用卡優惠，HSBC有7折，埋單大概$500味道:★★★★☆性價比:★★★★☆🤜🏻雀仔胃拒絕向嘥位食物說得#hkfoodie #hkfoodblogger #hkfood #foodstagram #片皮鴨 #尖沙咀 #尖沙咀美食 #食評 #情侶好去處 #霸王山莊

是日下午來到尖沙咀覓食！自從沙田的霸皇山莊結業，便久久未到訪此店。見餐廳供應價錢可接受的下午茶餐，當作午餐，於是決定一試。下午茶餐主要分湯麵和炒粉麵兩大類，另配冷盤/點心，飲品/甜品。戒口關係，減少吃辣忍痛不點個人認為霸皇山莊最愛吃的擔擔麵，而點了上海炒年糕。看看主餐牌的炒年糕，不是清炒而是粗炒模樣，故放手一搏！上海炒年糕 + 雞絲粉皮 + 木瓜雪耳糖水（$56）先到來的雞絲粉皮份量不算多，但味道甚佳！芝麻醬沒有隨便地使用原裝芝麻醬，而是調較了更濃的口味，微微混了點花生醬和麻油，更為惹味。芝麻花生醬的麻香確實無械可擊。推薦指數：5/5至於主食上海炒年糕亦沒有失望，完全是上海粗炒的濃油赤醬，咸中帶甜，足料的配菜--肉絲、冬菇絲、椰菜絲和白菜仔，令煙韌年糕帶點清甜。而年糕中隱約吃到薑味，少少辛辣在裡頭，層次實在豐富。推薦指數：5/5木瓜雪耳糖水份量有點少，但味道不錯，不會太甜。雪耳膠質令糖水吃落更滋潤。推薦指數：4/5加上茶介$63.5，作為下午茶不算便宜，如作為一頓商務午餐，還可接受。順帶一提，店家的人蔘烏龍茶茶味濃，甘甜甘甜的，是別處少見的茶款，值得大家來試。

首次光顧霸王山莊入門口的感覺幾好。order小籠包、上海粗炒、雞絲粉皮、素鴨。小籠包比較好味, 上海粗炒的瘦肉較乾, 吃不下。 素鴨很多油, 沒有油隔...雞絲粉皮味道一般, 但價錢略嫌貴, 豪無驚喜!!待應的態度麻麻地, 雖然人手足夠, 不過不懂基本的服務, 例如收碟、加茶等!所以有點兒失望!!

差不多2年沒有到過霸王山莊再試都能保持水準7點幾都唔full，到埋單都仲係唔full可能係星期一啦，所以訂位都訂左下層因為上層係好迫好嘈好窄鎮江餚肉幾好，水晶同肉嘅比例唔多唔少雞絲粉皮好夠味，但份量少左d小籠包仲係咁ok，讚！素菜餃好大隻，好食，不過唔係好明點解佢會俾小籠包嘅醋醮，素菜餃要醮野嘅咩？ 牛(月展) 黑金剛麵 x 2明明係order牛(月展) ，但裡面有3件牛筋囉，雖然都好食，但係我要牛(月展) o架嘛做咩搭d牛筋俾人呢？同埋份量少左，比起我以前食嘅好明顯少左，所以order左2碗松子魚 $138招牌菜，都唔錯，唔會d炸粉多過魚 黑醋小排骨我覺得甜左dd，但都okwaiter 反應都算快起碼茶壺冇水都唔駛等好耐4個人食左$52X

上次到訪Manila,外國豬招呼我地周圍去玩, 今次佢來香港, 我地點都要請人家吃餐飯。外國豬鐘意食d平靚正既野, 今次帶左佢食....霸王山莊, 第一, 我自己想食片皮鴨; 第二, 價錢唔貴味道好; 第三; 餐廳唔寒酸丫嘛。 雞絲粉皮 - 次次都叫, 尖沙咀店的味道係好食d既 紅油抄手 - 速油唔香, 豉油偏咸 燈影牛肉 - 哈哈, 我第一次食燈影牛肉, 吾.....我覺得好似牛肉乾~ 蒜泥白肉 - 呢個我想食好耐, 薄薄的五花肉片下有d粉, 加埋蒜香豉油, 好味。 生煎包 - 熱辣辣, 好味, 一客4個, 唔夠食又可以叫多幾款。 小籠包 - 真係間間店, 或者唔同鋪頭, 小籠包既味都唔同, 今次又幾好味, 仲唔易穿添。 北京填鴨 (片皮鴨兩吃) - 今次隻鴨比灣仔好好多, 唔肥, 有肉有皮, 係每次都覺得d京蔥和青瓜條唔夠。 炒鴨肉鬆生菜包 - 係片皮鴨兩吃的另一味, 鴨肉唔好浪費, 炒得好好味喎~ 京蔥炒牛肉 - 外國豬鐘意食牛肉, 專誠叫比佢, 可惜...........咸到飛起... 賽磅蟹 - 又係唔好食, 唔咸好大陣蛋鯹味....5個人吃晚飯, 食左12樣食物總共有15

自從打令令腸唔思服後..好多野都要戒口...不只, 仲要只吃粥水, 是晚打令令話要同外地豬(相公之堂細佬)吃飯, 仲話要豪比條腸, 吃片皮鴨(因為打令令已講了好幾個月) 於是打令令訂了霸王山莊也~打令令一打開menu, 佢話要掃小吃...好似放監咁~ 雞絲粉皮, 麻醬比足, 夠撈晒所有, 味道普通 紅油抄手, 雲吞尚算彈牙, 夠辣味 醉雞, 小小一壺, 唔好睇個size 細, 其實都有幾多雞件, 夠酒味, 雞肉嫩滑 燈影牛肉, 好特別, 牛肉似薄薄既脆牛肉乾, 加上好多辣椒, 幾惹味, 餸本身唔太辣, 如果唔吃得辛辣, 千其唔好食碟入面既辣椒, 本魚食得勁辣之人, 嘩, 一吃一條辣椒, 夠辣, 無幾耐就出汗, 身體仲覺熱添~~ 好彩..頂得住 蒜泥白肉, 汁分開上, 好鍾意個汁, 蒜香適中夠惹味, 白肉少了D囉~ 生煎包, 皮太厚, 入面既肉又少...唔夠個種咬一口有汁流出黎...有D失望 黎到緊係吃小籠包, 包皮彼厚, 咬一口, 都有少許肉汁, 比我地點既醋, 太少了, 一小兜...唔夠喎... 片皮鴨, 主菜到, 打令令叫了一鴨2吃, 薄餅皮夠包晒鴨件, 係蔥段+青瓜唔夠包,

差唔多有成年冇去過霸王山莊食上年第一次去既時候,水準都不錯今次都冇乜退步由於碟頭唔算大,我同老豆既食量都唔細因此兩個人點左6樣1.川辣牛筋麵-幼滑($42)2.酸辣湯麵-黑金鋼($42)3.雞絲粉皮($48)4.紫蘇排骨($58)5.重慶水晶餃($28)6.小籠包($28)湯麵總共有5種可能揀幼滑,扁滑,粗豪,健康,黑金鋼-黑金鋼係由薯粉做,比較有咬口估唔到同酸辣湯都好夾不過湯底就酸左少少,但可以接受-川辣牛筋麵,湯底有清清既雞味牛筋入味但係"林"得滯-小籠包非常出色,湯汁多.皮薄但又唔會穿-紫蘇排骨同重慶水晶餃都係普通-雞絲粉皮做小食非常惹味芝麻醬好香,粉皮夠薄唔碎,辣味亦都係恰到好處!整體而言都係值得再去

帶媽媽去TST辦點事,微微細雨,晚餐隨意尋找,經過此店,媽媽說以前試過,OK的,7點幾,不用等位,最好不過,細妹其後加入,隨意叫了2人餐$188:包括:小籠包-雖然有肉汁,皮亦薄,但無鮮味賽螃蟹-唔得,蛋白唔夠滑,麻麻山莊炒麵-好味,雖然材料不多,但麵身彈牙,幾好 雞絲粉皮-太少青瓜絲,雞絲亦唔多,麻醬太杰,已經唔係大碟,都食剩了糖醋魚塊-哩味整得唔錯,甜酸味道剛剛好,魚肉唔會死實實雙色桂花榚-內有波羅同strawberry,好味,好香桂花味,又唔太甜,其實唔加生果重好另外,有promotion至4月底,加$2蚊有韭菜餅, 餅皮夠薄,唔油,本應好正,但奇在入面d韭菜雖然好翠綠,可惜無韭菜香味!唔叫d酸辣既野食下,硬係好似欠一d野,於是,加碗酸辣湯麵,要了幼麵,麵係好彈牙,好食的,但那酸辣湯底,料太少,好多木耳絲,味道唔酸唔辣,唔知想點,唔掂囉,重收$48,好失望呀!