薩莉亞意式餐廳 (黃埔天地百寶坊)

營業中

休息中

自己一個人諗唔到食咩既時候，除左快餐店同茶記，我通常都會去薩利亞食個平價西餐。每次食都覺得好抵，選擇又多而且水準都屬於中上。今次又食最愛既雞肉多莉亞，其實姐係芝士白汁雞肉焗飯。雞肉其實已經被焗到乾哂，但就係咁會有少少脆口，撈埋d白汁會有多d口感冇咁漏，個人黎講係幾中意。唯獨飯量真係比較少，真係肚餓既時候單點一個飯真係唔夠，但價錢咁平，可以叫多幾款，食飽哂人均消費都唔貴，完全係窮人恩物，薩利亞萬歲！

正所謂享受與否, 在於自身感受, 今日我見證了!! 話說食飯途中, 見到遙遠既一枱客帶咗白酒嚟品嚐, 一邊食住薩莉亞既抵食意菜, 一邊享受杯中物甜蝦沙律 ($24), 份量多既甜蝦令沙律菜生色不少, 略厭沙律醬多咗少少.辣味雞翼 ($17/4隻), 以香港人咁鍾意食雞翼嚟講, 呢個真係必嗌!地中海海鮮比薩 ($36), 薩莉亞既pizza之中我只係鍾意食呢款, 諗佢三文魚夠滋味. 其實除非你好想食pizza, 若非如此不如留返quota嗌第二樣! 雞肉多利亞 ($29), 佢個白汁芝士醬係精粹, 個醬經烘焗後更香且帶有啲甜味, Encore Encore~3人嚟食, 其中雞翼同飯Encore咗, 埋單每人都係$60, 真係平到喊, 係糧尾既不二之選!!

我一向都好喜歡呢間餐廳，自從上次中秋節係美孚食過之後就念念不忘，今日剛好黎到黃埔做野，就同一個係附近返工既朋友一齊黎呢到食午飯啦。星期一至五午飯時候有SET LUNCH，一個餐都係38蚊到，有一個MAIN COURSE 再加一個飲品，仲要係可以無限次REFILL。今日我地叫左黑椒雞肉意大利粉同雞肉多利亞，再每人加個粟米忌廉湯。粟米忌廉湯: 粟米忌廉湯好香好滑，個湯黎到仲係熱辣辣架。黑椒雞肉意大利粉:雞肉醃得好入味，肉既份量一D都唔少，炒起黎真係幾香口。雞肉多利亞: 表面有微焦兼芝士味極重既白醬配上嫩滑多汁既雞肉， 焗飯好滑但可惜芝士味過重，唔喜歡食芝士既我就覺得呢個飯好一般。