協香麵飽西餅

營業中

休息中

喺聯和墟住咗廿幾年早餐必食嘅一定係四眼仔腸粉午餐必食嘅一定係豬手麵 而tea time必食嘅一定係協香嘅雞髀包細個既時候係幾蚊隻宜家貴左少少但都係10蚊有找點做到今日撞正新鮮出爐熱辣辣超級好彩唔好以為8蚊貨仔會係普通野雖然佢既肉唔係個隻又滑又好嫩既感覺但幾蚊有成隻鹵水雞脾食之餘佢既包面係保持到焗既感覺而個包入面係有啲雞汁會令到食個包時唔會覺得dry成隻雞脾連包齒既感覺真係好滿足其實除左雞髀包協香既其他包我都成日食腸仔包都係另一至愛

今日eatmug9 #25廚藝依家嘢真係博大精深試問一個正常嘅人 點估到一團麵粉包住碌雞脾再拎去焗咁又變咗一道食物仲要喺好味又好受歡迎喎焗嘅過程中 迫咗啲雞油出嚟個麵包就索晒 充滿晒油香之餘又令到麵包本身更加軟熟有口感師傅我都要講聲欽敬欽敬

住左喺聯和墟咁耐，其實呢間麵包鋪好出名食雞脾包，好多人都慕名而來，每當朋友黎我屋企，我都會帶佢地黎呢間麵包鋪買雞脾包食，出面未見過，得呢度有呢個雞脾包，同埋真係好好食。由於我成日去親都撞啱佢出爐/仲有幾分鐘出爐既時間，所以次次雞脾買雞脾包都熱辣辣，試過有次買完擺左一個鐘先食，凍左出唔好食。佢既雞脾都幾juice，個包好好味，索左d汁，好正👍🏻👍🏻👍🏻👍🏻個包既肉有一次食唔知點解硬左d，平時食就好好食，又林又滑，一般都ok既👍🏻👍🏻

星期日去咗粉嶺聯和墟覓食，大約4點行到去協香麵包西餅就見到啱啱出爐嘅雞脾包，咁就當然要買番個試下先。之前上網睇相都睇唔出個包原來都幾有份量。第一啖，我係包同雞脾肉一齊食，可能係啱啱出爐關係，個包吸晒d水蒸氣，食起來感覺有d 似平時酒樓食嘅食雞包仔，但呢個雞脾包就會油味香d同有𡁻口d，肉質好淋（但無好似平時食雞咁有肉汁流出泥）啱啱出爐嘅包真係好熱，最後我決定都係分開個包&肉去食你哋平時係分開食定一齊食㗎？

每逢假日，人人為著雞脾包來潮聖。店店外總是常企滿等雞脾包的人，想買到雞脾包（$8.5)，就一定要守候著出爐，因為每次一出爐，都會被人一次挾幾個，不需幾秒已可被搶空。傳統的麵包店，以傳統的煙韌麵包，包著大大隻調味過的雞下脾，雞脾非常惹味，還有豉油香，識食當然要一出爐即食，所以去到會見面很多人在街企滿食包的人，淨食一個雞脾包已經會飽肚。如果想食，就的不要假日去，有時連附近的街坊想落街買個雞脾飽都會撲空。這個雞脾包已成粉嶺聯和墟名物，亦是手信列之一。

這間位於粉嶺聯和虛的協香麵包西餅舖，其中的招牌雞脾包今天終於有機會一嘗。雞脾用滷水汁滷過之後再用麵包包著一起焗，所以香味十足令人看見便急不及待一口咬下，麵包都幾鬆軟而且沾上了雞脾汁味道幾香雞肉能夠保留到雞肉的嫩滑而且價錢合理，如果經過都可以一試

媽咪忽然想食‎雞脾包‬,去到咁啱賣晒,等左15分鐘有‪新鮮出爐‬‪麵包‬！‪‎聯和墟‬呢間‪‎麵包店‬幾年前係《街坊廚神》播出之後紅過一排,好耐之前賣$4.5,依家加到$8,不過都算平。話就話係雞脾‬包,其實叫雞槌包較為貼切,將滷水‬‎雞槌‬煎香之後塞入甜包,完成。雞槌腍身但乾左d,冇乜特別,個包焗得脆,哈哈都係gimmick野黎。

雞尾包可以冇雞尾菠羅包可以冇菠羅但雞脾包一定要有雞脾呢個就係聯和虛名物---雞脾包唔好睇佢包隻細細, 佢隻雞脾仲要食豉油脾, 真係花左唔小心機. 外面個包本身冇味, 但吸左d油髀味, 熱辣辣, 十分可口重點豉油脾十分入味, 由外到入到有味, 一口就咬得開, 8蚊仲想點呢隻包已經成為必買美食之一只要入到去. 見到有就唔好諗. 夾上盤先. 一次出20隻定30隻都冇分別唔駛1分鐘就可以比人清哂. 一個人買5,6隻. 手快有, 手慢冇

呢間麵包鋪成日都會經過....不過咁耐都冇入過去....更加唔知入面有咁多得意麵包....朱古力流沙包難道係中式的心太軟????岩岩賣哂廣告...成間鋪都人山人海...好彩佢出包出得好快...等一兩分鐘就有...夠哂新鮮...麵包好軟身....唔錯...朱古力都好濃...不過一d都唔甜...配合得岩岩好!!!雞脾包呢間鋪真係好有創意...道理同腸仔包一樣....只不過麵包包住ge係隻雞脾...都幾抵食下...7蚊...買個雞脾都咁上下...家下仲有埋包食...岩哂小朋友...其實呢間麵包鋪仲有好多好多得意麵包...不過真係一次過食唔得到咁多...而且人氣高企真係好迫....遲下有機會先試埋其他款....