Goobne Chicken (The Hart)

營業中

休息中

收工同同事嚟咗呢間炸雞店食炸雞 咁我哋六個人就嗌左兩份炸雞一個雞蛋捲同埋一啲嘢飲因為差唔多全部都係女仔咁所以都非常之夠食首先就係個雞蛋卷上先 大大嚿雞蛋捲再支埋茄汁 入面有酸瓜同牛蒡仲有餐肉 做一個前菜其實食完已經有啲飽之後就到芝士炸雞 佢上嘅時候芝士就溶溶地嘅 咁炸雞就會係甜酸炸雞味 但係已經因為芝士浸住所以開始唔脆 另外在帶咗個最近新出嘅芥末蜜糖芝士焗雞 呢個就好好味 唔會話好似炸雞咁樣 有炸粉就好快就飽 呢個食落去又唔會太油 但係都有鎖住左肉汁 再黎一定會叫Overall所有嘢都好好只係樓面嘅侍應唔太夠成日都冇人理

肯定會再嚟既烤雞店… 呢間韓國第一烤雞品牌,真係試下先,不過呢間真係超超多人,我地大約8點攞位,大約8:30入得,因為有限時,而且佢真係90分鐘就叫你埋單.我地坐到9:45出面都仲有人等位,真係好受歡迎 由於得我地兩個人,所以叫左咖哩蜜糖烤雞,雞蛋卷,兩杯飲品柚子沙冰,鯊魚特飲. 兩杯飲品都幾好,朋友揀左柚子,柚子味重,又清甜,用嚟送烤雞就最啱,鯊魚特飲,味道有點似利賓納加橙味咁...啲冰溶左沬道反而好啲我下次應該會揀柚子…. 先嚟個蛋卷,我本身唔太好韓國蛋卷,但佢呢個真係好好味,可能因為佢啲醬汁,本身上面有蜜糖芥末同茄汁,而因為芥末醬係有HONEY,所以只會有淡淡芥末味,最正係佢另上既醬汁,外表似千島醬,但味道完全唔同,仲啲少少辣,好正兩個人快速咁清哂,醤一滴都冇剩, 等左一陣,主角嚟啦,嘩,好多架,唔係平時啲炸雞咁,得一舊舊雞球,佢係有雞髀,雞翼, 雞翼尖,雞肋骨,雞球各2,所以都有大半隻原雞呀,可以試到唔同肉質,正呀,我地就鍾意雞脾同雞翼,因為位有皮,啲皮超級脆,蜜糖汁好正,啲肉入面又有淡淡咖哩香味,又滑,,一定要加埋咖哩醬呀,超正,(本人唔好咖哩都愛上呢道菜),不過雞球就冇乜

是日星期六，大學時期的好友返左黎香港，睇完戲就同另外兩位朋友一齊食飯，試下 Goobne 的烤雞。 我地睇完 minions 同行左一陣街，大約 6點半左右上到去，在門口等位的人有啲多，不過幸運地剛好有幾枱人食完，所以我地都好快有位。我地4個人叫左 3樣野，佢地 meau 的選擇唔算多，所以我地好快就做好決定。 枱上面有個按鈕，禁一下就會有人黎。每枱都位有放置垃圾的小桶，亦有小鉗同叉。當上烤雞的時候亦會為我地送上手套，不過烤雞剛上枱時太熱了，所以朋友都用叉食。而因為我比較習慣用刀叉，所以就問 waiter 拎了一把刀。我地被安排坐係窗邊角落的位置，所以我地坐得好舒服。 如果你問佢地拎水，佢地只提供熱水，不過佢地的 bottle water 都只係 8 蚊。

如果真係想食呢間嘅話，建議大家早幾日去訂座，因為即日肯定無位，到時walk in大家有排等位，當日我去到有小插曲，就係我早咗四日訂枱，但後來去到佢話無我紀錄，當時我開咗通話紀錄俾對方睇，對方立即安排位俾我地，所以當日打多次去確認下會好d

最近靚女好友話見到尖咀有間韓式餐廳好正，有炸雞啤酒 喎，個個聽到蠢蠢欲動, 咁啱大家呢個星期六晚又得閒，即興搞返個4月份生日聚會！餐廳時限個半鐘交枱，我地唔敢怠慢，準時到埸！簡單既韓式裝橫，座位比較狹窄。大家睇完一輪menu, 發覺來來去去既食物款式，都係以雞肉為主 ！韓藉侍應生温馨提示我地，有几款食物係特別辣㗎，例如豬手...唔係雞既就係超辣款，今晚唯有食全雞宴  啦!1.雞蛋卷 : 是晚最正就係呢款食物 ，我地encore左一次！雞蛋卷皮厚厚的，好似d日式壽司既甜蛋咁，饀料有午餐肉、紅蘿蔔、紫菜、青瓜等……加埋d沙律醬，very yummy !2.雞肉沙律 : 一般般既沙律，有紅腰豆、粟米、車厘茄等。至於d酥炸雞肉, 口感嫩滑但無咩鮮味囉 ！3.原味烤雞 : 原味即係唔辣，不過有朋友話覺得有少少辣味！味道就類似KFC既炸雞 囉 ！4.香酥烤雞 : 又係普通炸雞，不過好辣吓！用來點雞既醬料就好好味！食炸雞點可以少左啤酒呢，要跟劇本而行，哈哈…5.Somersby apple cider rita : 造型特別既啤酒，可惜我本身有酒精敏感，只可以點汽水 ，其

環境開揚味道唔錯星期日食晏拍拖嘅好地方重有terrace 可以吹下風夜晚飲野會重開心講返野食先 同女朋友兩丁友叫唔得多剩係食左香酥烤雞同蛋卷啲雞真係滑 一啲油都無 超脆味道方便就有啲啲辣 可能佢注重雞味 唔係點落鹽 我就覺得淡左啲食雞重有埋叉同夾仔 重有個筒比你放骨 好貼心 如果有把刀仔重好 因為我中意刀叉多啲蛋卷外屠超香蛋味 勁滑反而入面啲材料無咩味 如果係用泡菜或者酸羅白會開心啲簡單啲泥講 值得推介 一定會返泥試佢個辣雞同黑椒雞

由於朋友前日想試少女時代言過既烤雞，所以我就打電話訂位啦，可能指明戶外位，所以都仲有位比我訂到由於事前完全唔知係全韓國人，所以照講廣東話，而接電話既男仕，叫我等一等，就交左比都係韓國女仕聽啦…開頭我依然講廣東話啦，佢都可以聽得明我講咩當晚三個女仔去到目的地，出電梯已有人招待了，我就用英文講左訂左位，戶外既…佢就即帶我地出去戶外即時拍枱比我地坐啦佢會講明有需要，就按枱上黑色制，佢地會走黎架戶外環境唔錯，戶外位大約有5張4人枱，街景雖然係望對面大廈，不過個人比較唔愛涼冷氣，唔怕煙味既…可選擇坐戶外位由於得3個女仔，所以只叫2款食物分別係雞蛋卷同照燒雞雞蛋卷…原味唔點個汁都好好食…配埋個汁黎食仲更加好食，中間位都係平時紫菜卷的配料…只係面層轉左係雞蛋囉，所以都好食架😍照燒雞…間餐廳其實有好多款味，最終我們選左照燒雞 ，味道好香，好好味😋…而且佢有個盤仔比你放骨，唔怕食到成枱都係其實本來仲想試埋年糕，不過太飽啦，只可以講佢份量多😂但整體唔錯，所以我會光顧再試其他味道既雞的 

所謂人不可貌相，食物如事，這款黑胡椒烤雞千萬不要被其外貌嚇到黑胡椒烹調而成既辣味唔似一般韓式食物咁...辣到不停流口水反而...黑胡椒烤雞香中帶辣，即使不食的辣而又鍾意食辣野既人絕對可以嘗試黑胡椒口味(好似我呢類)爽口豬啼併雞肉，當中既醬汁一試難忘，有d似甜芥茉醬，好醒胃有別於一般雞蛋卷只有雞蛋，此款特制雞蛋卷更包有蔬菜，有如韓式紫菜包飯，但其則使用雞蛋包裹，軟綿綿既雞蛋包有香滑芝士以及爽口呢青瓜﹑蘿蔔又有午餐肉，蟹柳等。即叫即做，花滿心思，即使要等40分鐘都願意。可以稱為goobne招牌貨既BASASAK烤雞，食既時候真係會懷疑明明話係烤雞但咁似食緊炸雞既，但又唔油淋淋﹑唔膩，好香口好岩配啤酒強烈推介海螺筋面...爽口美咪屬於冷盤，韓式辣醬併海螺同筋面，超爽口開胃，面份量較少，兩個人食每人都係一啖到，但作為頭盤的話非常唔錯。