Steak Bar (已結業)

成日都好想試 #吉列牛，好出名既"秘" 成日都好多人又冇得book位，於是就揾左呢間，見食評唔錯就book黎試下😋#吉列炸牛扒 🐂❣️應該算係舖頭Signature ，所以咁多款套餐中揀左呢款黎試。套餐包左前菜/沙律/飯素飯。一黎到職員會講解下個爐要等2-3分鐘先熱👍🏻影完相就岩岩好夠熱喇～吉列牛只係輕輕炸過，入面 #牛扒 仲係生既，用熱石板燒到自己想要既熟度，肉質軟嫩，冇筯，冇乜肥膏，但牛味唔重。唔好睇個爐細細個，個火都幾夠熱架！朋友仔燒牛功夫非常好🤩牛扒附上燒汁，炸皮令牛更容易沾上燒汁，送飯一流。仲有數片蒜片送牛都好正，如果可以多啲蒜片就好喇！前菜酸蘿蔔好開胃，芝麻醬沙律可以減油膩感👍🏻HKD188#雞軟骨 🐥份量對得住個價錢，如果用黎送啤酒就一流喇🤣有少少椒鹽調味，唔會太鹹，唔會炸到乾晒，不過略油左啲啲HKD58#雞軟骨餃子 🥟❣️有5件餃子，外脆內軟加埋雞軟骨增加口感，點埋個餃子汁，唔錯唔錯HKD45而家餐廳做特價，叫某啲指定飲品送雞翼或薯條，仲平過就咁叫個小食，咁緊係叫返杯😆#蜜桃梳打 🍑甜度適中，梳打既氣好快走晒，所以冇左好gur既爽快感HKD35#百香果茶 🍹見唔到有百香果籽

之前都見過有報導，香港都有得食板上燒牛肉？！😱-我一直都好懷念去日本旅行時一間叫牛村既餐廳，佢係石板上燒吉列牛，雖然係連鎖店，但味道確係令我至今仍回味-所以今日咁岩去維園行完花展，就決定黎尋回日本既味道-小食當中，估唔到雞軟骨係咁大份😆😆乾身又好香脆，超值！$68-芝士餃子 $48 五件都鋪上滿滿芝士超級邪惡！🤡🤡主角來了！吉列炸牛套餐 $188一個餐有飯有豆腐有沙律菜-來個近鏡睇下吉列牛，內裡色澤粉澤-我吉歡將佢吉列果兩面先燒熱燒脆，最後輕輕一燒橫切面咁牛似就唔會太熟牛肉肉質好嫩口，外面燒到熱熱脆脆下次黎等我食埋喜吉列炸和牛先相信如果今次食既牛肉係90分，炸和牛一定係120分😆😆😆🥳🥰

Steak Bar一直是阿魚好想去的餐廳，除左因為阿魚好喜歡食牛之外，重點原因係呢間餐廳有吉烈牛食!!!!.上次去日本京都，都無食到吉烈牛...今次可以補返數了!!!.🐟💬：⭐⭐⭐頂級板腱牛扒(每日限量)（$215）.今次既介紹排名係有分先後的，頂級板腱牛扒絕對係要講先!!!!.原因係牛扒咬落去既口感一流，食到有D牛筋，而牛扒既肉質非常軟身，牛筋與牛扒融埋一齊.食落就會有軟綿綿既牛扒同彈牙既牛筋，一次過有兩種口感!!!.因為阿魚叫左5成，一路食一路會有肉汁滲透出來!!真係非常之正!!!!!!.所以呢個係非常極之推薦大家要食的!!!.⭐⭐吉列炸和牛扒（$278）.呢個餐真係有得玩，又有得食!!!!.因為餐廳會提供一個爐比食客，自己去燒的!!!.廚師會燒到一成熟比大家，然後由食客自己控制想煮到幾成熟!!!.大家真係唔可以一路燒，一路傾計，因為好容易就會過左火候......阿魚多數燒每面40秒至1分鐘.一食落口真係有外脆內軟的感覺!!!.食落亦有肉汁!!!不錯!!!.雖然阿魚比較喜歡吃生的，但都唔會推薦大家食得太生..因為試過每邊燒20秒，最後係咬唔開的......另外，個火如果無左，記住要

週日雀局突然被取消，所以就孖表妹去咗登龍街暢飲黃昏五至六之十蚊歡樂時光！飲完八輪後唔想俾兩倍繼續飲，兩口子就決定轉場過對面「Steak Bar」食吉列炸牛扒醫吓個肚。因為年頭曾經去過「Steak Bar」之前喺老蘭嗰間小店，故XO仔對其出品都好有信心，只係冇諗到銅鑼灣新店o既面積大咗咁多，散座亦更為闊落舒適，就連抽氣都做得好好，環境絕對升哂呢。可惜自己飲大咗兩杯，唔記得影相同讀者們分享。。。除咗有個大啲o既新舖位之外，餐店仲加設咗訂座服務及自助點菜紙。三頁餐牌所示，食物款式同原店差唔多，有六款牛扒套餐、六款套餐優惠小食、及七款散叫小食，食物價格未有上調，酒品反而平咗。吉列炸牛扒（$188）：二人各自都要咗客包有前菜、沙律、同白飯o既「吉列炸牛扒」套餐。前菜為白滑幼嫩，清香惹味o既凍麻醬豆腐。沙律好清爽，不過唔知係咪之前飲得太多汽酒，食落個沙律汁好似酸咗少少。大大碗白飯熱辣辣、香噴噴，飯粒飽滿之餘，面層更舖滿細佬最愛o既「振り掛け」紫菜芝麻碎，滋味無窮！吉列炸牛扒連同燒爐上，食客邊燒邊食，確保入口時新鮮熱辣。新店喺燒爐轉咗用牛油，燒出黎o既吉列炸牛扒明顯香口得多，連味道都提升埋，個人覺得