野見拉麵

營業中

休息中

🇭🇰野見拉麵·呢間拉麵超多人 我哋禮拜六下晝去 排咗差唔多半個鐘先有得食🫢🤣🤣·雞鹽味拉麵$108 l 雞白湯拉麵$98佢入到去係真係成間舖頭都係好雞湯味😈兩款拉麵我自己就鍾意鹽味嗰個多啲 呢個雞味好出 雞油好香😎另外雞白湯嗰個我自己就覺得比較厚身少少 食耐會有啲漿口🤣🤣不過我自己就覺得佢個湯底係稍為油少少嘅 雖然都好味 之後佢個雞肉慢煮整到超嫩 我自己好鍾意😻📍太子柏樹街6號地舖·#rby日本菜 #rby拉麵

#MC帶你去太子.香港都開咗唔少拉麵店，雞白湯更係近年熱門推薦口味！今日就試一試位於太子嘅小店。➖✨ 野見拉麵.餐廳行簡約和風格調，昏暗燈光效果配以木系餐桌，典型日系氛圍。雖然拉麵店座位數不多，但有吧檯及二人小方枱。➖🍽 標準配料.每碗拉麵內配有：3件慢煮雞胸肉、1片叉燒黑豚片、1隻味玉、香蔥；可額外追加配料或刪去不需要嘅配料。➖🥢 雞白湯拉麵｜$98.湯底呈黃牛油色澤，質地比較濃稠厚身，但又唔會太鹹。叉燒肉片比較薄身，口感軟腍唔韌；而雞白湯拉麵另外仲有蘆筍及粟米筍。建議重口味朋友一定要試試！➖🥢 雞鹽味拉麵｜$108.湯底比較清澈透明，味道較清甜。慢煮雞胸肉較厚身，肉質幾嫩滑；幼麵麵條口感軟滑彈牙。整體口感溫順清爽。➖🥢 追加—味玉｜$15.味付雞蛋蛋黃呈溏心狀，啫喱口感非常濕潤，食落有香濃嘅蛋香味，而且雞蛋有醬漬過，所以入味鹹鮮。➖🥢 追加—香蔥｜$10.絕對唔建議追加！除咗價錢上比較昂貴，香蔥味道亦算偏淡。➖⚠️ 服務費.全店沒有加一服務費。➖⚠️ 營業時間.每日16:00-18:00會落場休息；逢星期一全日休息。➖➖➖➖➖➖➖➖➖➖➖➖➖➖#Ming_Course #油尖旺區美食

野見拉麵有三款拉麵選擇：1）雞白湯拉麵$982）雞鹽味拉麵$1083）雞醬油拉麵$108期間限定有蝦湯拉麵$108可選全店沒有加一每碗拉麵都配有：3片雞胸肉🐓、1片叉燒🐖 、1隻味玉 🥚、香蔥，落單時，可以額外加配想食的配料，或者劃走不想食的配料。我們叫了一碗雞白湯拉麵和一碗雞鹽味拉麵🍜～雞白湯拉麵🍜，湯底較濃郁，質地黏口厚身，但不會太鹹太膩，一啖拉麵一啖咁食，會好飽肚～喜歡重口味的朋友，可以選擇雞白湯～雞鹽味拉麵，湯底較清甜清新～雞胸肉🐓嫩口，不會柴露筍和粟米芯好新鮮爽口叉燒薄身，長長一片味玉🥚好出色，糖心蛋好嫩滑，帶甜甜的香味，好好食～😋店裡不太大，有bar 枱同普通二人枱可以坐星期四6:20左右去到，不需要等位，到食完大約6:50，見到門口已經有4-5人在排隊等位兩款拉麵也各有特色，個人比較喜歡雞鹽味拉麵🍜～清清地滲慢慢出雞味，好清新，會不自覺地飲咗好多啖湯～

俾拉麵關注組吸引而到訪呢間拉麵店🤣一向喜歡雞白湯拉麵既我對我黎講好吸引🩷好在勝在人唔係好多坐Bar檯都唔會好迫😛 湯底果然不錯有水準👍🏻比起雞叉燒本身出色 但係呢間價錢來說CP值算係不錯💰⭐️ 雞白湯拉麵 🤍一飲落去雞味都好濃郁🫶🏻脂肪咁唔算多唔會太厚身 飲耐左稍嫌Creamy既口味比起雞味濃郁😅 雞叉燒本身口感偏淋🐔 肉味更濃會更好⭐️ 雞鹽味拉麵 🧂比起雞白湯個人覺得鹽味更有驚喜🥹 湯底比較清澈感覺似無咁鹹既中式雞湯🍲更能凸顯雞肉既味道🤪 順帶一提味玉都好出色 溏心既蛋黃充滿鹹鮮🍳

睇相都睇得到，雞白湯係比較杰身，遮晒啲麵，雞鹽湯係清啲。男朋友覺得兩碗麵都偏咸，雞香味又唔夠突出。我就唔覺得好咸嘅，可能因為我唔會飲好多湯。每碗麵都有一塊叉燒，三塊雞胸肉，一隻蛋。雞白湯拉麵另外仲有蘆筍同粟米筍。叉燒薄身，淡味。雞胸肉唔鞋，但都係淡味。蛋唔夠流心。麵一開始食係偏硬，食到後尾浸耐咗就淋返，麵嘅香味比較重。職員好好，我哋坐低咗之後見bar 枱有人走，想調過去坐佢哋即刻幫手。坐bar 枱可以見到師傅煮麵過程。