新斗記 (已結業)

今日同男朋友加佢父母食點心飲茶慶祝中秋節， 排長龍的中式點心茶樓，相信都應該唔錯！我同男朋友先取票等位，行了一陣回去剛好等多2-3張枱。入到去要自己找坐位，如果侍應可以幫忙就更好了；一張4人位，可惜比較冷一點的冷氣位置。中秋節無優惠，但有1主食加4點心的套餐。可惜點心不是太適合，所以最後我們散叫。是公雞的碗碟及茶壺，都幾乾淨感覺不錯。點了鐵館音及熱水，正常的茶。（燒賣、北菇棉花雞）燒賣一籠4粒，肥肥飽滿的，賣相側了一邊，上面有大大隻爽脆大蝦，中間都有蝦及豬肉，燒賣皮好軟滑！北菇細細粒香菇味、魚肚好入味多汁好軟滑、雞柳無骨都滑溜！（蝦餃、鮮蝦菜苗餃）蝦餃中央是爽口大蝦及筍片，外皮香軟煙韌，透明的外皮剛剛好，男友讚；鮮蝦菜苗餃3隻，菜苗好香軟又健康，配爽口蝦的口感（叉燒腸粉）腸粉是香滑，叉燒也軟腍，自行加豉油，但凍凍的（雪山叉燒包）雪山叉燒包好好味，外脆是以墨西哥包皮，中間是甜甜的叉燒配上醬汁！很喜歡喔！（福建炒飯）炒飯香口有金黃蛋，醬汁入味，又足料，好正又豐富

星期日Family day，決定去飲茶🍵消磨下時間。細佬提早左成個鐘去等位，人都幾多下，黎過幾次平均都要等1個鐘左右，最後12點半成功入座😊剔完點心紙，一舉手好快有人黎，之後幾次要加水都好快，服務幾好👍🏼上菜都幾快，但食物就無咩特別，點左個芝士長春卷，炸得幾脆，但無咩芝士味，上菜個杯有點hea，下次可以唔洗點。揚州炒飯幾足料，蛋炒飯底，幾好食👍🏼雪山叉燒包個皮好酥脆，未試過可以試試～蝦腸同燒賣都幾好食👍🏼👍🏼好大隻蝦，都幾彈牙，不錯。蘿蔔糕一般般，無咩特別。流沙包幾香，但完全唔流😂改名叫奶黃包會貼切d...附上其他參考資料📃新斗記d水準都ok、應該會再來的😊

星期日放假冇嘢做就晨早流流起身同屋企人去咗飲茶！揀咗間價位中上嘅新斗記！講真！這裡的性價比係好高！這裡既南北美點選擇繁多我揀左最鍾意嘅佛山薰蹄薰蹄冰凍入味厚度適中脂肪與肉嘅比例完美！不會太肥膩配上白醋，完美帶出薰蹄鮮味另外，試食了雪山叉燒包睇完餐牌覺得個名好特別所以就專登叫黎試吓一放上枱，傳說中既雪山叉燒包貌似鮮奶球外脆內軟！麵包嘅鮮甜配上叉燒嘅味道簡直係一流！這個薑米叉燒粒炒飯表面平平無奇但係米飯粒粒金黃 叉燒半肥瘦好好味！另外點左番茄牛肉腸粉聽個名有少少特別甘叫之前仲以為有咩甘特別，食落味道同平時食開既牛肉腸粉差唔多由於屋企人想食馬拉糕！所以就專登點了一籠馬拉糕！比想像中出色，值得推介非常鬆軟味道甜美