究極堂 (永光中心)

營業中

休息中

銅鑼灣收工想食日本野，見到呢間餐廳嘅推介魚生丼望落幾正，位置就腳，就決定試吓。同朋友上到嚟6點幾，唔洗等位👍🏻餐廳嘅裝修風格偏暗，再加上暖色嘅燈光，幾有格調，適合同朋友聚餐吹水。究極丼🍱就係俾佢吸引到先嚟呢間餐廳，一定要嗌啦～好足料啊～啲刺身鋪滿晒喺飯上面，有赤海蝦、帆立貝、三文魚子、吞拿魚蓉⋯⋯全部刺身都好新鮮，仲要係足料厚切，特別欣賞赤海蝦，好巨型、鮮甜，肉質彈牙，仲有兩隻！個醋飯底仲撈咗少少飯素，就咁已經好好食，加埋個醬油漬蛋黃，正呀～明太子芝士玉子燒🧈唔似平時捲得好實淨嘅玉子燒，內餡反而似蛋包飯上面嘅滑蛋咁，芝士味都好出海膽右口魚邊蝦卷🍤鋪係上面嘅右口魚好腍、油脂味豐富，中間嘅炸蝦好脆，如果上面啲海膽再多啲就好啦雪糕班戟🍨好靚嘅打卡甜品～牛奶雪糕下面係紅豆加煉奶，仲有一層麻糬好煙韌，下面啲pancake每一層嘅醬都唔同，有朱古力醬、花生醬、焦糖，層次好豐富。不過略嫌pancake偏硬～啤酒薯條配蜜糖芥辣醬🍟薯條好脆，唔會好油，個醬同麥當勞嘅蜜糖芥辣醬一樣，好味～

個friend公司附近幫襯過炮台山店話好正，我地喺度行街搵食，見Google 顯示原來附近都有分店，上左黎食，價位非常親民，仲好好食，可以話係用心煮料新鮮。一入門口見到有個幾grand嘅area，如果大班朋友gatherings，可以book VIP房。超正！我friend話一定要食魚生飯同甜品特飲：究極丼 - 必點！魚生舖滿，兩大隻牡丹蝦、海膽、三文魚子、厚切油甘魚、三文魚同帶子、吞拿魚蓉，仲有茶漬蛋撈飯同紫菜天婦羅，超正，豐盛又鮮味～韓式辣醬生赤蝦丼 - 又一舖滿，赤蝦好大隻好鮮好厚肉，估唔到同韓式醬咁夾，有少少大醬湯味又有少少辣醬味，仲有泡菜拌飯。雪糕班戟 - 平平無奇嘅名意想不到咁吸引，中間夾住紅豆同花生醬，有金薄喺雪糕面賣相吸引，食落好香pancake 味，味道層次好豐富好滿足。吉列廣島蠔幾十蚊有3隻厚肉，脆皮鮮味。我地飲左抹茶牛奶，一個配紅豆，一個配朱古力（有塊Oreo浸軟好好食），抹茶味香濃，高水準。女店員勤力有禮貌，好有heart，會再幫襯～

之前去炮台山經過見到，一直心思思想食，點知佢最近開咗分店喺銅鑼灣，方便好多，即刻約frd去食！餐廳環境行簡潔風，西式X日式裝修，啲位都好闊落感覺好舒服～見到有間房仔，原來係VIP房，另外炮台山分店都有～店員話可以打電話嚟預先book定，比一大班frd聚會就啱晒。店員好nice好熱情，見到我哋望住menu選擇困難、一面迷惘嘅時候，主動過嚟介紹😹原來除咗menu上邊嘅，仲有兩塊黑板仔係是日精選～🌟海膽右口魚邊蝦卷 $78當蝦肉遇上左口魚，再加上新鮮的海膽，賣相絕對一百分！右口魚燒完油香味更重，配上脆卜卜炸蝦及鮮甜海膽，口感豐富滑嫩，完全明點解係餐廳嘅signature 嘢食喇🥹🥹🌟海苔墨魚他他 /紫蘇梅醬軟骨雞肉 $28🍢 日本就一定要食炸串！香港真係好少見，呢度有就試試佢！店員推介海苔墨魚他他/紫蘇梅醬軟骨雞肉炸串，鮮嫩的雞肉和香脆的軟骨完美結合，仲有墨魚都超新鮮～炸得香脆唔油膩，超啱送酒🥃🌟明太子芝士玉子燒 $78必嗌必嗌！燒得啱啱好嘅玉子燒外層鬆軟，內裡濕潤滑嫩，搭配濃郁的明太子及香濃的芝士🧀超邪惡😈😈🌟粟米天婦羅 $68粟米天婦羅係一款簡單但好味嘅送酒小食～金黃酥脆嘅天婦羅炸衣包裹