一君士多 (已結業)

朋友帶我黎呢間由鄧一君開既一君士多食車仔面，我地兩個都各自order左碗霸王面，係鎮店之寶，其中一個必食推介～霸王面賣點就係啲餸，有兩隻原隻鮑魚，有鮮味既廣島蠔，膠原十足既花膠同厚肉入味既花菇同帶子！面底有多款選擇，我地分別揀左幼面同油面，有一碗仲叫左沙爹汁，都幾夾幾正！除左主食，另有好多小食～一君炸蛋就係炸鵪春蛋，幾得意，味道又幾唔錯～叫左碟油菜黎食～炸蝦餅，咬落啲蝦膠唔會硬實，幾彈～好正呀，飲品有得揀雪糕紅豆冰，飲品加甜品，一次滿足兩個願望！呢杯黑牛都係飲品加甜品，可樂加朱古力雪糕，good!!!

🍜霸王麵($98)有鮑魚、花膠、廣島蠔、蝦&花茹🍄 鮑魚彈牙 花膠同花茹都炆得入味👍🏻廣島蠔超肥美鮮甜🤤大蝦熟度剛好 鮮甜彈牙🦐豬骨湯底味道清淡 加少少辣油比較香⠀🦞海龍皇湯泡飯 ($108)有半邊龍蝦、廣島蠔、魷魚🦑、蝦&青口大部份海鮮都鮮甜 但主角龍蝦肉質太乾 有點失望🤨奶白色湯底加左忌廉、奶同魚去煲 味道不錯⠀🐥蘑菇芝士雞翼 ($32)雞翼皮脆肉嫩 中間釀上蘑菇芝士🍄🧀芝士味濃厚 入口非常香滑😋⠀🍤炸蝦餅($28)口感扎實 稍為硬咗少少⠀▫車仔淨餸豬大腸、豬紅、牛腩&牛筋都滷得入味; 牛柏葉爽口; 整體水準不錯! 唯獨蘿蔔不夠甜~ ⠀🍨雪糕紅豆冰(+$20)有驚喜! 香濃椰漿奶味 但又唔會太甜! 紅豆煮到剛好♥️ 加上清甜荔枝味雪糕 比起平時普通茶餐廳既高質好多👍🏻⠀🍍菠蘿冰(+$15)又係用心之作 入面真係有菠蘿果肉 酸酸甜甜岩哂夏天飲☀