大本瀛日式放題

營業中

休息中

出旺角食放題，兆萬最多選擇，呢間餐廳service 係我食過數一數二咁好。晚市2小時任飲任食$298，有13張點餐紙，上菜速度好快， 唔會漏單。前菜：裙邊、皮蛋、豆腐上先，麻辣皮蛋好味。壽司一次過上：火炙左口魚邊、鰻魚、花之戀。太肚餓點左好多款， 員工仲提我手卷要趁快食， 唔係紫菜會變軟。軟殻蟹手卷真係好好味👍🏻飯唔會太多， 軟殻蟹又脆又多用， 配牛油果同蟹籽，紫菜可以咬得開。重點戲非刺身莫屬， 超大盤配乾冰，傳統香港放題風格～ 刺身都好新鮮：三文魚、油甘魚、赤蝦、甜蝦、帶子、希靈魚、北寄貝、馬刀貝。南亞風味： 辣酒煮花螺好惹味，份量只有四粒剛剛好。冬陰功湯加左好多椰奶、炒蜆串燒： 比目魚有骨要小心、菠蘿燒得剛剛好、牛舌&腩肉 好夠味炸物：土匪雞翼、雞軟骨、天婦羅（蝦&茄子）一品料理：壽喜燒好大鍋， 有牛肉，粉絲，娃娃菜，冬菇，鳴門卷，一定要share先食得曬。火鍋已經食唔落， 食材有菜同海鮮，幾健康。隔離慶祝生日， 員工都一齊送蛋糕為壽星慶生， 現場會插播生日歌， 仲有衝天蠟燭好特別。甜品有兩個櫃，另外仲有張甜品紙，冰糖雪耳同奶凍都好好味。 飲品好多選擇，仲有幾款熱飲可以order,

係人都知兆萬係放題集中地，同時係人都知嗰度嘅放題質素參差。稍為行近大廈，都有一堆宣傳單張圍住你，睇哂有乜食再慢慢揀。週四試左10樓呢間大本瀛，收費按時間入座計算，6pm-6:45pm入座就$188/位，加一，食兩個鐘。最平嘅去到11pm宵夜只係$158。我見宣傳單張都算幾多野食，不過由於冇訂座，我地呢枱就冇海膽送，想食嘅不妨預先訂座。餐廳空間感足，以卡座為主，坐得舒服，同隔離枱中間隔住塊木簾，唔洗大家眼望望不過燈光稍暗偏黃調，呢點我唔太喜歡，一來唔係好睇到啲食物新唔新鮮，二來影相唔靚。幸好全晚播住嘅都係supper moment嘅歌，我地都忍唔住一路食跟住哼唱。入座計兩小時，唔好講咁多，即刻點野食。一般放題有嘅食物，呢度都有供應，上菜速度算快，我地點左兩輪，就冇出現冇情況。刺身刺身居然有15款，例如三文魚、劍魚腩、珍寶赤蝦、泰式生蝦、馬刀貝、角螺、手切原隻八爪魚等，都幾多選擇。通常都係唔理三七廿一，乜都點少少試下，例牌冰底上，刺身都係建議盡快食啦，以免影響新鮮度，而且冰都溶得幾快。三文魚就唔算切得好大塊，不過都算肥美，食落幾新鮮。比起甜蝦，我就比較鐘意呢款珍寶赤蝦，大隻啲，鮮味啲。其他

每次想約朋友吹水食飯，次次都唔知食乜好嘅時候，諗來諗去，"放題"必定是首選 ！ 又想多選擇， 找得方便， 上Openrice 睇睇先。 好多食家都介紹《大本瀛日式放題》， 食評十分正面。而在旺角食lunch， 仲可以食到飽飽去shopping。 食店位置十分方便，而且午市同晚市時段的食物是相同的， 真係可以放縱一天！預早book位仲可以有野送，三選一，我選了海膽刺身，兩個人送左一板！唔好錯過優惠！🎁🎁  刺身拼盤是食放題的第一回合， 又是指定動作， 刺身選擇有三文魚、八爪魚、海螺片、珍寶帶子， 北寄貝、有頭甜蝦、劍魚腩等...... 各種刺身賣相幾吸引， 新鮮有光澤 ！我個人比較喜歡三文魚、帶子和有頭甜蝦。 三文魚刺身， 特別肥美，油花分布平均;  帶子光亮潤澤，仲配上粒粒蟹籽，雙重滋味; 有頭甜蝦，大大隻，鮮甜肥美， 口感見彈性， 值得推薦壽司、卷物和手卷是食放題的第二回合，款式多達三十幾款! 單張上提供形形色色嘅壽司， 種類非常吸引。雖然種類繁多， 但我力有限，只隨意叫了幾款如花之戀、三文魚龍蝦沙律、和將燒和牛壽司， 一嘗壽司風味。 細細件花之戀， 外表吸引， 三文魚肥美可口，

今天同朋友經過兆萬中心，接過宣傳單張見有我們喜歡的刺身放題，相片吸引價錢相宜，便即殺上去食lunch啦～ 店內環境雅致，座位舒適，乾淨企理，自然光微微透入，十分寫意，不似其他旺角放題店般熱鬧喧嚷，真的意相不到！大大盤刺身賣相吸引，厚切挪威三文魚肉質肥美；珍寶赤蝦及甜蝦蝦味濃郁而鮮甜；當中我們最喜歡的是珍寶帶子，口感細嫩鮮美，入口即化，而且任點任食，我們encore又 encore，值回票價！黑松露珍寶帶子壽司，帶子鮮嫩，配上獨特矜貴的黑松露，令人回味～自家製手打炸蝦餅及炸蠔，面層炸得黃金香脆，炸粉不厚身，內層蝦肉香口彈牙，蘸上泰式甜酸醬，更滋味醒胃； 鳳尾蝦春卷，網皮春卷外層香脆，內餡的蝦彈牙，同樣滋味十足～既吃到日式冷盤，又有泰式小食暖胃，配搭不錯～木糠布甸，甜度適中～雪糕，口味選擇頗多，其中有少見的紅豆味雪糕，還有芒果及芝麻味雪米滋揀～ 另飲品櫃雖小，但五臟俱全，有我喜歡的樂天牛奶忌廉梳打，也有朋友喜歡的蘆薈汁～正餐甜品款式選擇多，質優味美，店員勤快沒漏單，加上環境舒適，感覺猶如置身港島/尖咀區的高質用餐體驗，令我們喜出望外！