熊本燒肉

營業中

休息中

食親燒肉都中意叫到成枱食物，瘋狂掃晒食物落肚，叫嘅食物有海鮮、刺身、各款小食、肉類、甜品，平板機落單方便又夠快比較食肉獸，中意主攻肉類，例如：和牛拼盤、安格斯牛肉眼、薄切牛小扒、厚切牛舌、牛側腹橫肌、鹿兒島五花肉、特選豚肩、大聰雞肉串...等今次等我介紹點樣為之靚嘅牛，首先雪花❄️分怖均衡，冇出現變黃變灰，牛肉片上冇結上冰薄，而且牛肉片可以容易地屈曲，咁就好易睇出一間公司細唔細心地處理食材☝🏻🤤就如圖所示，肉質唔錯每間放題都有優勝之處，我覺得呢到嘅肉系佢哋最優勝之處，問過員工好似成塊鹼咁系爐上有咩用途，原來系「喜馬拉雅玫瑰岩」，只需要將熟嘅肉放上去兩下左右，咸味🧂就會落左肉質上，平時灑鹽都容易令咸味不均，呢個方法正正解決左呢樣問題，值得加分枱面亦其實一早預備好3款醬料俾客人選用，一款帶芝麻嘅醬偏甜味重d，覺得配刺身會更合適，中間應該系韓式辣醬，而最後一款應該系燒肉店鋪最常遇到嘅汁醬海鮮拼盤有鮑魚、扇貝、青口、大蝦等，都非常新鮮，特別欣賞青口同大蝦，青口肉汁鮮嫩大蝦配鹽烤過後嘅味道香口入味，停唔到口最尾仲有埋Haagen Dazs雪糕送贈，有朱古力🍫、士多啤梨🍓同朱古力曲奇🍪等口味，咁啱遇

即興想食燒肉放題，咁岩今日出開銅鑼灣，所以就揀左熊本燒肉放題，佢地既燒肉多以牛肉為主，每位加$38仲可以升級食N5和牛，咁就緊係升級食好d，120分鐘放題，任飲任食正呀飲品櫃內的飲品有蘆薈汁，芒果汁，桃汁，忌廉鮮奶etc..呢到既環境都算大同寬敞，客人係用ipad落單，既方便又環保餐廳卡位都好闊落食物款式種類多，有牛肉，豚肉，刺身，海鮮，沙律etc..赤貝同中華沙律都好爽口，甜蝦都好鮮甜，章魚丸同玉子味道正常~燒生蠔，好香燒蠔味，正呀～生蠔本身會出水，燒完之後又唔會太乾，好味加38升級N5和牛，和牛真係和牛，連d雪花紋都靚過人一睇都已經覺得係高質牛嗱嗱臨燒來食，wow..好香燒肉味，食落口仲好juice呀薄切和牛非常好，容易燒，好快就燒好燒大蝦大蝦好快就燒到變成橙紅色，蝦肉肉質都幾彈牙，口感十足，好吃玉米味道就一般同埋比較難燒清酒煮蜆食到少少清酒既香味，又唔會苦d蜆肉好鮮甜，好好味e...有我至愛既槄庭烏冬呀，佢有魚湯同豬軟骨湯底🤤魚湯一d都唔腥2款都叫左來食，2款都好好味烏冬仲非常彈牙，食到最後，仲有Haagen Dazs雪糕食總結，食物好吃，特別係N5和牛熊本冇令我失望服務員態度正

今次食哩餐估唔到咁好食！仲要好抵食，食完都飽左成日嘅放題哩度落單好環保，唔洗下下要狂畫紙，electronic menu 唔會漏單亦好方便一黎到，只要有like 佢地facebook, share 翻條片就會送個豆乳龍蝦鍋，真係好抵龍蝦有3隻，仲有蜆，湯底又勁鮮味，又有蔬菜，正呀！燒肉剪當然要嗌啲小食，哩度啲剌身款式多之餘仲要好新鮮！真心好鮮甜，有呑拿魚，三文魚，油甘魚，八爪魚，帶子，你平時會食，想食嘅都會有齊晒哩度無論係雞，豬，牛，都同樣出色！全部嘅質素都好高之餘，有唔同餣製方法，真係夠晒特別！串燒，雞翼，薄切牛，五花腩甚至生蠔都好鮮味，好好食除左燒肉外，佢哩度嘅煮食都樣樣掂，製作夠晒認真！稻庭烏冬好煙韌，夠晒滑！章魚燒燒得好脆，粉少餡多。就算炸餃子，炒雜菜都一樣好高質，樣樣各自有特式放題唔少得飲品，哩度有好多款揀，而且唔係出面常見嘅味道，好呀食完後仲會送 Häagen-Dazs雪糕，有4種味揀咖，勁滿足！

中秋節台灣習俗要燒野食, 但typhoon 過後無謂出去公園燒, 所以今次同台灣友人去食日式燒肉。餐廳叫熊本, 係銅鑼灣, 夠晒方便, 而且一入去都唔覺有燒野食味, 抽風抽得幾好。去日式燒肉餐廳最喜歡就係有埋刺身食, 油甘魚、三文魚、拖羅甜蝦帶子, 北寄貝咩都有, 都算新鮮, 唯一美中不足的是拖羅品質可以再好一點。至於肉, 當然要點, 各款牛部位: 舌、肌、牛腸、牛小排、牛五花腩咩都有, 又有牛柳、一口牛等等, 無咩雪味~~雞肉另外仲有海鮮,蠔係幾唔錯, 新鮮, 燒得剛好時入口即溶多春魚多春之餘, 有錫紙墊底去燒就唔會chi 底煮蜆蜆肉肥, 鮮味足海蝦肉質彈牙, 夠大隻仲有就係like返餐廳面書就會有海鮮鍋,大蝦、青口、龍蝦、貝同埋各種菇類菜類的海鮮湯，唯一美中不足的是咸左DD, 但都算鮮味十足。其他小食都幾唔錯 potato salad, 年糕吃肉吃得膩仲可以叫pineapple 黎燒tim~最後點可以唔叫燒棉花糖, gam 先有出去郊野公園燒野食的味道~配埋哈根打士雪糕為這一餐畫上完美的句號~~

今晚見早放，所以就同家姐去食大餐。之前啲朋友介紹左係銅鑼灣嘅熊本燒肉，今日終於有機會去試！ 我同家姐大概六點幾就到左果到，應該因爲太早，所以我地唔洗點等就有位，仲要係卡位。我覺得喱到嘅環境都幾舒適。我地加左錢食仼食和牛，因為都係加$28，好抵啊！我地坐低左就即刻叫野食，一黎就叫左個刺身拼盤，我見都有幾多款海鮮揀，不過我地淨係鍾意食帶子，帆立貝，三文魚同左口魚，所以我地淨係叫左喱幾樣。我覺得左口魚同帆立貝幾好味幾新鮮。之後我地就叫左啲嘢燒。首先黎個海鮮盤，有唔同種類嘅海鮮，包括生蠔，帶子，大蝦同鮑魚。我同家姐都勁鍾意食個生蠔，因為好肥美同鮮甜。我地我地之後仲叫左和牛同豬腩肉， 試試個和牛都覺得幾好味，有牛味， 我地都好鍾意。 個豬都相當不錯， 不過就有少肥，但我個人都幾鍾意，因為夠哂Juicy 同唔硬。我地仲叫左其他肉類，有魷魚，雞肉，雞翼，三文魚，牛舌，牛小排等等。我覺得個辣味魷魚都幾正，調味調得好好，又唔會硬。而牛肉我就最鍾意牛小排(除左和牛外)，因為牛小排肉質好嫰，又有肉汁，我地食完又再食。直得一提嘅係燒菠蘿，好甜好多汁，我地瘋狂咁叫，因為真係好好味，我地每人應該有食左6塊。燒雞脾

YO! 冬天又係食燒肉的季節！今次朋友帶到我去位於銅鑼灣的一間樓上日式燒肉放題。餐廳以電爐煮食。餐廳提供多款不同的肉類，除了有一般的部位外，更有牛胃及牛腸。兩雙食肉獸叫左大量的肉。不停燒呀燒其中我最鍾意的係鹽燒厚砌牛舌，厚身夠口感外，仲要無膻味。朋友仔就鍾意食呢個薄砌牛小排，好快熟，牛味又夠。另外呢個厚砌五花肉也不錯！燒完油脂加肉香就係口腔內盤旋。另外，餐廳仲有魚生供應，除左常見的三文魚、甜蝦、帶子外，更有呑拿魚同左口魚！刺身厚砌又新鮮，食完常然即刻Encore啦！食肉獸都會叫少量蔬菜平衡下。今次見左粟米、雞脾茹、及迷你蕃薯仔。另外，我們都叫左新鮮菠蘿黎燒，大記住燒到中途要落鹽，令到菠蘿更甜哦。燒到好口喝，拎D飲品先，主要係茶同汽水。大家都可以加錢飲啤酒。食完燒肉當然要食D凍野Cool down返。餐廳提供的雪糕為Haagen-Dazs，有幾款味道比大家揀。另外一提，餐廳仲有綿花糖可以燒，女仔應該都幾like。