牛站(駅)麻辣火鍋放題

營業中

休息中

同朋友食完呢餐發現咗可能係全香港最平，仲要有大頭蝦，乳鴿同埋häagen-dazs任食嘅火鍋放題想講下個湯底，揀咗「牛駅秘製麻辣鍋，小辣」，真係好麻同好辣。另一個就揀咗「蟹皇海鮮鍋」，好似出面都好少見，所以就揀咗呢個湯底。坐低即刻叫咗乳鴿食，係香脆嘅。而大頭蝦真係好多蝦膏，好甘香。除咗呢兩樣，我覺得餐廳都好多特別既野食同飲品，而且牌子同口味選擇都好多，例如公仔麵都唔止兩隻牌子，估唔到連撈麵都有得食，酒類牌子都算多同埋特別，仲有甜品雪糕，雪糕有häagen-dazs，而且唔係得1-2款口味可以揀，真係好抵食！#麻辣火鍋 #火鍋 #任食 #牛站 #大頭蝦 #乳鴿 #觀塘

打邊爐，第一時間會諗起 CP 值高嘅牛站。餐廳座位超寬敞坐得舒適。依舊揀咗 SRF 美國極黑和牛套餐$298/位 (120分鐘任食)牛站耐不耐就會推出新湯底，今期新推出花膠雞鍋底，好正。。有新湯底，當然要試下～ 湯底有花膠、鮮雞、紅棗、龍眼、杞子、粟米、紅蘿蔔等，夠晒養生。花膠份量幾多，鮮雞好滑，湯底味道鮮甜。醬料區有成十多款配料，任君選擇。美國極黑和牛入口肉質好嫰腍，濃厚肉香，肉汁豐富，因為SRF和牛比一般和牛多四倍榖飼時間，所以肉質同肉汁多遠超其他和牛。美國牛肩胛片對比SRF和牛，則完全相反，肉質較為結實有彈性，咬落有口感。熱食方面，好多炸物：油炸鬼、午餐肉、炸魚皮。仲有麻辣小龍蝦、台南滷肉飯。燒乳鴿皇充滿油香，咬落皮脆肉嫩。大量火鍋配料選擇。蔬菜方面，不得不讚呢度連羽衣甘藍、豆苗、冰菜、水蓮都有得食，呢啲貴價菜，出面放題好少會見到有。海鮮方面，都有好多選擇。我哋點咗沙白、青口、海蝦、帶子。海蝦彈牙，沙白今次就一般，食到有啲沙。飲品方面，除咗一般汽水、冷泡茶、仲有自家制珍珠奶茶。自家制珍珠奶茶唔太甜，唔錯。呢度仲有梅酒、清酒、白酒、燒酒都係任飲。甜品方面：有豆腐花、乳酪、芋圓、多款

想打邊爐食得盡興一定係揀食放題😆今次揀左SRF美國極黑和牛片套餐，星期六每位$298另收加一，食足120分鐘😉裝修整潔新淨，而且好大間鋪，但同樣地都FULL晒咁濟，證明都幾有人氣👍🏻肉類、海鮮同精選食品掃QR CODE落單之外，其餘就出面自助區拎而家仲要連觀塘分店嘅指定套餐就有乳鴿任食，正呀🤩自助區有勁多配料可以拎😍沙律冷盤生果冷熱飲品包括茶類、果汁、汽水、啤酒、連珍珠奶茶都有😄當然唔少得甜品雪糕區😎清甜椰子雞鍋：上鍋滾左之後當然先淺嚐一下湯底，味道幾清甜，椰子肉都幾爽口😄食物陸續送上😍SRF美國極黑和牛片、手切封門柳、美國安格斯牛板腱：呢幾款肉類係第二價位套餐先有，當然主打叫多D😆ENCORE好幾次依然保持水準，肥瘦比例好好，牛味夠濃😋美國牛肩胛片、巴西牛脷托：呢D係最平價位就有，味道都唔錯，但當然唔及SRF美國極黑和牛片咁出色西班牙豬五花片：幾肥所以好香油花味，但要節制一下唔好叫太多😆日本帆立貝、鮮甜海蝦、沙鯭魚、鮮甜沙白、水魷魚、菊花章魚、象拔蚌片：佢呢到會用冰墊底就冇咁易變壞👍🏻海鮮類別選擇都唔少，而且夠鮮甜，海蝦、象拔蚌片同水魷魚幾彈牙😋實在太多野食，個人比較推薦美顏花膠、台