Call Me Chef

營業中

休息中

3大2小係觀塘其實好難搵到舒服既地方而好食既食店，所以早一日打去餐廳問有冇BB櫈係好重要～～問左有，同埋唔駛特別book既，咁就去試吓～～～門口除左有可愛啤啤熊logo之外，仲有連豬架😍咁我地3大2小就點左4個餐，個餐包埋湯、沙律、主菜、飲品同雪糕😋😋好豐富呀～～餐湯：似係南瓜湯，滿滿蔬菜既甜味～沙律：撈好左既沙律黎，有新鮮蔬果係入邊～～主菜：特級手工XO醬拌炒手撕雞意大利粉我自己點左呢個，算做港式吧😂XO醬個味好香，帶少少辣味，炒埋意粉都好夾～～另外仲點左：主菜：香煎雞腿肉配香甜蕃茄繪飯主菜：芝士烤釀蟹蓋配韓國蟹膏醬拌意大利飯主菜：36個月黑毛豬火腿配經典白菌忌廉芝士意大利飯（我地轉左意粉）為左方便小朋友食，就轉左做意粉，但就轉左做卡邦尼汁咁，有煙肉同冇乜蘑菇～～好彩2位小朋友都食哂清碟😂😂飲品：凍柚子茶、凍檸檬茶、凍水果茶、奶蓋奶茶最後仲有雪糕，個日係芒果同紅豆～～2款都好好味😋😋

今日去觀塘工廠區逛逛，發現了這間藍帶廚師的餐廳 入店前當然上OR睇睇食評啦！原來這店的蛋糕是推介，但還未食Lunch的2位小寶貝order了2個lunch Set（當天3點左右入座沒有Tea Set ,建議有蛋糕Set ）Lunch Set 包-沙律，餐湯，主菜，甜品，飲品沙律有蘋果，橙，薯仔 醬甜甜的 可以整得更好餐湯-忌廉湯 純忌廉沒有配料，應該用粉普通的開封煎北海道帶子配明太子奶油扁意粉 $108 意粉質感偏硬身，但配上奶油非常Creamy滑嘟嘟咁，帶子味道鮮味香煎柚子雞腿肉配香甜蕃茄薈飯 $128 雞腿煎得很香口，肉質鮮嫩 配上柚子醬，味道清新飯用上了新鮮蕃茄煮，味道非常鮮甜水果茶後 檸檬茶前 水果茶𥚃有一粒粒的蘋果和橙，味道較甜雪糕（朱古力，紅豆）最後因為太飽食不到這店的蛋糕，也購買了一件回家品嚐有何特別Oreo千層蛋糕 $32 每層中間都有Oreo cream ，味道也配搭得很好，不會太甜 小朋友也可以食用味道 賣相 衞生 服務 抵食 推介

又黎到工廠尋覓美食，見到門口有個蛋糕櫃，我就比入面多款千層蛋糕吸引左。晚餐平均百幾蚊就已經包湯沙律，主食，甜品同飲品。上網睇得知原來係一間由網店變實店嘅餐廳，整體黎講係一間值得支持嘅小店。沙律沙律菜新鮮，仲有蘋果清甜爽口。餐湯係羅宋湯，湯料幾多。香煎柚子雞腿肉配甜蕃茄燴飯 $128雞扒好大塊，唔鞋仲幾滑，因為有柚子醬令到雞扒甜甜地仲多左清新味道。而茄飯真係甜唔酸，好香蕃茄味。封煎北海度帶子配明太子奶油扁意粉 $108 非常推介呢個意粉，奶油味好濃好滑，杰度岩岩好，意粉愈食愈香。帶子大大粒，煎到兩面少少香脆，鎖實肉汁。雪糕雪糕有兩種味道，芒果同曲奇味，兩味道都好濃。香芋奶蓋千層蛋糕 $32芋頭味好濃，好似雪米糍咁濃味，而且口感軟綿綿，又唔太甜。

最近參加了一個課程，經常嚟觀塘區上堂，上堂前當然要先醫肚，新相識的同學話此餐廳廚師係藍帶畢業，估唔到喺工廠大廈都有藍帶水平嘅餐廳，同學特登請我黎試吓。嚟到發現個價錢比我想像中平，晚餐都係大約$110樓下已經包餐湯、沙律、主菜、甜品同埋飲品，基本上係一個傳統五道菜套餐。裝修都係比較簡約，開放式廚房睇到個廚師喺度煮食，你問到啲食物嘅香氣好吸引。門口有個蛋糕櫃食完唔夠喉可以買蛋糕返屋企食。今日的餐湯係羅宋湯，比一般羅宋湯甜，湯料亦多。頭盤沙律醬似吞拿魚醬，所以唔太甜，加埋蘋果一齊食唔錯。封煎北海道帶子配明太子奶油扁意粉似日式西餐，帶子煎得好而中間部位仍然保持嫩滑。芝士釀焗青口配香辣泰式黃咖哩忌廉炒意粉好明顯係fusion 菜，泰式黃咖哩炒得乾身但唔算好辣，青口的質素高無渣，雖然芝士焗但係都唔會太油膩。最係甜品係雪糕有朱古力同埋綠茶，質素都唔錯。

放工想行下駱駝漆大廈， 見到call me chef 就即興入去試下。 叫咗兩個晚餐特級香辣xo醬伴 炒手撕雞意大利粉$98 ＆ 封煎北海道帶子配明太子奶油扁意粉$108， 已包括沙律，餐湯和雪糕甜品。沙律有新鮮沙律菜和粟米粒， 味道沒有特別，但勝在夠健康。羅宋湯比較稀， 如果味道濃返少少就比較好。特級香辣xo醬伴炒手撕雞意大利粉～ 炒得有鑊氣，但食唔到xo醬的辣味， 意粉質地軟硬適中。封煎北海道帶子配明太子奶油扁意粉～ 奶油味不算太重， 扁意粉的口感都幾好。觀塘區的餐廳我都食過好多間，今次第一次來到這裏， 下次有機會可以試下蛋糕吧！

觀塘食晚餐，這間小店一直好想黎食，終於今日有機會來了！在開源道、地鐵站出行一陣就到的駱駝漆大廈中，門口就有一個蛋糕櫃，好多不同味道又靚靚的千層忌廉蛋糕，好吸引！（這間之前是在網上出名賣蛋糕的小店）！環境：喜歡這裡簡約的設計，以明亮的燈光及高高的樓底，比客人感覺寬闊有空間，燈光整齊又有特色；開放式廚房是好大又開陽，可以見到廚師在煮食的情況，乾淨整齊的地方！食物方面，西式的意大利麵、意大利飯、扒類、小食、更有自製雪糕及千層蛋糕！服務親切友善，一人身兼數職，好快手！我們點了：1. 經典卡邦尼意粉配63度慢煮溫泉蛋及香脆煙肉蛋製作得好靚，剛剛好的流心的金黃色蛋黃，流出的蛋味濃郁配上卡邦尼的香滑忌廉汁同食，意大利麵軟硬剛好，有口感又美味；煙肉片好多又香口唔會肥，男友平時唔多食白汁都讚好食！推薦這個意粉！2. 原隻燒春雞配香燒蔬果（沙律菜沙拉）🐔🐔原隻燒春雞賣相好吸引，雞肉軟滑又嫩口，外皮香口唔會太燶，大小好適合；配菜有燒香的番茄、紅蘿蔔粒及翠肉瓜粒，好多汁又爽口又健康美味！沙律蔬菜好爽脆又有幾款，自家點上香軟開胃的沙拉醬！3. 意大利雪糕球🍦🍦送上這個精緻的甜品，好喜歡這款奶味香濃唔會太甜的雪糕