樂糖 (已結業)

做野做到好攰，好想食餐好既，又唔想咁破費，所以揀左一間價錢合理，又可以食埋甜品既餐廳。我同媽咪叫左個二人餐，有一個沙律做前菜、一個意粉、一個pizza同兩杯飲品。沙律只有生菜，而且無晒意大利醋、只有芝麻醬可選。意粉點了南瓜🎃雞意粉，有好多南瓜汁，雞亦都幾滑，而且意粉好彈牙。不過食食下有少少「漏」。四重芝士pizza芝士份量唔算多，個皮係薄薄地，但又未至於係脆皮。個人認為麻麻地，但我媽媽好鍾意！重頭戲來了，就係甜品，跟餐叫霧之花卷只需加30元，都幾抵架！香芋雪糕配薰衣草蛋卷，真係好滿足呀！雖然抵食又美味，但地點係有少少唔方便，如果唔係之前見過一篇報導訪問大廚，我都唔知有呢間小店。

佢呢個小編覺得真係超級正，佢個蛋捲中間雖然話係香芋忌廉，但就一啲香芋味都冇而有好香嘅薰衣草味，可能係薰衣草個味勁啲掛。而且佢個海綿蛋糕蛋捲超級軟熟。忌廉裏面仲有啲海藻球喺度，食落都幾有咬口架！另外佢個香芋雪糕都不甘示弱，有好香嘅香芋味，不過就間唔中食到啲冰粒。

友人新居入伙, 便去了將軍澳探佢, 平日甚少來這區, 難得來到, 便去了附近的一間叫樂糖的甜品店食嘢. 店內的怖置色彩繽紛. 這裡的甜品選擇不算好多, 但勝在較為特別. 我選了霧之花卷 – 薰衣草, 香芋配香芋雪糕, 並配有一杯薰衣草茶. 店員先奉上薰衣草茶. 茶夠熱, 入口有淡淡的薰衣草香味, 令人感覺相當舒服, 好放鬆. 接着, 甜品上枱. 賣相相當精緻, 以我最鍾意的紫色為主, 特別開心. 先試下卷蛋, 這是自家製. 卷蛋夠鬆軟, 蛋香味還可以. 而餡是香芋忌廉, cream夠幼滑, 而食的時候多了一份卜卜脆的口感, 原來當中混入了海藻珠, 感覺特別. 好耐無食過香芋雪糕, 感覺特別好味. 食完一個甜品有點唔夠喉, 忍不住再點了一杯芭菲杯, 選了莓子樂園. 賣相都幾精緻. 材料幾豐富, 包括士多啤梨雪糕, 乳酪忌廉, 黑加侖子啫喱, 配上士多啤梨汁, 一層層擺放着. 芭菲最上面放了一個士多啤梨雪糕. 中間用上乳酪忌廉, 我覺得幾特別, 食的時候多一份帶酸的味道, 無咁膩, 而且混入了脆脆的米通, 多重口感. 最底層是黑加侖子啫喱. 甜度適中,

今次係附近打完波食埋拉面就去搵甜品啦 係開飯搵到呢間新開甜品梗係試下啦 我就叫左水玄信餅 ($49)仲有得到揀櫻花 桂花同玫瑰花 我就揀左櫻花 因為淡淡粉紅色好靚 老公就揀左 霧之花卷($49) 洋甘菊檸檬味 朋友就揀左double sweet ($49) 我同老公個份仲送杯花茶Tim 我第一次食水玄信餅 好難比較好唔好食 但佢淡淡既花香味確實令人回味 ( 有d 甜品花味太濃 不是多就一定好）再配一杯花茶作結 首尾呼應老公既花卷 我覺得未夠軟熟 但老公就覺得呢個洋甘菊味新鮮特別 始終人人口味不一朋友既double sweet 我就冇試 外表都幾吸引