小曼谷泰國美食站

營業中

休息中

男朋友想食泰國菜所以直接open rice 就搵到呢間😬小曼谷泰國美食站無book，中驚好多人，點知都幾多位✌️門口放住一架火車，幾特別（雖然同泰式唔太格😂）現在有Live Band，唱得幾好聽，現場可以點歌🎤兩個人都不太餓，就叫左：泰式馬拉盞炒通菜好好味，炒得好正宗👍，份量都ok芒果沙冰🍧超大杯，飲完肚馬上唔太舒服🙈青咖哩豬頸肉🥘超好味唔辣，點薄餅食，好格👍泰式芝士烤酥餅（2塊）好香，好酥脆，就咁食都好夠味👍泰式沙嗲串燒拼盤🍢呢個就一般，but 都好大串，份量都好夠。*純分享，沒有試食😑

呢間泰國餐廳以泰國火車為主題，所以一入門口就見到有架好大既火車裝飾係度，氣氛十足，約埋三五知己一齊食就最好泰脆炸豬手＋牛油蒜蓉燒大蜆 ＄２９８呢個小曼谷孖寶有好多選擇大部份都係海鮮，今次我地就揀左炸豬手同大蜆。豬手因為係即炸所以製作需時，但係係值得等既，因為佢炸得脆得黎又唔油，肉都好嫩，再配少少酸菜解膩，味道十分夾。👍🏻👍🏻👍🏻大蜆肉厚多汁，上面再加少少炸白飯魚增加口感，都幾有驚喜。青咖哩豬頸肉 ＄１０８青咖喱既香料味好重，好有東南亞既味道豬頸肉既份量都好多，適合三至四個人share一齊食。冬蔭公湯（小） ＄１４２呢度既冬蔭公湯係可以揀少辣或者加辣，如果唔係太食得辣既朋友都可以叫。湯入面有好多配料，例如大蝦同菇，都夠４個人每人兩碗。泰式芝士烤薄餅 ＄５０當初以為佢會好似naan咁配咖哩食但係出黎見到佢上面果層芝士就知道佢就算唔洗配咖哩都一定好好食。芝士味十分濃，餅底個口感十分酥，食落好有層次。青檸沙冰 ＄３９頭先食左咁多咁重口味既野之後緊係要黎返杯沙冰平衡一下，呢杯青檸沙冰酸酸地，拎黎refresh下個味覺岩哂。

今次係外賣呢間人氣泰國菜開放堂食後嘅平日夜晚佢係爆滿 👏🏻另外不得不提佢嘅外賣包得好好所有湯類都額外加保鮮紙 好貼心 加分👍🏿五星蒜香炸雞 (半隻) $128 🙆🏿‍♀️呢個係餐廳嘅新菜式所以叫咗半隻嚟試吓估唔到都有3大嚿雞 再配一堆泰式蝦片一打開個已經好重蒜香味😌炸雞外脆內嫩 再點埋泰式辣醬 無得頂而蝦片塊塊都卜卜脆 推👍🏿冬蔭公湯 (S) $144 🙆🏿‍♀️大推呢個👍🏿👍🏿👍🏿 不得了！！！佢個冬陰公湯酸酸辣辣作為開胃既頭盤真係一流😍虎蝦夠晒大隻 再加上秀珍菇索晒冬陰功嘅精華就算飲到我地滿頭大汗都欲罷不能 會想繼續飲到尾🤤注意⚠️ 飲落其實都頗為辣 唔食得辣既朋友就量力而為啦😆小曼谷炒飯 $113 🙆🏿‍♀️佢用嘅係蛋包飯 睇得出用咁好多隻蛋好鬼厚 小妹超like食炒蛋 所以成件事好吸引入面嘅料包括蟹柳 扎肉 豬頸肉 蝦 同車厘茄好豐富 而且份量好多建議大家叫埋咖哩撈嚟食😋青咖哩豬頸肉 $110 🙆🏿‍♀️因為係外賣返屋企食嘅關係所以叫咗青咖喱🌶首先佢嘅汁好多 而且都夠辣 (比冬陰功冇咁辣)好鬼正 再撈埋啲飯食 無得頂！同埋有超多玉豆同豬頸肉條😍2樣都有啲掛汁豬肉沙嗲串燒 $24 💁🏿‍♀️

係灣仔上完成日堂後，來到銅鑼灣呢間小曼谷。門口有特色古老火車頭，入面有火車小擺設打咭位，座位闊落舒服。夜晚仲不時有live band表演，不斷播放泰國歌曲，增添情調﹗地道燒臘腸$28:真係冇食過燒臘腸，估唔到幾好食，臘腸本身帶點酒香，惹味有咬口﹗青咖哩豬頸肉 $98:用小火爐坐熱住，青咖喱由椰奶、香茅、羅勒、魚露、青檸、綠辣椒等香料調製而成，飲落香濃中帶點椰香甜，唔會好辣。入面有好多豬頸肉，厚薄切得剛好，肉質爽口彈牙﹗入面仲有青紅椒同豆角條，仲有泰國茄子，自己第一次食泰國茄子， 細細一粒，食落爽中帶腍﹗泰式原味烤酥餅$45（2塊）:熱辣香酥脆，配合青咖哩食果然一流~牛油蒜蓉燒大蜆$122 :表面有不少白飯魚同蒜蓉，大蜆新鮮大粒，點少許酸辣汁仲開胃呀﹗榴槤冰條$38:雪條雪到好冰，含係口中慢慢溶化，食到絲絲榴槤肉~熱龍眼茶$30 好多龍眼肉，清潤養身﹗

以前讀書九龍城小曼谷總店係飯堂😋今次係第一次去銅鑼灣分店🚆七點晚飯時間幾乎滿座，好彩早少少到🥰門口已經有架大火車打卡影相🚄連燈飾都係火車轆🦽呢重風格非常有特色👍🏻$138冬蔭公湯🍲湯底好重香茅味，夠酸夠辣🤤十分開胃👍🏻飲落喉嚨有微辣感🤤湯內有秀珍菇、配料同兩大隻大頭虎蝦🦐蝦肉新鮮爽口😋$98青咖哩豬頸肉🐷青咖哩唔會好水，呢個稠度配飯同飯烤餅食都好夾！！👍🏻唔會好辣，仲超重椰香味🤤比起冬陰公湯更易入口🤤豬頸肉份量又多，件件都好爽口，豆角作為配菜都好好食👍🏻一樣爽口🥰$48泰式芝士烤酥餅🧀🫓夏天唔想食咁多粉麵飯，酥餅的確係唔錯嘅選擇😏香口又飽肚😍烤餅熱辣辣非常酥脆，即使放咗陣都依然脆卜卜👍🏻芝士夠邪惡🤤沾上青咖哩食又係另一種風味💯$98泰式鮮蝦炒金邊粉🍝碟內有三隻爽口蝦球、豆腐乾、芽菜、菜脯、細細蝦米仔等等，吱埋青檸汁🍋撈埋花生碎🥜唔會好乾身，好食😋$53椰青波波🥥竟然有原隻起肉椰青😭好懷念泰國日飲夜飲🥺起埋肉咁方便，十分適合我呢啲大懶人🐽椰青波波多水清甜🤤椰青肉嫩☺️總括而言，餐廳裝修有特色，食物有質素，即使係泰菜都可以行高級路線😋疫情下又可以回味下故鄉👍🏻

今日響銅鑼灣收工，見好耐無食泰國菜，所以搵左間環境唔錯既既泰國餐廳食晚餐😋😋，餐廳門口有個好大既火車頭響樹做生招牌，響香港都係第一次見，門面做得唔錯👍🏻👍🏻🌟泰式原味烤酥餅 （$45）酥餅即叫即整，外層香脆內裡軟熟，用黎配咖哩一流，叫咖哩必點😋🌟 青咖哩豬頸肉 （$98）青咖哩唔會太辣，而且味道濃郁，奶味香，唔會太浠，用酥餅掛汁一流😋😋豬頸肉爽，彈牙，唔會太厚，咬落口感唔錯😋🌟 海南雞半隻 （$148）海南雞香滑，而且大隻，肉質鮮嫩，雞胸都做到好滑，脂肪唔多，加上雞醬一齊食，味道好夾，性價比高😋🌟 泰式燒盲鰽 （$178）盲鰽即叫即燒，外層加上粗鹽，魚肚內放滿香料，燒出黎好香，魚肉新鮮，好滑，加上海鮮辣汁，味道好夾，好開胃😋😋

小曼谷可算是九龍城泰國菜的代表之首，如今港九新界亦有小曼谷的蹤影，雖然不太確定小曼谷海鮮燒烤屋、小曼谷泰國美食及小曼谷泰國美食站之間的實際關係，但曾經去過不同小曼谷，始終覺得有一定保證。小曼谷泰國美食站是港島區唯一一間小曼谷，裝潢比較摩登型格，與本店顯然走不一樣的路線，而且應該更不時會有現場音樂表演。青咖哩豬頸肉 ($98)青咖哩以青辣椒炮製所以一般會比黃咖哩或紅咖哩辣度更高，香辣濃稠而且加入椰漿較為溫和醇厚，豬頸肉本身更預先經過燒製而非單純烚煮所以特別香口。辣椒膏炒海鮮 ($248)青口、炸虎蝦、蜆及魷魚炒得入味，肉質不算相當鮮美勝在包羅萬有。小曼谷炒飯 ($108)這款炒飯之前已經在其他分店吃過多次，薄薄一層煎蛋皮中包住富陣陣咖哩香，而且更有豬頸肉、扎肉、蝦及蟹柳相當豐富。極上燒安格斯西冷牛小排 ($238)牛小排同樣是每次必點的菜式之一，但水準有點飄忽不定，以往一般都肥美多汁，油脂豐富，不過這次略為過熟令肉質稍韌。椰皇沙冰 ($37)當初以為椰皇沙冰會以椰皇——椰青水製成，出乎意外地是椰汁沙冰，但椰香十足同樣合我心意。

小曼谷的泰國菜就是特別香口惹味，咖哩或者泰式炒河都一樣好出色。香而不油，炒得十分惹味，恰到好處。首先叫了一個香葉雞肉泰國炒河。炒河粉帶辣味，但炒河並不會痴成一舊，反而是每一條河粉都分明，但又吾會油膩。加上河粉相當吸味，香葉加辣椒的香氣就更加突出。而且不會油，實在好食。青咖哩豬頸肉亦相當不錯👍青咖哩比黃咖哩少見，所以一揀就揀左佢。青咖哩吾係好辣，但香味十足。絆飯食更加是一流，會令你愛不釋手。豬頸肉又爽口。串燒，今日叫了雞肉，豬肉，仲有雞髀荷。在上菜的小時候，已經有陣陣串燒燒烤的香味。加上全部都是新鮮燒好。肉類本身的油香，加上燒烤味已經正。再加上沙嗲醬汁。香口，好味。蒜蓉包。新鮮焗好的蒜蓉包，香脆無比，加上粒粒蒜蓉，又可以沾青咖哩食。回味無窮。泰式冰奶茶。這杯冰奶茶不輸港色奶茶。香，滑，但不會太甜。比例調得好，加上冰，一口串燒，一口奶茶香。在疫情期間，亦見到店家努力做好衛生。亦會提供紙袋比食客放口罩。