泰道 (已結業)

帶兩隻寶貝🐶去西貢WM Hotel staycation. 諗住帶兩隻寶貝🐶去呢間餐廳吹住海風食下泰菜，慶祝埋自己嘅生日，臨去之前收到餐廳confirm booking，提醒我哋餐廳唔可以帶狗，即使坐喺outside位置都唔得，咁就唯有買外賣返酒店食啦，今次兩個人叫咗5樣餸，一共$439，如果唔係因為就係酒店隔離都唔會食呢間餐廳，坐outide都唔俾帶狗已經扣了分，加上青咖喱好稀，點咗兩份烤薄餅諗住點青咖喱，但係咁稀好難點嚟食

喺西貢玩完kayak🛶，又成身濕住又肚餓，唔想返市區食，就搵咗間附近嘅餐廳食。呢間餐廳位置上離西貢市中心比較遠，而餐廳亦都安排咗好多停車位，比揸車人士可以去泊🅿️。所以對於我哋揸車嘅人來講🚙，都算係非常之方便。雖然離市中心比較遠，但係唔代表餐廳冇乜人，我哋五點幾去到，都已經冇晒望海景嘅和室外位，只有入少少嘅一張室外位。雖然係室外，但係由於餐廳提供好多風扇💨，所以一啲都唔覺得熱。🥵餐廳對住嘅海景係其中一個賣點，日落時分去，景色十分怡人🌅。嘢食方面，我哋叫咗三味餸。首先，泰式炒雜菜普普通通🥬，唔係唔好食，只係冇乜特別。之後我哋再叫咗椰子雞湯同埋青咖喱雞，兩樣嘢都非常之好味😋。椰子雞湯充滿咗椰子嘅香味🥥，而中間亦都加咗少少嘅辣味，令到咁重椰子味嘅湯都唔會太濟。另外，青咖喱雞就一啲都唔辣🌶，加埋個薄餅去點，香口嘅咖喱味襯托住鬆軟嘅薄餅，令人一試難忘。🤤雖然價錢真係偏貴💰💰，但係咁嘅環境，咁嘅食物質素，都算係值回票價，值得一試。⭐️⭐️題外話，呢間野服務就差咗少少，我哋其實仲叫咗個明爐魚，等咗半個鐘，我哋問過女侍應，佢話會跟跟，點知過多左15分鐘，我哋再問個高級啲嘅侍應，佢再幫我地睇，原來根本都冇落單

呢排天氣好返啲，就約左朋友去玩stand up paddle，一返上岸就俾岸邊呢間大大間既泰國野吸引住～室外有有太陽傘既露天茶座，可以邊望海望食野，幾好view，有渡假既感覺餐牌設計好清晰，圖文並荗上菜速度快，落單後十分鐘內已經新鮮熱辣上枱。泰式炒金邊粉 即叫即炒，配料豐富，如圖所見蛋、芽菜同豆腐都好多，大蝦碌都有六七隻。但油膩左啲，口感偏向濕潤，唔夠獲氣。青咖喱雞 用既係雞脾肉，唔係雞件，無骨易食，肉質嫩滑。味道適中，有椰香，可以再辣啲。烤薄餅 有咖哩當然要配薄餅。薄餅口感酥化，牛油味香濃。炸軟殼蟹柚子沙律 正當我地好奇梗沙律點解反而最後上既時候，謎底終於解開原來軟殼蟹係即炸，外殼金黃香脆，內裡肉質軟嫩。柚子沙律酸甜多汁，味道帶微酸而不澀，食落好清新，腰果多而大粒口感豐富雖然價錢比正常泰國野貴，但份量大、質素高，員工態度亦好好，會主動關心菜式岩唔岩客人口味，下次再黎西貢定必再試。