語菓 (淘大商場) (已結業)

💛先祝大家新年快樂，之前推介過呢間 #九龍灣茶飲，位置比較入，唔係地舖人流較少，襯住農曆新年同佢地合作個Giveaway，希望大家去開都去支持下呢間良心小店啦!💪🏻 有興趣歡迎去參加語菓係來自台灣新竹市，最特別係店內有得免費求籤，農曆新年冇得裝頭炷香入黃大仙求籤，黎呢到求籤都唔錯XD😆😆佢地係首創全台第一個「六十甲子籤詩箱」，有4個籤筒可抽，有人生、事業、感情、學業四大籤類，求完去返籤櫃拎籤文黎睇，仲有本解籤書幫你解文😂好飲又好玩呀😂上次飲咗"梨園吹鳳曲"，超級推介，今次就試埋其他水果系列，以鮮果入醬，打成綿密的果香鮮奶泡，再調入台灣茶，認真足料!👍🏻➡️"青檸蜂蜜" 係用咗新鮮青檸+秘製蜂蜜+薄荷，口感好清新，青檸酸酸地，幾開胃又解渴!➡️試埋"蘋水相逢"，蜂蜜味好出，又唔會蓋過鮮榨蘋果汁味，一樣都係左薄荷，飲到喉嚨好舒服!呢兩款茶飲都配有愛玉，幾有咬口，本身配方係有特定甜度同冰量，飲落去唔會好甜，岩岩好!👍🏻店內仲有原茶、漸層鮮奶泡系列、鮮奶茶同珍珠奶茶類可以揀，$16起有杯茶，好抵飲，下次再試埋!

呢間茶飲店係台灣過江龍嚟最大gimmick應該係邊玩求籤邊買茶飲位置喺九龍灣淘大商場2樓4種運程，免費玩求籤目前4種運程有事業、學業、感情、人生由籤筒抽1支，即可知道自己抽中幾號籤去對面六十甲子籤詩箱搵返對應籤文試吓自行解讀幾得意至於茶飲主要分為原茶、水果茶、鮮奶可可、漸層奶泡自己揀咗青檸蜂蜜 $25有新鮮青檸、秘製蜂蜜、薄荷、愛玉杯內青檸唔明顯，只帶清新味反而薄荷味幾重，清涼感幾犀行蜂蜜微甜，愛玉柔軟易入口

食完飯，響淘大行咗陣， 想飲杯嘢， 我又揀咗嚟呢間語菓~ 真係飲過返尋味呢個位真係幾好， 夜晚靜靜哋，冇乜人， 可以慢慢chill吓~我今次揀咗青檸蜂蜜， 佢係用新鮮青檸，秘製蜂蜜同薄荷嚟整，再加埋愛玉~ 正呀喂 多得武漢肺炎， 而家出街去邊度都要戴口罩， 其實一路行一路飲嘢都真係唔多方便，但係呢間語菓就唔錯，佢有d枱櫈響出面， 咁我地可以坐低慢慢飲~ 呢邊夜晚又冇乜人行， 除口罩飲嘢都唔會太擔心， 幾好呢杯青檸蜂蜜好好飲， 可能因為落咗少少薄荷，飲落好fresh, 好清新 青檸同蜂蜜都啱啱好， 唔會青檸味酸得嚟蜂蜜味又唔爭氣~ 正呀 好好飲

食完雞蛋仔同souffle pancake, 硬係覺得差d嘢咁。。。。。 係差杯嘢飲呀~ 都冇飲過嘢添見到地圖有間語菓嘅台式飲品， 上次搵嚟搵去都搵唔到， 我唔會放棄架，我今日要搵到佢為止 地址就咁寫2樓S7..... 搵嚟搵去都唔知邊度係S7.... 我真係行晒成層先搵到， 原來響pricerite隔離。。。。 等我真係行晒d巷仔都搵唔到 算啦， 終於都搵到， 係開心嘅由於夜晚關係，唔想飲茶， 驚瞓唔著。。。 好彩佢有水果系列 我叫咗個青檸蜂蜜~ 因為。。。 佢有愛玉響入面 一飲落去， 有種好清新嘅感覺~ 唔怪之得啦， 佢原來有加薄荷， 所以feel so fresh~ 同埋佢用新鮮青檸同秘製蜂蜜， 好好味~