李家 (埃華街)

營業中

休息中

想食韓式炸雞，一於嚟呢間炸雞店。除咗地道嘅風味，性價比仲非常高。 蔥炸雞即點即炸，十分新鮮。炸粉有少少調味，薄薄哋一層好脆口。炸雞配淋上甜醬嘅蔥絲，甜甜鹹鹹幾開胃。 青辣椒蛋黃醬炸雞蛋黃醬好creamy，加咗青辣椒減低油膩感，再加上爽口嘅洋蔥增加口感層次。因為新鮮炸起嘅關係，連雞胸等都非常嫩滑juicy。 芝士拼辣鳳爪經典韓國小食，鳳爪裹滿韓式辣醬，有種獨特嘅香料味道，辣得過癮。加埋半溶嘅芝士，勁惹味。薯角炸得脆口，一路熱住就唔怕凍晒啦。

🙋🏻‍♂️餓底探員今晚去咗大角咀調查呢間元祖級韓式炸雞店，餐廳由韓國人主理，喺本地經營多年，炸雞口味選擇多，味道拍得住韓國當地，夠晒正宗，除咗炸雞，仲有多款地道韓式料理供應🥩牛膝骨湯 $178🙋🏻‍♂️表示個牛膝骨湯入面有蛋𢇃，京蔥，高麗菜等配料，配上白飯同泡菜，牛膝骨食落爽脆有咬口，個湯飲落鮮甜，除咗有牛骨味，仲有杞子紅棗嘅味道，好養生，將個飯同湯撈埋一齊食，個飯更加鮮甜入味🐖豬肉炒粉絲 $158🙋🏻‍♂️表示個炒粉絲配上豬肉，香茹，洋蔥，菠菜等配料，一上枱香噴噴，份量好多，粉絲口感爽滑，豬肉好爽口，加上多款配料，個炒粉絲食落非常惹味，夠晒鑊氣🍗青辣椒蛋黃醬炸雞 $118🍗粟米炸雞 $118🙋🏻‍♂️表示炸雞口味有多款選擇，可以㨂半份，仲可以㨂無骨，餓底見呢兩款口味幾特別，就決定試下，青辣椒蛋黃醬炸雞配上洋蔥，炸雞係原味，點埋個mayo嚟食，味道辣辣地，粟米炸雞配上炸粟米，面頭有粟米脆片同沾滿玉米粉，味道香甜，炸粟米鮮甜多汁，兩款炸雞都好香脆，肉質嫩滑🍶燒酒 $58🙋🏻‍♂️表示食炸雞又點可以唔飲酒呢，於是就點咗支真露燒酒，呢隻係荔枝味，飲落味道清甜，易入口📈吃貨指數😋好味度 9/10🔙返啅度

炸雞雖然好邪惡，但總係有突然想食嘅時候🤣今次就喺大角咀食咗好味炸雞😍仲好專一，成餐就只係嗌咁半半炸雞🤪啱啱炸出嚟嘅炸雞因為好新鮮，嗰種脆香好過癮亦都保留到肉汁🥹個皮亦唔會一舊舊粉，做到皮薄餡靚👍🏻1️⃣青辣椒蛋黃醬炸雞（半份 有骨 $123）唔太食得辣嘅我覺得佢嘅辣味適中，辣辣地又好過癮🤤加埋蛋黃醬好夾！我都係一個唔太食沙律醬嘅人，但個醬唔膩之餘，完全點綴到炸雞嘅味🤩想再有多少少辣味刺激嘅建議可以夾埋一兩條生洋蔥食！除咗提升咗辣味嘅層次，生洋蔥嘅爽脆亦昇華咗炸雞嘅口感☺️真係好正！食炸雞都可以好fresh😆2️⃣甜辣炸雞（半份 有骨 $98)相比之下甜辣就無咁突出，個辣一樣適中，唔會食得辛苦。味道上係正常發揮，好味，亦都會食唔停👍🏻甜甜辣辣咁亦都係過癮嘅選擇😃📍總結：-炸雞非常出色，令我明白到點解開到咁多分店😆-炸雞件數多，半份有6-7舊，所以兩個人食一隻係可以做到一餐🤪