湯•米 (已易手) 新餐廳

近日天氣轉冷，同女友行街越行越凍，就氾起了食火鍋既念頭。係網上搜尋左一陣，見到<湯米>尼排都幾多人Like，我地又好耐無食一人鍋~~~於是就走去幫襯下~~~睇下<湯米>會否從此落入我既美食清單裏面~~<湯米>位於豉油街，姐係新寳戲院過幾個鋪位~~~由於餐廳撥了一部分作爲飲品吧（專門調製特飲），所以導致現場座位比較狹窄，臺面比較細，基本上每人叫一個鍋再share一個小食已經差唔多霸曬成個臺面，不過無計，尤其係旺角，鋪位真係寸寸都係錢~~~~餐牌方面，<湯米>都算幾多元化，飲品方面大致同外面臺式飲品店類似；一人火鍋方面，除左臺式，仲有比較偏向韓式、日式、川式等不同口味，可以照顧到唔同口味既食客~~~小食方面，除左一般預期會見到既臺式小食，<湯米>亦提供標榜川味既串燒~~好~~望完餐牌，每人叫一個火鍋再share一個小食~~沙茶牛肉鍋 - 肥牛紋理同脂肪比例平均，每塊既大細厚度依火鍋價錢黎講算不俗，其他材料同配菜分量算幾足料（尤其係豆腐同玉米真係幾甜），但係一開始個湯底真係太淡，我後來要向店員落多幾羹沙茶醬先勉强

最近朋友發現喺旺角嘅呢一間台式一人一鍋小店湯米。 裝修得好乾淨、光猛。 湯米有幾款唔同嘅鍋，我同朋友仔一齊點左 一個泡菜鍋，外加其他配菜，食得都超級豐富。 鍋入面有王餃子、椰菜、年糕、豚肉、韓國麵、娃娃菜、韓國泡菜、雲耳、金針菇、鮮冬菇、豆腐、豆角、粟米、炸薯仔、炸支竹、鵪鶉蛋、鳴門卷。勁豐富! 火鍋嘅味道都幾濃，但係唔會好辣，有泡菜嘅香氣。 年糕煮得已經好冧，豚肉好鮮味。食食下我哋放咗隻雞蛋入去一齊煮，令到個味道更香，最後食韓國麵，麵質彈牙又入味。我地仲另外點左一份牛肉，好大片，肉同脂分佈都幾均勻，都幾新鮮，落入泡菜鍋之後味道都唔錯。小食我覺得花枝丸、炸魚皮非常唔錯!花枝丸炸得好熱，又夠彈牙，超級鮮味! 炸魚皮就好脆口! 由頭食到尾都無腍過，唔錯! 邊食當然有邊飲，台式火鍋再配埋台式飲品，特別係食辣既火鍋，一定要點凍飲! 我要了爆檸四季春! 茶味好香，清淡，檸檬夠酸，果然稱得上爆檸! 又夠大杯可以盡情飲，唔錯唔錯!食完個鍋覺得成身暖笠笠，好溫暖好舒服。

天氣轉涼, 又係一眾"鍋物"出動時間, 唔想下下打邊爐咁HEAVY, 可以試下呢D一人一鍋喎!  呢間主打台式鍋物, 裝修走簡約風, 推門入去入座率已經有九成!望下餐牌有9款鍋物, 有招牌臭臭鍋, 除左呢樣, 仲有日/韓/川/泰等, 有辣有唔辣, 而辣度亦有得選擇, 夠靈活!除左鍋物, 仲有幾款小食及加配材料每人各選一鍋, 我就點了呢個韓國泡菜鍋 ($112), 有麵/粉絲/白飯配!  份量唔野小, 有豚肉, 泡菜, 年糕, 娃娃菜, 椰菜, 雲耳, 蜆, 鮮冬菇, 粟米, 豆角, 炸薯仔, 炸枝竹, 鵪鶉蛋等, 仲有個公仔麵!煮返滾就食得, 選擇白飯作伴食材料真係好豐富, 湯底滿滿泡菜味道, 娃娃菜夠腍甜, 年糕沾滿湯汁食好味, 仲有豚肉有成堆, 好飽囉!枱面有調味, 跟住餐牌指示加份量, 用黎點食材原來仲好味係第二個鍋未上枱時, 我地叫的小食上枱啦, 有酥炸花枝墨魚丸 ($34)即叫即炸, 粒粒飽滿, 備有淮鹽/酸甜醬伴食, 口感彈牙有墨魚味道, 推介呀!仲有係涼伴小青瓜 ($28), 超大碟, 以麻油及醋撈均, 口感爽脆多汁, 用黎中和熱鍋都唔錯!'另一個鍋巴蜀烤魚鍋 ($112