Kim's Bowl (花園道) (已結業)

身為OL界嘅A姐，真係有返工時間就無收工時間，想食個好啲嘅lunch獎勵吓自己？好彩公司附近開咗我最鍾意嘅韓式外賣店，為苦苦工作嘅一天，加添了小小動力。韓國魚蛋紫菜飯卷紫菜飯卷包住嘅係韓國魚蛋，聞落去都有好香濃嘅麻油味，好彩食落口唔會油淋淋。最欣賞係飯卷入面有好多配料，口感好豐富，配埋最愛嘅韓國魚蛋，真係相當滿足。焗雞扒韓式便當雞扒夠晒嫩滑，不過，就略嫌醬汁太少，唔夠撈飯。而便當仲配有黑豆、醬貢菜、小銀魚、蛋卷同韓式粉絲，配料份量唔多，但小小嘅便當都有咁多選擇，真係夠晒驚喜。韓國滋味炸雞拼盤 炸雞有原味、甜辣味同香蒜醬油味，份量真係好足，以香蒜醬油味最入味，面頭仲有炸蕃薯條，好滿足呀。

本身以為Kim's bowl係一間餐廳 但原來係做外賣自取的 不過買完可以係商場入面搵位置坐底食/拎返公司食 都幾方便～韓國魚蛋紫菜飯卷 $58紫菜卷係預先整好嘅 所以上手已經係唔熱 紫菜已經淋晒 睇落個樣好油 但係食落又無乜麻油香 但佢米飯嘅味道做得唔錯 而且飯卷入面嘅配料都多 口感層次豐富 韓國魚蛋味道甜甜地 薄薄的一塊都唔錯焗雞扒韓式便當 $82焗雞扒夠曬健康 唔油膩之餘肉質仲好嫩滑 配照燒汁 清新又惹味米飯用上韓國米 又香又好食 軟硬適中 配菜有黑豆、大豆芽、醬貢菜同炸小銀魚 同米飯撈埋一齊食別有一番風味炒粉絲略嫌太油 但口感非常煙韌彈牙韓國滋味炸雞拼盤入面有原味、甜辣、香蒜醬油炸雞同埋甜番薯條 仲有一串炸薯仔 薯仔切得好薄 感覺太油膩 食落無咩薯仔味 反而似食緊油既感覺... 炸雞嘅咋粉太多 唯一好嘅就係食落唔會好油味道方面我覺得甜辣味最好 原味過咸買多兩枝汽水黎配炸雞 菠蘿同蜜桃味都好飲呢！有時諗吾到食咩 又想試韓國菜都可以考慮一下佢～