韓閣 (已搬遷) 新店位置

Weekend 去荃灣行吓，先去醫肚，行經呢間韓國野見有d人等位，八吓個餐牌都吸引就拎飛等一陣。走左隔離間純銀店行吓又有收鑊，買完就有位啦!!唔好睇佢店細細，炸雞、人參雞、無骨豬手、鐵板、部隊鍋都有先送上牛骨蘿蔔湯牛骨係牛肋骨都幾大件肉厚，蘿蔔煮得夠淋又入味，成個湯好清甜，又可以補吓血氣。諗住點炸雞，幾款都好吸引咁，最後點左半份 酸甜醬油雞，一黎到香噴噴熱辣辣, 攤左陣先食到~ 醬汁做幾好，完全做到酸、甜、醬油味，好有層次，3個味道都好balance 。仲有好多芝麻 , 好香哩！雞皮外層炸得脆口，肉又滑，雖然係半份，都唔少吖餐牌仲有優惠價可以加點食物飲品, 我地加左$12 點左橙汁菠蘿梳打, 紅豆抹茶牛奶最後點埋韓國蟹醬石鍋飯 ,除左蟹膏醬, 仲有松葉蟹肉,蟹子加埋紅蘿蔔絲,菠菜 , 好足料. 連雞蛋一齊撈勻，啖啖蟹味，鮮味十足。最正連飯焦都脆卜卜，正！

※本文以用餐當日的環境、服務和食物質素為準，口味亦因人而異，文章只作參考之用。-初時見到荃灣新開既韓國餐廳「韓閣」，一直諗緊會唔會係好普通既港式韓國菜，但食完之後真係滿有驚喜，特別係「亞之媽甜炸雞」真心好食有驚喜，性價比很高，兩星期去左兩次了，打緊呢篇食文既時候準備去第三次嚕！餐廳既環境佈置比較似cafe般，有很多精緻的小擺設，但座位不多，一眼睇晒。餐牌上款式很多，很多都想試，價錢都相對較經濟；最重要係佢地既午市餐牌係去到六點鐘架，六點前去到落單就可以食到午餐價的晚餐了，好抵食！落單後送上前菜：泡菜、芽菜和菠菜。叫套餐或鐵板會送上自家熬製的清甜牛骨湯。夢幻蝶豆花特飲及橙汁菠蘿梳打 各跟餐+$12兩杯飲品都很解渴，有著漸層顏色的蝶豆花特飲影相一流，橙汁菠蘿那杯飲落特別清新，食炸雞岩晒！甜辣黃金豆腐磚 $38將炸豆腐炸至外脆內軟，貌似簡單的炸豆腐，面頭淋上甜辣醬已經非常開胃惹味，小妹超愛這味！鐵板牛肉 $52初時會以為係漢陽苑個種甜甜地的鐵板烤牛肉，上枱先知係比較似牛小排個類，食落味道偏似中式小菜，但味道是不錯的，下飯一流！亞之媽傳統甜辣炸雞（半份） $88價錢比平時動不動一盤炸雞賣成兩三

自從改名後已經很想去試，一直等這店少些人才吃，但2個月都仍很多人，最近他們用了電腦出票，還有椅在店外坐，有得坐就等啦！見到新出蟹醬飯，忍不了要點。熱辣辣石鍋，傳來蟹醬味道，加上清新波菜，蟹子，紅蘿蔔絲，生蛋。 拌好後半生熟的蛋，已沒有想像中的生，蟹子熟了感覺不同了，口感很豐富，有些些蟹肉絲，但蟹醬味道很新鮮，蟹味很濃，完全極愛這蟹醬，相信是韓國運來。配上青檸蜜真的很滿足，排隊等侯是值得的。不過小食泡菜太少，問店員要加8元才可再點，我就加8元再添了，因為有泡菜拌飯味道更好。