Veggie4love

營業中

休息中

Veggie4love係一間主打食素食嘅多國菜餐廳，之前已經食過一次，最鍾意佢將素食融入多國菜入面嘅構思，而唔係淨得中/西餐，菜式會比較多變冇咁沉悶。店面唔算大，但餐廳用盡每個角落去營造60年代美國復古風，好啱打卡。藍莓石榴巴西莓茶 & 甘菊段花薰衣草茶($28) - 兩款花茶雖然係無糖，不過前者帶少少酸味，有啲似無糖利賓納咁，後者都有淡淡甘菊味。越式炸素卷伴蒜香檸汁($78) - 炸素卷外表似大大隻炸蝦，下面墊仲啲米粉，再用生菜包住，炸素卷口感酥脆，因為本身冇乜味，食時可以加啲酸汁落去，幾清新開胃。素漢堡扒伴惹味燒烤醬($158) - 漢堡包中間有大大塊素漢堡肉金番茄同椰菜絲，素漢堡上面淋滿燒烤汁，食落juicy又甜甜地，無論口感同味道都唔似假肉。薯角都好大隻又多肉，食完都幾飽肚。韓式辣醬蒜香豆腐烤菇雜菜拌飯($148) - 拌飯比想像中大碗，入面有炸豆腐、炸素肉、烤菇同大量蔬菜，加埋韓式辣醬，甜甜辣辣幾惹味。朱古力心太軟配雪糕($78) - 雪糕食朱古力味，朱味幾濃，心太軟唔會太乾，切開中間朱古力漿比較杰身，朱味極之濃郁，朱迷表示非常滿足。總結，食物全部都冇令人失望，如果唔係一早知

我係睇完YouTuber介紹之後就立即book左呢間餐廳，心諗有冇佢講到咁好食，果然佢唔係亂吹水，veggie4love係我係香港食過最好食嘅素食餐廳！餐廳走外國懷舊風，最得意就係有一部小嘅電視播黑白音樂片。7:30晚市都full曬，冇book位就難啲walk in到啦。介紹返啲食物先北京烤片 $78佢嘅片皮鴨真係做到同肉嘅口感好似！個皮仲要係脆嘅，超級驚喜！香炸墨圈圈 $58都似墨魚圈，彈牙！韓式拌飯 $148見好多人叫，但味道普通，食落似普通沙律菜拌飯多啲椰醬飯 $148椰醬味濃味得黎好light，唔甜。辣素仁似雞肉質地，有喇沙味幾正！心太軟 $78Rasberry雪糕勁溶🤣 但心太軟好好食，朱古力味係苦苦地個隻岩大人口味，中間勁流心！絕對會encore！