우리 (已結業)

長沙灣韓式cafe Wuli 우리奶油色嘅門面超搶眼！Cafe裝潢簡約，室內有個自成一角嘅打卡位，影岀黎都呃到下人架~ 除左常見嘅cafe food，仲有韓式fusion菜：韓式辣醬魚糕雞肉意粉、全日韓國早餐等。Weekdays晏晝更設有set lunch，$88就有意粉+茶/齋啡~▪️抹茶紅豆波波鬆餅配抹茶醬 $82期間限定！波波鬆餅成粒章魚小丸子咁大，質地軟熟濕潤，單食有淡淡茶香，入面有軟綿紅豆增添一絲香甜。抹茶醬尤如espresso，倒落唔似平時嘅醬汁咁杰，但茶香相當濃帶微苦。整體甜度都幾低，如果想甜返少少就可以蘸旁邊輕盈軟滑嘅cream。 都算係一個甜膩感同負擔較低嘅甜品~▪️韓式辣醬魚糕雞肉意粉 $88+$10/轉年糕年糕超煙韌呀！口感正中下懷！不停咬咬咬咬咬。醬汁中加有忌廉，辣中帶甜，開胃惹味得黎唔會太辣。雞肉紮實唔柴，仲有唔少魚糕、菇等配料。▪️泡菜雞肉貝果 $72貝果表面烘到香脆，口感偏軟熟欠缺彈性，放涼後稍微有咬口少少。中間嘅雞肉偏乾柴，不過泡菜同貝果意外地夾。▪️Latte $40/hot咖啡順滑，奶味低調~▪️Apple & Pear Tea w. Osmanthus $4

一去到就俾佢既門面吸引，整間店麵以奶油色系為主，真係好有少女既感覺呀💝💝韓文Wuli 解作「我們」、「我們愛的」，希望可以拉近大家嘅關係❤️亦為呢間Cafe添上一份溫馨嘅感覺☺️ 🔸自家製荷蘭醬班尼迪貝果🥯（煙三文魚）$88▪️將佢嘅水波蛋切開真係好療癒啊😚😚貝果口感厚實， 配埋煙三文魚食，好夾👍🏻👍🏻🔸韓式辣醬魚糕雞肉意粉 $88▪️好特別啊！真係第一次食😍😍 估唔到都幾好食😚 魚糕同雞肉配上微辣既韓式辣醬，好惹味👍🏻🔸抹茶紅豆波波鬆餅連抹茶醬 $82 ▪️超可愛波波造型，抹茶醬超級濃郁，唔會甜膩😋🔸Iced Crazy Chocolate $44▪️賣相相當吸引👍🏻 朱古力味香濃😋🔸Iced Cappuccino $42▪️有咖啡香味👍🏻星期日中下午時段好旺，keep 住都有人排隊😆真係要早少少去或者Book 定位啦😊

長沙灣呢頭真係好多cafe，今次揀左一間奶油風格cafe 우리。位置比較偏僻，但係門面真係會吸引人入去！我地見唔洗排隊等位就即可入去~❀ 韓式辣醬魚糕雞肉意粉 $88極推薦大家試呢款！魚糕嘅存在令到成個意粉充滿韓味，韓式辣醬好match個意粉，有少少辣，可能唔係個個接受到~ 雞肉夠嫩唔會柴！絕對值得大家試一試！❀ 卡邦尼水波蛋闊條麵 $88呢個有少少失望，真係好淡味，卡邦尼味好似溝左水咁，闊條麵本身都難入味，仲要加個淡味嘅醬，唯一有味就係醃肉，唔推薦大家試。❀ Iced Matcha Latte $48淡淡抹茶味，唔會太苦，奶嘅比例個人覺得幾好，唔會搶戲！唔錯！