炑八韓烤 (瓊華中心)

營業中

休息中

收工約人出黎食飯，想食下韓燒，咁喺旺角瓊華睇睇，見到呢間睇餐牌都 幾吸引，又唔洗等位，就入去食超大條既牛肋骨，仲加多隻大蝦，仲有冬菇、南瓜片同生菜。蝦又大又新鮮，牛肋骨醃得幾入味，有肉香。😋😋韓牛前胸肉肉質幾好，煎到半熟剪細塊，再點啲海鹽，口感一流👍👍韓式豬皮配炒芝麻 ，燒一燒就食得，皮本身帶甜味小心好易燒燶，燒完口感彈牙軟綿，好有骨膠原feel🤣🤣，唔似平時食嗰啲燒肉脆皮面。厚切五花腩，大大條超正 😍😍燒到外面金黃色 好似燒肉皮咁卜卜脆，之後店員特登走埋黎幫手剪開一片片，五花腩肉質肉味濃郁，建議可以包生菜加泡菜、加埋粟米芝士一齊食仲正👍👍海鮮煎蔥餅，好x大塊薄身煎到卜卜脆，有好多蔥，紅椒同海鮮粒，點埋秘製醬汁，好惹味👍👍蒜蓉金針菇好大舊牛油，成盤放上爐燒，牛油溶左，啲味真係香噴噴😍😍推薦👍👍又叫左杯藍天使梳打同薄荷梳打，杯野顏色好靚，藍天使甜甜地好開胃。薄荷梳打有浸淡薄荷味，好岩我餵口。仲有，佢地粟米芝士，爐邊蛋，同埋啲前菜，都係無限任食，食得7788，好快就有人埋黎fill返，唔錯👍👍👍

🙋🏻‍♂️餓底探員今晚去咗旺角調查呢間韓燒，食物份量大碟，除咗燒肉，仲有多款韓式傳統食物選擇，好似炸雞，醬油蟹，石頭鍋飯，人蔘雞湯，泡菜煎餅等等，喺度用餐感覺好似去咗韓國一樣🥩特級牛肋骨 $288📸表示個牛肋骨好大塊，好似塊”牛肉布”咁，仲有隻大蝦同菇放咗喺個壺入面，成個攞盤好靚🙋🏻‍♂️表示個牛肋骨用咗秘製嘅韓國醬油醃製而成，食落充滿牛肉鮮味，口感嫩滑，大蝦食落好鮮甜，好厚肉，有陣陣海水鮮味🥩韓牛前胸肉 $158📸表示個牛前胸肉厚切大塊，油花分佈平均，面頭有條香草裝飾，睇到都流口水🙋🏻‍♂️表示個牛前胸肉口感好軟腍，食落多汁juicy，好有鮮味🐖炑八厚切五花腩 $138📸表示個五花腩大嚿仲要厚切，𠝹晒花咁，仲有冬菇，南瓜同啲香草伴碟，好吸睛🙋🏻‍♂️表示個五花腩油脂濃厚，將兩邊燒到焦香，逼出脂香同時將肉汁鎖緊，食落惹味juicy🐖韓式豬皮配炒芝麻 $78📸表示個豬皮將底面兩邊梅花間竹咁排好，形成黑白對比，豬皮底𠝹咗花，充滿心思🙋🏻‍♂️表示個豬皮燒到香脆，食落彈牙煙韌，配上炒芝麻令到個豬皮食落更加香口🦐🦑海鮮煎蔥餅 $92📸表示個海鮮蔥餅煎到金黃色，雜夾咗大量蔥段，魷魚同蝦喺入面，面頭有少少辣

靠海的釜山是韓國第二大城市，盛產海鮮，留港的日子也可以味覺出遊，同時品嚐韓牛燒肉和釜山海產。餐廳面積寬敞，抽風系統做到足，不會燒到煙霧瀰漫。今次就點了期間限定的釜山海之旅行套餐 $698，份量足夠2人享用。吃韓國菜，當然少不了一碟碟韓式前菜，令人胃口大開，除了麻醬沙律之外，小碟前菜可以隨意添加。麻醬沙律新鮮爽脆，健康又開胃。套餐份量超澎湃，肯定可滿足各食肉獸。烤爐外圍特別設計的凹槽，總有芝士粟米與爐邊蛋常伴烤肉左右。放上泡菜粒後，緩緩倒入蛋漿慢烤，爐邊蛋入口特別柔軟嫩滑。另一邊則是邪惡的拉絲芝士粟米，與爐邊蛋一樣可以無限添加。燒肉拼盤包括韓牛前胸肉、霜降牛小排、蔥蒜牛五花、和牛肩肉、牛舌、韓國辣椒和大啡菇。韓牛前胸肉色澤嫩紅，脂肪分佈較多，滿口瀰漫著牛脂香氣。霜降牛小排油花細緻，肉質鬆軟，肉味濃郁有層次。拌以清爽可口的生菜，可以中和肉食的膩感。套餐還包括了釜山直送的兩大海鮮 - 八爪魚和鰻魚，原隻八爪魚超巨型，霸氣盡現。將八爪魚觸鬚燒至金黃，口感爽彈富有膠質，加上經過特製韓式辣汁醃製，辣勁十足。釜山鰻魚肉質結實不軟爛，帶有魚油甘香。凡惠顧釜山海鮮套餐，還可追加半隻傳統韓國豬手 $115

好耐都冇食過韓燒🔥見今次有個新套餐幾抵食就嚟試吓！同以往一樣，除咗沙律🥗全部前菜都可以refill！我哋鍾意用🥕酸蘿蔔🥬生菜夾住燒肉食，完全中和到油膩感👍🏻食完前菜試埋芝士熔岩紫菜泡飯。細細件好似壽司咁，一啖一粒方便食用！面頭鋪滿芝士🧀同惹味嘅紫菜泡菜飯幾夾～主角出場啦😍賣相超靚！月見和牛肩肉扒仲有埋證書認證，貨真價實！牛肩肉扒大理石文雪花脂肪比例分佈平均～店員細心提醒和牛可以沾蛋汁同吃🍳將火較大🔥燒熱個網後成塊和牛放落去燒🤤燒好後將牛扒剪成細塊，和牛扒肉質甘香，油花甜美。蛋汁蛋味香濃，兩者同吃令和牛更加滑嘟嘟！牛舌色澤光鮮，由於較薄，輕輕燒一燒就可以食～口感軟柔，有淡淡炭火香氣，越嚼越香。霜降牛小排肉質較結實，燒香後伴醬汁同吃，又是另一番風味～唔講唔知，一隻牛🐮只有大約2.2公斤嘅前胸肉，都幾矜貴！入口肉味濃郁，馥郁甘香😋韓國鰻魚好大件！先用大火🔥燒脆魚皮，之後再反轉燒魚肉。中途唔需要經常反轉☺️鰻魚味道有點像膳，外皮趣卜卜，內裡軟綿，口感豐富🐟牛五花超正😍呢個部位油脂較多，燒完後肉質仍然軟腍，較有彈性。牛肉醃得入味，惹味同時有淡淡蜜柑香甜。牛五花油脂豐腴，油脂甘香慢慢在口腔內擴散😋好

耐唔耐就想食韓燒即使係宜家咁熱既日子都好想擺生菜包肉落口😋😋所以即興去佐炑八❤️午市去得多，晚市今次都係第2次黎平時最中意食佢地既蔥蒜牛五花👍🏻不過覺得價錢，特別係套餐都略貴同份量少😿 韓燒最開心就係一坐低Staff就準備爐邊泡菜蛋同粟米芝士🧀同埋見到一碟碟既伴菜😋佢地既海帶我食佐好幾碟😂食咁多次先知原來炑八既韓牛前胸肉咁好食！勁有牛味~ 原塊燒到半熟就剪黎食🥰蔥蒜牛五花乜都唔洗點，就咁食已經👍🏻唔知點解感覺呢間分店既肉特別好食雞肉都醃得好好味，都係唔洗點醬汁，而且好滑豬五花腩就反而冇乜驚喜，好乾身，油脂唔夠所以好硬同冇乜味！所以下次未必會嗌最後，佢地既爐邊芝士粟米我真係會食到停唔到🤤 明知好肥但太好味👍🏻

新年套餐有兩款，今次就食好少少，試吓658嘅HANWOO HERE套餐！套餐份量十分之多，兩個人食一定夠飽。▫️前菜、爐邊蛋同埋芝士粟米都係無限添加。▫️個擺盤好得意，牛肉放嘅位置係同部位匹配㗎。▫️大蔥牛脷 - 牛脷十分好味，連埋啲蔥一齊食，絕對冇膻味。正呀！▫️韓牛前胸肉 - 呢個位置口感比較實在，牛味比較重，唔錯。▫️醬油霜降牛小排 - 牛之中最鍾意食呢個，油花比較多，加上肉質比較軟身，鮮嫩又多汁。正呀！▫️厚切黑毛和牛 - 油脂都幾多，食落一啲都唔會韌，唔錯！▫️墨魚 - 都幾厚切，可能我哋燒得唔好，有啲韌，比較難嚼。▫️鰻魚 - 都幾大條，燒起上嚟有啲難度，有皮嗰邊比較容易焦。肉質彈牙，如果有鰻魚汁就一流啦。▫️韓式豬手 - 鍾意食呢個，有少少肥，食落口感一流又有骨膠原，用生菜包住蒜片、大醬食，一流！