美味餃子店

營業中

休息中

呢幾日突然起左個餃子引，好想食餃子，係OpenRice 一睇，見到呢間都幾多like，放工就去左試！😏😏😏大約7點去到已經見到門口有條人龍，有十幾人排緊隊，仲聽到白菜餃已經賣哂，果然好受歡迎！😳😳😳係門口大大話話都等左十五至二十分鐘。我地一早就諗定食咩，所以一坐低就即刻落order。💪🏼💪🏼💪🏼叫左十隻雙拼（雲耳椰菜豬肉餃+韮菜豬肉餃）湯餃，十隻韮菜豬肉煎餃同一杯豆漿。可能因為即叫即整的關係，都等左十幾分鐘先有得食，差d餓死我地！😫😫😫豆漿佢寫係自家製，飲落係無出面咁甜，但唔算特別。枱面放左豉油，醋同菜莆，俾你送餃子。餃子好大隻，差唔多有半隻手掌咁大（唔包手指呀）。😱😱韮菜餃好濃韮菜味，雲耳椰菜餃雲耳切得較碎，無乜口感，而且味道較淡，要加埋辣菜莆食。至於個湯，我見其他人都會飲哂，不過就唔係幾岩我。🧐🧐🧐煎餃子煎到金黃色，食落韮菜味好濃郁，唔洗加醬都ok，咬落d肉汁仲流哂出黎。😋😋😋不過都幾油膩，一定要同人share先唔會滯。總括黎講餃子好大隻好足料，韮菜餃好濃韮菜果，好啱韮菜控食！店員態度麻麻，面口唔係幾好。所以未值得特登去排隊再食。🙊🙊🙊

已聽朋友推介這家餃子店多時，但是實在極少踏足此區。今晚一個人在太子睇完醫生，行十分鐘左右就到餃子店，終於有緣相遇。晚上7：45到，店外已有10人排隊，全是年青人，大約排了15分鐘就可以入座。餐牌很簡單，只有白菜，韮菜，椰菜3款餃子，湯，豆漿，幾款車仔麵餸。入座已是8pm，白菜餃售罄，點了10隻韮菜煎餃及細湯，盛惠$65。煎餃10隻，大大隻，皮是中度厚，煎得香脆，菜肉比例適中，無肥肉，美味子數就要睇下同邊個比較，同連鎖餃子店X方X集相比，此店簡直是人間美食，只係賣$41，抵食子數更係無得輸。野葛菜湯，野葛菜味很淡，鮮味一般，齋點細湯，細細碗要$24有點不值，所以建議大家不用單點湯，點湯餃，湯底就係野葛菜湯，一個價錢就可以試到餃子和湯。以街坊生意，舊式小店式而言，服務態度算係咁啦。

聞名不如見面。一個炎熱中午，12點多就黎到，以為仲早冇人，誰知入店已見坐了一大半人了。叫咗三款餃子包括煎餃。共17隻加底，起初都擔心唔夠飽。食物黎到，店內已坐滿，店外也開始排隊（只是幾分鐘內發生，真很多人捧埸）韮菜煎餃7隻[$32]新鮮煎，非常熱辣辣，怕熱親咀仔記得抖陣先好食雙併大碗10隻[$39] 加底[$9] (白菜餃+雲耳椰菜肉餃)湯餃附上「野葛菜煲生魚豬骨湯」（湯散叫要$20起 !!)湯有濃濃魚味，加上米線很有家的味道。餃子 多料多汁 清新爽口 多菜更感健康十分足料又大大粒0既餃子配上自家制既辣醬 OR 黑醋，頗惹味！值得推介

每次光顧總是大排長龍，原以為搬了大舖情況會有所改善，怎料人龍更長！即使坐下亦要久等才有食物端上，原來是人手不足所致，很可惡！不過這裡的餃子確實是非常好食，野葛菜生魚豬骨湯底也是誠意的表現。可惜是次光顧，湯底稍為遜色了，味道沒有以往般濃郁，淡得幾乎分辨不到是野葛菜湯來，希望只是一時失手啦！至於餃子，雖然有三款囗味，不過每次我都只會點雲耳椰菜湯餃、韮菜煎餃。很喜歡雲耳椰菜夠爽囗，吸收埋湯的味道，很清很甜，非常好食！而韮菜本身已有獨特的香味，雖然並非人人受落，但我卻很喜歡。韮菜餃的豬肉跟韮菜比例剛好，味道亦調較得恰到好處，餃子煎香過後，豬肉的油份提昇了韮菜本來的香味，再加幾粒放於枱上的辣蘿蔔粒，簡單美食就此煉成，難怪如此多人甘願在門外久等！