玉

營業中

休息中

十幾人weekday去食lunch，唔駛等位。胡椒餅唔會太重胡椒味，唔食辣的我覺得幾好味。鮮蝦春卷個presentation幾靚，入面大大隻蝦。下次會再叫的菜。黑金磚豆腐唔算太特別，就只係黑色同平時見的樣子唔同。而脆腸粉幾好味，配個ＸＯ醬好正，但比較細碟，人多的話要叫兩份。脆鱔比較硬，唔係個個鍾意食，但個汁係唔錯。而腸粉都有少少特色，係綠色的！但其實唔太食得出有咩味ＸＤ水晶餃＆蝦餃正常，餐廳可以按人頭叫點心的件數。菠菜＆豆腐茄子煲無咩特別素炒飯唔錯，好香。而炒米粉都夠乾身，好味。炸子雞Ｄ皮好脆！！配埋好多蔥好正！！而甜品做得幾好，唔算太甜。餐廳仲有酒店會員優惠。本身對呢間餐廳無咩期望，以為都係普通中菜。但食完覺得每樣菜式都用心製作，又有少少特色，唔係平時出面食到，所以都值得一試呀！

休閒的Staycation，總會留在酒店用餐，剛好這間中菜就在我們入住的樓層，環境雅致，就嘗試一下。個人比較鍾意食點心，對粉麵飯興趣不大，所以只叫了點心。1️⃣海藻金魚餃好精美😍賣相比想像中更有心思🫰🏻🫰🏻有得食有得玩，食得好開心🥰2️⃣蜜味叉燒酥酥皮好香牛油味，味道好好😋只係掛住玩個金魚餃，玩到個叉燒酥都凍晒😆食嘅時候覺得個酥皮比較厚身，但係係好食嘅😋😋3️⃣響鈴豚肉脆腸粉好多酒樓都用其他嘢代替油炸鬼，做一啲代替炸兩嘅點心，有啲用米紙，今次佢哋用「響鈴」，但唔係打邊爐用嘅響鈴，效果好好。加上腸粉相對薄身，餡料有蝦有肉，調味適宜，根本唔使點豉油都好夠味。4️⃣雲南玫瑰火腿餅呢個有驚喜，玫瑰香味適中，配鹹香嘅火腿，加上係用湯圓皮，焗到外脆內軟，輕輕帶少少煙韌，真係好好味😋😋😋P.S.茶葉不錯，好味😋叫了鐵觀音，呢個價位嘅中菜，唔會用水仙當鐵觀音啦。🤣🤣