Steak Bar (已結業)

中環既Steak Bar搬左位後都未食過，呢日係附近睇完眼之後黎食個下午茶😗呢段時間人流唔多既關係，只係開放左下層，冷氣唔係好夠有少少焗🤔店員熱心介紹唔同款式既分別之處，決定食之前未見過既頂級肉眼牛扒，估計係新品之一▪️ 頂級肉眼牛扒 💲258前菜有芝麻醬豆腐、醋味沙律菜，兩者都好清新開胃☺️主打既頂級肉眼牛扒叫左五成熟，出到黎非常厚身，要用返少少力水切，不過切開左保持粉嫩，入口大致上都係軟腍，肉味不過不失，帶有陣陣油脂香，本身塊扒有椒鹽調味，另外仲可以蘸上蒜鹽，不過個人覺得比較重口味唔駛落太多🧂幾鍾意呢間既飯落得夠多飯素🍚同埋原來下午茶會有野送，分別係日本牛筋煮同埋飲品，前者入口感覺都好多骨膠，另外蘋果汁亦都清甜，整體份量幾多，一個人食一個餐會好夠飽🍹🔎 整體評分（7.5/10）

為食妹雖然唔算係牛魔王, 不過間唔中食下都會幾開心, 最近見到呢間餐廳有個吉列牛幾吸引所以就黎左試😌 位於中環地區既一個角落, 出面係熱門既拍攝地點, 大家估下係邊度啦😂 餐廳有兩層不過舖面唔算大, 座位係用盡曬餐廳每一個可以坐既角落, 廚房係下層而沖野飲既bar就係上面果層, 所以店員都要跑上跑落咁送餐🤭 餐廳以暗色做主題, 餐桌座椅都係用深木色去襯托返成間餐廳既主題👍🏿 去到既時候餐廳都坐滿左8️⃣成, 所以去前最好卜定位先😉午餐總共有6️⃣個SET可以揀, 每個SET都跟1️⃣碗白飯, 沙律同埋一舊細細地既麻醬豆腐, 唔包飲品, 跟餐可以加$5️⃣8️⃣要一杯澳洲/美國指定紅酒🍷 唔飲酒既話可以加錢叫其他飲品頂級肉眼牛扒🐄(SET A)($258)牛扒都算大舊, 本身諗住叫7️⃣成熟, 不過店員建議叫5️⃣成熟比較好🤔 所以為食妹就接納店員既建議叫左5️⃣成熟, 牛肉本身夠軟身, 不過都係偏生所以比較韌, 有少少難切同咬, 之後我地就試左將舊牛擺左落吉列牛既石爐煎一煎, 出黎效果唔錯, 比就咁5️⃣成熟既時候容易嘴饞😋吉列炸牛扒🔥🐄(SET B)($188)成餐既highlight黎喇🤩 吉列牛係炸左知個外皮肉既部

今次揀咗嚟中環食呢間聽説是高質的牛扒店，有上下2層樓，但座位與座位之間比較貼，空間感好有限，肥一點都會覺得好窄！*一坐下來，店員很好地一一介紹餐牌上的每一款主菜有什麼特色，之後推介了一些伴菜、小食、飲品等等。服務真好呀～*頂級肉眼牛扒 (HK$258)肉眼油花豐富，中間有明顯的油脂，就算點了三成熟，口感依然是軟腍，切細細粒，把啲肥呀，根呀切走，這樣一口size，能一一享受牛肉的軟嫩肉質。朋友仔和店員初初都問了我3次真的要三成熟嗎？擔心是不是太生，最後，朋友仔都認同這個熟度是好味呀😃*吉列炸牛扒 (HK$188)這也是一塊肉眼扒，被調味和炸之外皮酥脆口感，中間是1成熟。有特別的火爐俾我哋自己燒熟佢。朋友仔燒得好叻，牛肉很美味😋*2個套餐配有前菜、沙律和飯。碗飯面頭鋪了一些飯素，似有肉粒、蛋脆和脆米粒，好好味呀～*芝士粉薯條 (HK$48)肥胖多肉薯條，而滿身芝士粉，唔點茄汁都好味，正呀～*手工啤酒 Amber Ale (HK$58)這款手工啤酒比一般啤酒深色，但味道是比較易入口，有淡淡的果味，唔錯喎😋

同朋友慶祝生日以為佢會超多人點知去到一個人都冇😂不過可能係lunch啦 (邊個會lunch黎食牛扒咁heavy 除咗我地)最低消費每人一個套餐有6款肉揀 我地5個人乾脆每款都叫曬(除咗羊架)咁每款都可以試到啦!每個套餐包前菜(芝麻醬凍豆腐)+沙律+飯(有飯素)芝麻醬凍豆腐: 味道較淡 不過豆腐滑身 細細舊做前菜都適合 開開胃沙律: 落咗醋同車厘茄嘅沙律菜 普通飯: 原本個飯已經好味😍好咬口 似珍珠米?! 又好黏身 加埋飯素超正 有芝麻粒同紫菜 鹹鹹地咁(某程度上係落咗味精嘅飯😂）不過好味 同牛肉又夾味-然後介紹每款肉1️⃣頂級肉眼牛扒 ($258)揀咗5成熟 不過似7成熟依個感覺上肉質硬身少少 實身啲係最普遍牛扒嘅味道但係好味嘅2️⃣吉列炸牛扒 ($188)相信唔少人都俾依個吉列牛吸引而黎食好得意 可以自己煎😆一邊食一邊玩外皮煎完超脆 外脆內軟而個肉就比其他款較薄身 牛味冇咁重 而且肉部分有少許難咬3️⃣頂級板腱牛扒 ($215)都係揀5成熟 依個就真係似5成啦肉較厚身但係超易切 而且超軟腍!一啲根或肥膏都冇超juicy🤤一講起又開始流口水添好好味😍限量有原因4️⃣香煎魚柳 ($195)落咗檸檬汁唔多

約咗朋友飲嘢之前想食啲嘢咁啱經過呢間主打牛嘅鋪頭啱哂我地幾個食肉獸🤭諗都冇諗就入咗去開餐啦😋1⃣吉列炸牛扒🐮（$188）呢個係鋪頭嘅招牌菜之一一上枱已經聞到好香🤤好鐘意佢係厚切 食落口感會好好多同埋上枱個時得兩成熟可以根據自己鍾意嘅生熟程度黎燒鐘意生啲又得! 熟啲食又得!鐵板仲要加咗牛油 望住佢溶化 好治癒😄用黎燒肉令到佢更香😋除咗牛之外 亦都有一大碗白飯 麻醬豆腐同埋沙律菜 中和下牛肉嘅肥膩感💪🏻2⃣頂級肉眼牛扒🥩 ($258)店員話俾我哋知下晝先返貨 係今日嘅Special😍咁新鮮 我哋梗係要叫黎試吓🤩我哋聽店員嘅建議 叫咗五成熟大廚的確將牛扒煎到五成熟 並沒有過熟或過生🥳我哋掛住講嘢 擺左一輪先食 不過肉質依然鮮嫩👍🏻同吉列牛一樣 仲有白飯豆腐同埋沙律菜 唔使驚唔夠飽🤪3⃣和風紫菜薯條🍟（$48）簡直就係一個好味版嘅shake shake薯條😋紫菜份量超多 每條薯條都沾滿哂👍🏻而且唔係紫菜粉！係真嘅紫菜！仲要係有紋嘅薯條呀🤤4⃣炸雞軟骨🐔（$68）雞軟骨炸得香脆 而且唔會油膩得滯份量比想像中大 咬到牙較好攰😂總括黎講 店員好有禮貌而且好熱心推介食物俾我哋就算我哋幾個都選擇困難佢都仲係耐心

所謂高端，唔係指食得高貴，只係位於老蘭斜坡頂端位置，行到氣都喘，為嘅只係食靚牛歎紅酒老蘭竟然有吉列牛食，即刻嗌個set試吓先，有碗飯、沙律、豆腐送牛睇落色澤幾有血氣，未食覺得應該有味侍應建議我地等1-2分鐘，燒紅啲爐先放牛肉，用牛油煎香，幾特別好快就熟喇，唔怕自己身上好大陣味，因為冷氣好夠有鹽同醬配一配牛肉除咗日式吉列牛，仲有扒鋸嗌咗5成熟，幾厚，生得嚟幾易嚼跟餐加少少錢就有小食，雞軟骨餃子唔錯除咗小食，加錢可以跟紅酒唔飲得嘅朋友可以試吓無酒精紅酒因為啲冷氣幾強勁，建議嘢食要趁熱食，始終留住溫度，才是正確態度