麻浦元祖 (已結業)

年初六..好多餐廳依然未開，行開尖沙咀忽然想食韓燒，就諗起之前食過巷子裡嘅麻浦元祖，值得encore! 呢到勝在食物款式多，水準穩定，宜家仲多咗放題選擇，啱晒大胃王！由於今晚仲要返去食開年飯，所以今次唔試放題，單點黎過下口癮先🥳每款肉都切得整齊上檯已經令人食指大動👍🏻唔洗燒好耐，三兩下半熟狀態就最好！個人最鍾意肉眼牛扒，肉質軟腍有嚼勁，入味多汁。另外，頂級雪花牛肉油花均勻，雖然未到入口即融，但食落依然滿滿幸福感🥰專登order兜生菜伴肉一齊食，啲菜係新鮮嘅，凍凍地夾住新鮮燒起嘅肉，成功中和油膩感👍🏻再點咗一客韓式冷麵refresh下！麵身彈牙得驚人，極有嚼勁。加入青瓜絲、醃蘿蔔等配料，味道溫和清新☺️🤟🏻下午時段食咗個heavy lunch. 無緊要啦一年一度新年假，就比自己一個理由放縱一下！食完再減啦😂😂

朋友請了我去了尖沙咀食韓國菜，這間餐廳除了有韓燒外，還有地道的韓食供應。兩個人點了兩款肉類及主食。店員會送上醬汁及前菜，泡菜味道 不算辣且爽脆。除此之外，店員在鐵板旁邊倒入泡菜蛋漿及芝士粟米。頂級雪花牛肉：牛肉質素中上，佈滿了雪花紋，油脂平均，顏色鮮紅，肉味濃郁且有油脂甘香，肉質嫩腍。雞肉：已經醃製過，味道比較甜，雞肉因有醃料所以較易膿，店員亦會不時更換鐵板，所以不怕黏到雞肉上。石鍋牛肉飯：跟傳統的韓式鍋飯無太大分別，都是有些牛肉、蘿蔔、芽菜等等，再倒入韓式辣醬拌勻，辣醬辣味較減，適合港人口味，鍋底更有香脆的飯焦。海鮮煎餅：有點似中式薄撐，不過比較厚身，有些海鮮粒在餅內，旁邊帶點香脆，但味道較淡。